HOSEA 2:16 - Biblía Axweesantá Hhohho' ar Mungú 2004

¹⁶ AAKOÓ MUNGÚ i kaahi, «Slám deeloodae aníng in beer, ‹Hhawaatuueé'› i beeraaká, ‹Ba'aálieé'.›

HOSEA 2:16 Iomraidhean Croise

IIMU/UUNGW 34:3

Muunaáwós dasiirír Yakobo gari ló' wa slaá'. Dasiirí gari i axweés ar axweesantá hho'.

ISAYA 40:2

Axweesé' ar afór tsa' nee yaamuloouusér Yerusalemu, ádbawaak ar afór ur, inooín kibeeto' slaqwararhúng aa fák. Tlakweemaaín kaa gurtláy, AAKOÓ MUNGÚ inooín gaa slaáhh sagáwa tsár wa alé, asma tlakweemaaín kudá' sleémeero naa tleehhiyé'.»

ISAYA 54:5

Asma tleehharusmoowók an adór hhawaatuwók. Umuuwós a AAKOÓ MUNGÚ Aleesleemusmo, nee kudá' hhoohhoó' oo Israeli an gweerusmoowók. Inós an Mungú daanduú yaamu sleémeero.

YEREMIA 3:14

«Ki/aaré', kuungásingá' na/aá inkihhimu wasl, asma aníng an Aakoohúng. Aníng umuú heewo u leéhh dír umuú gixsaro, nee múk tsár baraá umuú tlahhaywo, ngiri huúw ay tloomár Siyoni. Anuú AAKOÓ MUNGÚ tí ngina oó'.

ESEKIELI 20:35

Aníng kuungá' nu huúw baraá xaanxoó xoordu, nee amoodae nuri sakwasleemuút.

HOSEA 2:7

Inós mulqeerós gay eeharahaduú eér, ala gi sleeraaká, gi leelehhít ala gi aandaaká, iri o', «Aníng a kií/ amór hhawaatuueé' kuduú bi/i, asma adoodá' dír hhawaatueene nira hoót a tsiní ta adoorí hám ni diriia.»

Yohana 3:29

Heé nee /ameenír ta duxuuti ti koomá', an heedá' duuxuxuúm, ala mulqumoó heedaádá' duuxuxuúm oo didaádí dirií', inós gun iiárií qamín, slám afór heedaádá' duuxuxuúm gan sa qwalalaa/. Gawaá adoorihe qwal/uueé' aa boó/.

2 korinto 11:2

Aníng gura' iga óh as kuungá'. Guruuwí aníng iga oh, amór i dahhi a amór Mungú. Asma kuungá' a adór /amaatliito'ór hhoohhoo' ar taa kwatiitiiká. Aníng al'axweesani aga haniís, /amaatliito'oorí ngiwa haniis dír hhawaatuú wák. Nee hhawaatuuwí an Kristo.

Geehhoeemaá 19:7

Gimsé', qwalaa/aré', baraa/aré', Mungú u xirfayeemisaán. Asma qoomár duuxór Deelmoó bee/i aa xeér, nee dasidár duuxo taa qaroó amohhe'és.

HAR'OHUUSE 19:3

Hhawaatuuwós gari eehár tawa axweesi ar sla'aari, nee inós ngiwa malé sla'atisi. Hhawaatuudá' nee sagadiyusmoowós ti koná'. Daqwaayeerós ar tsár ga kón. /Ameenirí guri dah'ís dír doó baabuúwós. Baabá nguwa ár iri ló'wa qwalaá/ as tiwa ariyé' nee inós.

RUTI 2:13

Ruti iri ó', «Aáko, kuúng tu ló'wa hhoó' dir'eene. Asma hhooeemaá naa axwés daanduueene aníng iga ló'wa gurkwa/asiyé', tam handá' aníng adór sagadiyuso'oorók ar wák aga awiikahe.»