HOSEA 3:4 - Biblía Axweesantá Hhohho' ar Mungú 2004

⁴ Asma múk Israeli deelór yaariire i waawutmoó kon'aaká, laqaá heé úr, laqaá ilahhooár muruú ta tsu/i, laqaá /aampa, laqaá naifeéra laqaá tam slaqsa'aá munguii'ín.

HOSEA 3:4 Iomraidhean Croise

IIMU/UUNGW 31:19

Qoomaadae Labani aa se'éngw bee/aangós tlaquú áy. Naagáy Raheli pa/aangw guri sleér oo murslaaqatuú munguiidá' baabá i haratlintaati'i ngiwa fis.

IIMU/UUNGW 31:34

Raheli murslaaqatuú munguiidá' guna ar tleér, guri lú/ baraá guruú fala gawaá daanduú angamía, guri al'iwít. Labani iri ló'wa leelehhiít baraá guruú heéma sleémeero, ala gwaa slayká.

IIMU/UUNGW 49:10

Yúda, hhartá waawuti'iima i baloó qutlaaká diroge, nee xwaylarók deelo sleémeero in waawuti'iín, ay dír heé waawuti'iima loó' nay hardihi, kudá' xoordu ni ilaiwawa/iya'.

2 SAMUELI 6:14

Daudi iri faakamiís ni/imaro dír geeraá AAKOÓ MUNGÚ wa ale, tlawuduú kaahamusmoó Mungú oo taa tleéhh ar neewór kitaáni gwa afeetlií siinoót.

2 WAAWITÁ 23:24

Waawutmo Yosia qwaslaarér giaá duxuum nee da/aluuse, nee murslaaqat nee slaqsi'i dinkwa nee muruudá' ló'wa buhhtamís, sleémeero guna hingeés baraá yaamaá Yudawo as tidá' taa gooín baraá kitaábuudá' Hilkia kaahamusmoó úr oo Mungú aa sláy baraá doó AAKOÓ MUNGÚ wa ale.

2 QOM'I 15:2

Inós iri tláy waawutmo Asa guri al'áy gway báy, «Aá waawutmo Asa, nee muu sleémeero oo Yuda nee oo Benyaminiwo, aníng iiárií qaasaré', AAKOÓ MUNGÚ a dinkwa nee kuungá', barnaxes kuungá' a dinkwa nee inós. Kuungá' bura leelehhé' u sleerá', ala bura geexeeré', inós sleeme kuungá' nu geexáy.

TI'INAANGW 28:4

Tlabaá ta tleehhi a kuká': Tlakwayduú gawaá da/eewo nee naifeéra nee hiyoó ququmaár, nee hiyaydá' tleér taa qaalín, nee kofiyá nee himuú afeetlo. Tlabaaká' hhiyaawók Aroni nee daaqaywose kin dahamiis as kahhó' tawa kaahamuusér aníng i sagadiyuus.

TI'INAANGW 28:6

«Inooín naifeéra ngi tleehhiye' ar neewór sahaábu, nee neewór se'éngw bee/aangw ar sirbo/, nee ar sirdaa/aaten, nee ar da/aten, nee ar kitaánír hhohho' ar taa ló'wa hhuútl.

WA/AA/I 2:9

Afér gixsarós aa yaamií sluk'umít, muqslaadá' kar tsegiiti gana giqáy gay hhitín, waawutmoowós nee geeraharuuser'ine i baraá tla/ángw xoordu. Dabe i sangw malé káhh, aaruuseerós iigu'utuú amór AAKOÓ MUNGÚ daáhh gu slasleeraaká.

ESEKIELI 19:14

Asla ina ti'ít baraá tla/ángw xa'anoodá' wa alé, haleemi nee mamuuwo giri /ák, haleemiiwós i baloó iiay'aaká, laqaá i adór hhartá waawuti'iima tleehhitiaaká.» Gaarí a tsuunqumis, nee i tsuunqusmo tleehhit.

ESEKIELI 20:32

Kuungaáká' kaahá', ‹Atén a adór xoordaá hatlá' tleehhitaán, nee tlahh'aá yaamaá hatlá', as xaai nee tlaa/e kiwa sluufmisaan.› Tisíng ta baraá munerhúng i kata' i baloó ya/aandaaká.»

ESEKIELI 21:21

Waawutmoó Babuloni i sihhimiit dír iimu/úngw lohuuká' tsár, dír waatsarár lohuuká', as tlaa/e ngiwa didá' wa xui. Tlangaasirós gari diingiis, slaqsi'iidaá munguiiwós kudá' giri kaangwí yaahaas, nee de'ér makiito'ór taa ilahhooár wa haniís gari xuuxuu'.

ESEKIELI 21:31

Aníng nun i buúhh, asltá buhhtaaeé' an gawaahúng ar ufaáhh. Nu qaás gawaá dabaá wakuuserhúng tidá' xaraasl, múk kuungá' nu lo'wa baál tsu/utaaro.

DANIELI 11:31

Slaqwaruuseerós muruú ta waki kun dahaas baraá Doó Mungú nee baraá gixsa. Ilahhooadár da/aa/aangw ar umuú baala kan ilaa/. Gadaádá' ta waki gan sihhtis baraá Doó Mungú.

DANIELI 12:11

«Iimidár qoomár ilahhooár da/a/aangw kawa hingeés, tidár umuú daqi, iimír qoomár gadaádá' ta waki kawa sihhtís, a afiqoomár deelo kumuú wák nee tsiire tsár nee mibeeraá gwaleél.

DANIELI 9:27

Waawutmowí mulqi'iimár gawit ga tleehh nee múk yaariír har afiqoomár wiíkír wake. Alaá tlaqtá wiíkiro inós ilahhooár muruú ta tsu/i nee ilahhooár hatlae gin qwaarees. Inós gár ta waki gari qaas didár kitángw ilahhooa kawa hanmamisi. Gadaádá' ta waki in diirií mét ay dír heedaádá' gaa sihhtis kway suquy nee Mungú ar adoodá' ngira tsabín.»

HOSEA 13:10

Waawutmohúng daxta hamí i amá oo nu tuú/? Geeraharuuserhúng gaálaay as kuungá' as nuwa xuun? Kudá' kuungá' tawa oé', «Waawutmoorén slawang nee geeraharuuseero as tiwa sawaawuti'ina'.»

HOSEA 13:11

Aníng ana buúhh waawitaáhúng nguri haniís, ala ana qa/iít buhhtaawo nguri hingeés.

HOSEA 2:11

Slám qwal/amaayeerós sleémeero a hingeés. Nee deeloorós tidá' urene, nee deelór uren ar slahhaangw niwa ti'iít, nee deelór Sabaáto nee deeloodá' uren taa qaás.

TLAHHOÓ LAÁWI 8:7

Naagáy Aroni guri tsiitiís ar hiyaay, guri himuú afeetló i tseék, nee guri hiyoó niiná i dahaás, guri tsiitiís ar naifeéra, gari tseék gawaá afeetlo ar himuudá' taa parootuús.

SEKARIA 10:2

Asma munguaá hatlá' gár i axweesiya' a muruú tawo, nee qwaslaarér isaá ar'aa'ar gár aa aán lama. Iigu'utuuser'ín tlataá lama ngin alki/itiyá', nee gurkwa/asár al/ayma. Gawaá adoorihe, muu in tawo tonganuus adór bee/aangw, inooín i slahhahhaiyá' asma iwa de'eemusmoó kon'aaká.

SEKARIA 13:2

AAKOÓ MUNGÚ aleesleemusmo i kaahi, «Baalaadár kilae aníng slaqsi'iidaá munguaá hatlá' in amór saáwí kwaáhh baraá yaamuwo, baraá inslawoó muko niri gunqaruutiyá', slám aaruusér lama an guús baraá yaamuwo nee qeeruú tlaakwe.

Luka 21:24

Inooín ki tsuu/ ar paánga, kiri lohatis baraá yaamuuine, kay huuw baraá xoordaá dimbadimbé. Gixsár Yerusalemu kay i iwiit nee xoordaá hatlá' ay dír qoomár xoordu i bo/.»

Yohana 19:15

Inooín tari tseeamín, «Hingeeseek! Hingeeseek! Kikiieek!» Pilato iri oó', «Waawutmoohúng un kikiía?» Kaahamuusér uren ar Mungú iri ó', «Atén waawutmoó hatlá' u koomanaaká, aqo har waawutmoó múk Roma kilós.»

Ebrania 10:26

Atén xu'uti barnaxes aga slawaán daanduú looeemaawo, aluuwo tlakweemaá fahhaari kiri malé tleehhaán, ilahhooár ta gaasi ar tlakweemaadá' gi hingees i káhh daqaní.

HAR'OHUUSE 17:5

Heewí ta bay Mika, doó mungú nguwa sluufmiisi guna tleéhh, nee naifeéra gana tleéhh, nee slaqsa'aá munguaá hatlae, garmaawós gway kaahamusmoowós wa qaás.

HAR'OHUUSE 18:14

Aluuwo mukdá' kooán yaamaá Laishi ngaa tsawtsawuusár aye', hhaeeín ngiri bayé', «Xayshé', kuungá' a xuá'a adór baraá do'koowo murslaaqatuú taa daákw kuri parootuús ar muqslír taa weeqatís i deer, nee slaqsa'aá hatlae nee naifeéra. Hám daxta kuungá' ma katá' adór ta laqaan.»

HAR'OHUUSE 8:27

Gideoni sahaábuudá' guri naifeérár kaahamusmór tleéhh, gari qaás baraá gixsarós ar ta bay Ofra. Múk Israeli sleémeero iri amoodá' i tláy as kuwa sluufmiisi. Naifeéradá' iri tsaaxweeli tleehhít dír Gideoni nee múk do'ose.

1 SAMUELI 14:3

Ahiya garmoó Ahitubu, hhiyoó Ikabodi, garmoó Finehasi, garmoó Eli kaahamusmoó AAKOÓ MUNGÚ, oo baraá gixsár Shilo, hiyoó saaliingw guna dahaás. Slám mukwí gaa xuiiká adór Yonatan ira tláy.

1 SAMUELI 15:23

Asma dee/aana a adór tlakweemaá da/ari, nee saga gawdeema a adór tlakweemaá munguaá hatlá' kiwa haratlintati'i, hám daxta asma axweesantá AAKOÓ MUNGÚ kawa qo si'i, inós kuúng sleeme ugwa sií' tawa waawutmo.»

1 SAMUELI 2:18

Masoomo Samueli AAKOÓ MUNGÚ guna sagadiyuús. Inós tsitoó ta babay naifeéra oo taa tleéhh ar kitaáni gun dahmaamiis.

1 SAMUELI 21:9

Ahimeleki guri báy, «Paángár ni koom a tidár heedaáduú Filisti ta bay Goliati, kudá' taa gás baraá xatstá Ela, hanoos diisír alu, kaa tseék baraá naifeéra. Tisíng bar slá', ar tlaweek, asma paángár hatlá' i káhh diirihe.» Daudi iri oó', «Paángár adór tisíng in qo káhh, áx kuúng haniisang.»

1 SAMUELI 22:18

Waawutmo Doegi heé Edomu guri báy, «Kaahamuuseesír Mungú harawarqaweek, tsu/eek.» Doegi heé Edomu, kaahamuuseedá' gana i warqáy tsu/taro. Baalaadae kaahamuuseedár naifeéra ngaa dahas ar taa tleéhh ar kitaáni a mibeeri dakaát nee kooán, sleémeero giri tsuú/.

1 SAMUELI 23:6

Abiatari garmoó Ahimeleki, qoomár iwa goów Keila amór Daudi, naifeérár kaahamuusér Mungú gana dákwár huúw.

1 SAMUELI 23:9

Daudi ga xuu' adór Saulo ngur kángw tlaákwí slai, Abiatari guri báy, «Xáda xáy inqwarusuú kaahamuusér Mungú haniisang, kuduú naifeéra.»

1 SAMUELI 30:7

Daudi iri oó' dír Abiatari garmoó Ahimeleki kuduú kaahamusmoó Mungú, «Axáy naifeéra huwang.» Abiatari gari huúw.