HOSEA 4:1 - Biblía Axweesantá Hhohho' ar Mungú 2004

¹ Kuungá' múk Israeli axweesantá AAKOÓ MUNGÚ iiárií qaasaak. Asma AAKOÓ MUNGÚ i múk yaamuuká' iigahhamiit, asma inkihhimu i kaahh nee hhooeemawo tam heé Munguú xuú' i kaahh baraá yaamuwo.

HOSEA 4:1 Iomraidhean Croise

1 WAAWITÁ 22:19

Mikaya iri oó', «Gimáy axweesantá AAKOÓ MUNGÚ iiárií qaaseek: AAKOÓ MUNGÚ ugwa ár aa iwiít gawaá kitaangós kuduú waawuti'iima, nee slaqwaruuse sleémeero ar gawaá doori aa sihhít bihhaawós, tooka bihhaá doó /iyáy tiqá' awa doó basáy.

WARA'AMI 81:9

Gár taa tleéhh ar slaqsoó Mungú ma sluufisaar, tam sleeme ma i tumbararaa'ataar.

ISAYA 1:10

Axweesantá AAKOÓ MUNGÚ iiárií qaasaak, kuungaá adór geeraharuusér Sodoma, intsaahhasár Munguúrén iiárií qaasaak, kuungaásingá' múk tlákw adór kuduú Gomora.

ISAYA 1:18

AAKO i kaahi, «Qwalaasé' hamí aníng nee kuungá' a axweesaán, tlakweemaahúng tim da/atatuyá' adór inqwaarír daa/aát wá ale, nin /awkukuyá' adór tlaa/aá tluwaay, tim da/atatuyá' adór tseere, nin /awkukuyá' adór se'éngw bee/ángw /awák.

ISAYA 28:14

Gawaá adoorihe, kuungaásingá' niquuse, axweesantá AAKOÓ MUNGÚ iiárií qaasaak, kuungásingá' waawuti'ii'imá' baraá Yerusalemuro.

ISAYA 34:1

Aá xoórdu, tseewuwaré', iia qaasaak, aá muú, iia qaasaak yaamu sleeme i axaasiye' nee umuú gár baraadií diriia. Yaamu nee umuú gár baraadá' wa hootá'.

ISAYA 34:8

Asma AAKOÓ MUNGÚ baala ga qaás ar li/aay nguwa bui, kurkú li/oó Siyoni nguwa bui dír wakuuser'ín.

ISAYA 5:3

Gawaá adoorihe, sla'aarusmooeé' i kaahi, «Kuungaá yaamuloouusér Yerusalemu nee múk Yuda, kwasleemar'eé' tí tsataare' tla/ángw aníng nee qaymor'eé' ar sabiíbuuwo.

ISAYA 59:4

Heé muruú ganaá' gu iinuús i kaahh, heé kwasleemár tlehhiít ar inkihhimu i kaahh, axweesanoó tawo ngun harahhifiyá', kuungá' lameemo in axweemaamisá'. Kuungá' tlakweema in qoomaamesá', nee tlakweemaahúng i laqwaliná'.

ISAYA 59:8

Loohír wayda a xua'aaká, baraá lohduuhunge sakwasleemár ganaa' i káhh, Lohduuhúng a lohdaá naa qwaariye', heé lohduuhúng gira oh oo wayduú slasláw i kaahh.

ISAYA 66:5

Axweesantá AAKOÓ MUNGÚ iiárií qaasaak kuungáká' axweesantós ngi ilaiwawaa/á'. «Hhaeehúng kudá' kuungá' nu ahhiitá' nee naa si'iye' as umuueé' inooín i kaahiya', ‹Gimáy AAKOÓ MUNGÚ ti xirfayeesi as atén qwal/uuhúng nguwa araan.› Ala múk ta mureekeesi an inooín.

YEREMIA 11:7

Asma baabi'iihúng ina ló'wa gurbuú' qoomár ngiwa duúx baraá yaamaá Misrír wa aleeró, nee ana kumamiít nanaqaango ay laarí niwa kah, ‹Afór'eé' iialooeesaak.›

YEREMIA 19:3

Ki beer, kuungaá waawituú Yuda nee yaamuloouusér Yerusalemu, iia qaasaak! AAKOÓ MUNGÚ Aleesleemusmo, Munguú múk Israeli, i kaahi, ‹Ar ló' amotlakwér tlakw ngi baraá yaamuukií huúw, umuú heé kaangwí gwaa axaasi i ló'wa da'ayuut.

YEREMIA 2:4

Axweesantá AAKOÓ MUNGÚ iiárií qaasaak, kuungaá múk Yakobo nee xwaylár múk Israeli sleémeero.

YEREMIA 2:9

Gawaá adoorihe AAKOÓ MUNGÚ i kaahi, «Aníng kuungá' nun lu'ús, nee tam na/aá nangwhúng in lu'ús.

YEREMIA 25:31

Tsimaahhirí iri hardát ay hhapeemo sleémeero. Asma AAKOÓ MUNGÚ daanduú xoorduwo i kwasleemár kón. Muu sleémeero gwaa sakwasleemuút, múk tlákw gu tsuu/ ar paánga. Anuú AAKOÓ MUNGÚ tí ngina oó'.»

YEREMIA 34:4

Tam adoorihe, kuúng Sedekia, waawutmoó Yuda, axweesantá AAKOÓ MUNGÚ daanduuwoge iiárií qaaseek, kuúng tu gaasiiká ar slaqwara.

YEREMIA 4:22

AAKOÓ MUNGÚ i kaahi, «Muk'eé' a daktana, aníng i xuiaaká. Inooín a na/aá iimibo/ gár i tsatshhana' i káhh. Inooín lohdaá tlakweema tlehhit ngi xuiyá', ala kángw hhó' tleehhtuuwo ngu xuiaaká.»

YEREMIA 4:28

Gawaá adoorihe yaamu i tsuunqumisiyá', nee doori i boo/ayá'. Tí án aga oó', i baloó warqeeraaká. Aníng tí aga ístí tsaát, sleeme a alií ki/aaká.

YEREMIA 5:4

Aluuwo án niri oó', «Mukwí an narkuutér kilá', i fuqurángw kon'aaká. Inooín gár Mungú i slai ngi xuiaaká, dabér AAKOÓ MUNGÚ ngi xuiaaká.

YEREMIA 51:5

Asma múk Israeli nee oo Yuda kwaa gunqareesiiká nee AAKOÓ MUNGÚ Aleesleemusmo, Munguúín, tam yaamuuín naa hatsii'i tlakweemaawo, geeraá Kudá' Hhoohhoó' oo Israeliro.

YEREMIA 6:13

Inooín sleémeero iimír na/aá ninákw wa tleemu ay múk urén slaasláwár ganaa'aaká ngi tawo slaiyá'. Tam aaruuse nee kaahamuusero umuú heewo gaa a lama gan tlaaq.

YEREMIA 7:28

Kuúng kay beer, «Kuungá' a xoorór afór AAKOÓ MUNGÚ, Munguúín, gaa si' iialooeesaro, tam intsaahhasa ana sié'. Dirhunge looeema naa gwaaiyé', baraá axweesantahunge, tam looeemaá niiná i kahhiyá'.»

YEREMIA 9:20

Aá /ameéna, axweesantá AAKOÓ MUNGÚ iiárií qaasaak, nee iiaahúng axweesantá afkós ngi axaasiye'. Dasuuhúng tsuunqumisuwo intsaahhatisaak, nee umuú heewo inslaawmoowós ngu intsaahhatisi daa'ángw folituuwo.

YEREMIA 9:3

AAKOÓ MUNGÚ i kaahi, «Tsifreeri'ín ngaa qwambatmisiyé' adór ga/ale iwa lamemaá axweesiya', nee inooín /uuru ngwaa slayé' baraá yaamuwo ala as gan'amuuwooká, asma nin kumiitiyá' baraá tlakweemaawo, ala aníng i xuiaaká.

YEREMIA 9:7

Gawaá adoorihe AAKOÓ MUNGÚ Aleesleemusmo i kaahi, «Aníng in hhohhoeés nee in iiár. Xáy gár hatlá' ar muk'eé' ngway tleehh a milá?

ESEKIELI 16:35

«Hám daxta kiíngasír tsaatuso'o, axweesante'eé' iiárií qaaseek, Anuú AAKOÓ MUNGÚ.

HOSEA 12:2

AAKOÓ MUNGÚ i kwasleemár kón daanduú Yudawo, inós xwaylár Yakobo ga slaahh as tlehhmi'ii'ín awa tlakw, giri buu' ar har qoomoó tlehhmi'ii'ín.

HOSEA 12:3

Baraá guruú aayoorose koolór hhiyaawós gana óh, iwa uráy tina tlaampa'asiyé' nee Mungú.

HOSEA 5:1

Tí iiárií qaasaak, kuungá' kaahamuusér Mungú! Iia qaasaak, kuungá' múk Israeli! Iia qaasaak, múk doó waawutmo, asma kwasleemarí i kuungá' wa hariín. Asma kuungá' aga tsaaxweeli tleehhité' baraá Misparo, nee xotloompír taa qaás daanduú tloomár Tabori.

HOSEA 5:4

Mukwí kwaa ilaá/ nee tlehhmi'ii'ín as kahhó' matawa kií/ amór Munguúín. Asma inslawoo fuqi aa haáts baraaine, tam AAKOÓ MUNGÚ ngu xuiaaká.

Yoeli 1:2

Iia qaasaak, kuungaá bariíse, iia qaasaak, kuungá' sleémeero awa yaamuloouusér Yuda! Xáy, kaangwí aqo deeruúti qoomarhunge, laqaá deeloodár baabi'iihunge?

AMOS 3:1

Gimsé' daxta, /aymi'iiká' AAKOÓ MUNGÚ aa axweés daanduuhunge iiárií qaasaak kuungaásingaá múk Israeli, xooroorí sleémeero inós naa duúx baraá yaamaá Misrír wa alé,

AMOS 7:16

«Gimáy, daxta axweesantá AAKOÓ MUNGÚ iiárií qaaseek, kuúng a kat, ‹Ma aaririimaar daanduú múk Israeliwo, tam dír xwaylár Isakawo ma dahareemisaar.›

MIKA 6:2

Kuungá' tlóm'i, kwasleemár AAKOÓ MUNGÚ iiárií qaasaak, nee kiíng iihhafiirír gawit ar yaamu ar kureerisleém, iia qaaseek sleeme. Asma AAKOÓ MUNGÚ i kwasleemár kón daanduú mukose, nee muxta ngi huuw amor'ín i alé.

Yohana 8:55

Kuungá' ugwa xui'iiká, ala aníng u xuú'. Barnaxes aga oó' u xuaaká, aníng a lamusmo tleehhiít adór kuungá' wa ale. Ala án u xuú', nee axweesantós aga óh.

Rumi 1:28

Inooín xu'utidár Mungú kuwa xui, kaa gaárí xuiiká. Gawaá adoorihe Mungú sleeme inooín giri máy baraá inslaway'ín kudá' aa hhitiruut, as muruudá' hariimaaká kuwa tleehhi.

1 Korinto 15:34

Daarkiité' baraá oonitimerhunge, nee fuqurangwhúng ar gadiyuusaak, slám tlakweema mi tlehhiitara'. Asma kuungá' bahh'alé Mungú u xua'aaká. Aníng adoorí an káh as kuungá' nuwa mureekees.

Geehhoeemaá 2:11

«Heé iaá koóm, axweesantí ngi axaasi, tí Qeeru i kaahi dír múk kríshaanáy, «Heé arba/ati ga sláw, inós ku slahh'eesiiká nee gwa'araadár tsár.»

Geehhoeemaá 2:29

«Heé iaá koóm, axweesantí ngi axaasi, tí Qeeru i kaahi dír múk kríshaanáy.»