HOSEA 2:22 - Biblía Axweesantá Hhohho' ar Mungú 2004

²² Yaamu balaangw nguri hamareesiyá', nee sabiíbuwo nee seituúniro, baraá xatstá Yesre'elír wa alé.

HOSEA 2:22 Iomraidhean Croise

ISAYA 62:4

Kiíng ti male bayká, «Ar taa sií'.» Nee yaamuuwók ki male bayká, «Deewa'ame.» Ala tin bay, «Ar ni slaa'.» nee yaamuuwók kiri bay, «Awa taa duúx.» Asma AAKOÓ MUNGÚ kiíng ugwa sla'atís, nee yaamuuwók ki duux.

YEREMIA 24:7

Aníng in tsaahhárí haniís adór aníng tar AAKOÓ MUNGÚ. Inooín tari muk'eé', aníng tari Munguúín, asma inooín nin amor'eéní ki/iyá' ar muner'ín sleémeero.›

YEREMIA 31:12

Nin hardihiyá' ar afór daa'aangw gawaá tloomár Siyoni. Nee hhooeemaaeé' kin saqwalalaa/, anuú AAKOÓ MUNGÚ. Hhooeemaaeé' kudaá balaangw nee difaái nee di/i, tidá' ni hanmaamiis, nee bee/aangw nee hikwa. Inooín an adór asalmoó taa eemamiís ar ma'aay, inooín gár kiwa /aár i káhh.

HOSEA 1:11

Múk Yuda nee múk Israeli ta haragwaa' diinkwárí alé, geeraharusmooín oo wák kuri tsawaar, inooín nay diihhe'eesiyá' baraá yaamuudae. Asma deeloodár Yesre'eli ka ló'wa ur.

HOSEA 1:4

AAKOÓ MUNGÚ iri oó', «Umuuwós ku beer Yesre'eli, asma deelór aa met ka ureeká, doó Yehu u hhitiím, asma tseerér aa ku'uús baraá Yesre'eli nee waawuti'iimár doó Israeli an suqúw.

HOSEA 14:7

Inooín ni ki/iyá' niri iwitiyá' baraá mahhtír'eé', niri slu/ubibiná' adór angaánoó baraá qaymo, niri /ayuusiyá' adór sabiíbuú wa ale, mooyangw'ín tari adór kuduú difaáír Lebanoni.

Yoeli 2:19

AAKOÓ MUNGÚ iri mu/aywaáts, mukós guri báy, «Ga/aawaak, balaangw ngu haniís, nee difaái, nee di/i, kuungá' tari axá' muruuwihe, slám nu baloó mureekeesaaká baraá tla/ángw xoorduuwo.

SEKARIA 8:8

Aníng inooín ngiri huúw, tawa hotaá ay tla/ángw Yerusalemu, inooín tari muk'eé', aníng tari Munguúín, ngiri geerahaár ar inkihhimu nee hotaá ganaa'á'.»