HOSEA 2:13 - Biblía Axweesantá Hhohho' ar Mungú 2004

¹³ Aníng a muúx as deeloodá' ur ar munguaá ta bay Ba'ali i aaeer, nee ilahhooadár mooyángw koom deeloodae i da/a/ángw aaeer dír munguiidá'. Tina parootumaamís ar peéterós nee ar muruudá' tlaxo gawdén, iri tleér amór mulqeerós, aníng iri gunqaarés. Anuú AAKOÓ MUNGÚ tí ngina oó'.

HOSEA 2:13 Iomraidhean Croise

2 WAAWITÁ 1:2

Ahasia iwa Samariár i dirii'i ina /eét gawaá daárír do'ós wa alé, tiri ló'wa hariiáy. Inós muu guri ya/aáw, guri báy, «Tlawsé' Ba'alsebubu yaahasare', munguú gixsár Ekroni, axáy a hunguú/a tiqtirihe.»

2 WAAWITÁ 10:28

Adoorí an adoodá' Yehu ilahhooár Ba'ali ngira fiíts baraá yaamaá Israeliro.

2 WAAWITÁ 21:3

Asma inós kiteeridá' waawutmo Hesekia aa feé/ kudá' munguaá hatlá' kiwa gawaá gongoamaá wa sluufmiisi, inós gina male /abeés, kitángw Ba'ali kuwa ilahhooárí hanmiisi guna tleéhh, nee slaqsoó Ashera guna tleéhh adoodá' aáng Ahabu waawutmoó Israeli aa tleéhh. Tam adoorihe Manase tsatse/uú gawaá doori guna sluufmiís, guri sagadiyuús adór Munguú ló' wa aleeró.

YOBU 8:13

Mukdá' sleémeero Mungú gu gunqareemiís an adoorír kilá' harahhifór múk Mungú gu haratlintatiaaká in payshút.

WARA'AMI 106:13

Ala gadiyeédár Mungú ngari gaanslár gunqareesiyé', tam gurbu'ungós ngwa dani'iiká.

WARA'AMI 106:21

Munguúdá' gaa ba/amis ngwa gunqareesiyé', kudá' muruú waa/oo/amo gwa tleehh baraá Misrír wa ale,

WARA'AMI 78:11

Tlehhmi'iiwós kiri gunqaareés, nee muruuwós kuduú waa/oo/amo aa laqán.

TI'INAANGW 32:34

Ala hám daxta, tláw, muu geerahareek ay didaádá' aníng kangós naa kuúng báw. Ga/aaweek, malaykamooeé' geeraawók gi haar. Tam adoorihe bál aníng birna amorhúng káw, li/aay u buú' as tlakweemaaín.»

ISAYA 17:10

Asma kuungá' Israeli, Munguúduú ba/amarhúng ugwa gunqaaresé', tam tlaa/adár guwayhúng aga insleeri'iiká. Gawaá adoorihe, tam dahaasíngw sla'atimís u dahaasinda'a, kuri hanisá' dír munguúdá' ta bay Ba'ali.

ISAYA 65:7

AAKOÓ MUNGÚ i kaahi, «Tlakweemaaín nee awa baabi'ii'ín in dinkwaárí buú'. Asma inooín mooyángw tsuú' nguna gawaá tlom'ií wa da/a/ané', ina gawaá gongoamoó wa /ooslisliné'. Aníng qoomoó haáts un dir'ín i qoomeés, kin buu' as tlehhmi'ii'ín kudaá aáng naa tleehhiyé'.»

YEREMIA 11:13

Múk Yuda, munguiihúng ki yaariir adór gixsaduhúng. Nee kiteeraá ilahhooarhúng ki yaariir adór lohdaá Yerusalemu, kudá' taa tlehhé' as mureekesayduú Ba'ali kuwa ilahhooár mooyángw tsuúií da/a/aanda'.

YEREMIA 18:15

Ala muk'eé' iga gunqareés, inooín mooyángw tsuú' ngwa munguaá hatlá' i da/aa/ané'. Inooín naa dukuutsiyé' baraá lohuuine, baraá lohdaá aange. Baraá lohdaá irakw kinar uhín kitángw lohdaá hhaytantá urene.

YEREMIA 2:32

Xáy, dasír /amatliito'o parootirós gaqo gunqaarésa, laqaá dasír ta duxuuti tlabaawós giqo gunqaarésa? Ala muk'eé' aníng iga gunqaareés har afiqoomár deelór yaariir.

YEREMIA 23:2

Gawaá adoorihe, anuú AAKOÓ MUNGÚ, Munguú múk Israeli a kah, daanduú de'eemusedá' muk'eé' de'ema. «Kuungá' bee/angw'eé' ugwa tlatlahhasé' nee kuri gusisiindé', ala ugwa amohhe'eemisi'iiká. Ga/aawaak, aníng kuungá' nun muúx asma tlehhmi'iihúng kudá' tlakw.

YEREMIA 7:34

Yaamu in xaanxay tleéhh, iimír gixsadaá Yuda wa tleemu ay lohdaá Yerusalemu, afór qwala/ nee qaseengw ka axaasiiká nee afór ni/imár /aylaawo asma yaamu i deewaaiyá'.»

YEREMIA 7:9

Kuungá' a fisisiindá', a tsu/utá', a fuqusá', lo'ór lama an /agá', mooyángw tsuú' un da/a/aandá' dír Ba'ali, nee munguaá hatlá' awa xuaawaslen kiri eehadé'.

WA/AA/I 1:4

Lohaá Siyoni i tsuunqumisiyá', as heé hardáh iwa kahhi bál deelór ure. Afér maraá gixsa aa tawo mét, kaahamuuseerós i baraá /ifór diren, /amaatliiteerós kaa hhiimbirtlín, nee gixsa i baraá slahh'amaayér diren.

WA/AA/I 5:14

Bariise axweesanoó tliintu gway meér, nee masoomba /ayla gaa meér.

ESEKIELI 16:12

Mungaay nguri qaás gawaá dungaawók, wiíro nguri qaás gawaá iiaawók, sagók nguri slamángw hhoohhoó' i dahaás.

ESEKIELI 16:17

Tlaa/eedá' hhohho' awa sahaábu nee awa peésa kudá' naa dirók i haniís, ina ar tleér kiri slaqsa'aá hhawaate tléhh as tawa fuqusa' nee inooín.

ESEKIELI 22:12

Mukko baraahunge muu gun peésaárí hanmiis as múk hatlá' kuwa tsu/i. Aldaafi ana ót, nee muruuwók una peésár hara/untsár weermís as tawa daqaari'iimár gaanslár sla', aníng iri ló'wa gunqaarés.› Anuú Aakoó MUNGÚ tí ngina oó'.

ESEKIELI 23:35

«Gawaá adoorihe anuú Aakoó MUNGÚ a kah, ‹As aníng iwa gunqaarés nee iwa daanduú xu'ús, daxta a aán as tsaatu'uumarók nee fuqtók.› »

HOSEA 11:2

Adoodá' ngira alkoóm ateetiingo, án inooín tina ak geexáy. Ilahhooadár muruú ta tsu/i ta Ba'ali hanmiisi ngina ooha hhe'eesiyé', nee ilahhooár mooyángw tsuú' ngina hanmisiyé' dír munguaá slaqsi'i.

HOSEA 13:1

Múk Efraimu iwa ilawaáts, muu iri daaraxaát, múk Efraimu iri iiatleerúy baraá Israeliwo, ala mungú Ba'ali nguri sluufmisiyé', tari qaátl as adoorí.

HOSEA 13:6

Ala qoomár inooín gur'er'ín ngiwa dala/ané', niri taqana/utiyé', aníng iri gunqareesiyé'.

HOSEA 2:5

Asma aayor'ín tsaatu'uuma gaa tléhh, tidá' inooín gaa tsit, muruú alsi'ím guna tléhh, asma ina ó', «Aníng nee mulqer'eé' an alhi'iimitaán, kudá' i muruú /aymár i slaslaawá' nee ma'aay, nee tsitaay nee di/i nee xuftaro.»

HOSEA 2:7

Inós mulqeerós gay eeharahaduú eér, ala gi sleeraaká, gi leelehhít ala gi aandaaká, iri o', «Aníng a kií/ amór hhawaatuueé' kuduú bi/i, asma adoodá' dír hhawaatueene nira hoót a tsiní ta adoorí hám ni diriia.»

HOSEA 4:13

Inooín ilahhooár muruú ta tsu/i kan gawaá tlom'ií wá hanmaamiis. Nee ilahhooár da/a/aangw kan gawaá sagér tlom'ií wa hanmiis, baraá guruú xaa'aá ti'ita nee oo ta bay libúa nee ta/eewiro, asma mahhtirós ka hhoohhoo'. An gár dasuuhúng is fuquusi, nee /ameenár taa duxuút is duuxór gaamis as iwa tsee/aá wá hi'iimit.

HOSEA 4:6

Muk'eé' aa qwaár asma án ti xuiiká. Asma adoodá' kuúng án ira sí' xu'utiro aníng daxta kuúng u sií' tawa kaahamusmooeé'. Asma adoodá' kuúng hara'ayár Munguúwók kara geexeér, aníng sleeme na/iiwók i sií'.

HOSEA 8:14

Asma múk Israeli tleehharusmooín kwaa gunqareés. Inooín maraá waawutmo kiri tleéhh. Nee múk Yuda gixsadaá yaariir awa koo/i gawden ngiri tleehhiyé', ala aníng asla an kwaáhh baraá gixsaduuwós. Asltí ko/uuwós kudá' gawden giri tukuúr.

HOSEA 9:7

Deelór nuwa muux naa xeér. Deelór li/aay nguwa buu' naa hardát. Múk Israeli gari xuxuu' qoomaadae, kuungásingá' kaahá', ‹Aarusmo a daktani! Heé ta geeraharahari nee qeeruú Mungú a slarhhamá!› Adoorí an katá' asma tlakweemaahúng naa tlahhiyé' nee aahhirhúng ar tlakw aa tláhh sleeme daanduueene.

AMOS 8:10

Aníng deelorhúng ar ur an warqeés tawa deelór tsuunqumis, nee daa'angwhúng sleémeero oo bara/ tari /aa/e, kuungá' sleémeero guniyadu kiri tsitá' as gurhaami, nee sagerhúng kari deqwá' adór xwayliitér /aa/amiim as garmoó aayoorose wák ina kahhuút, nee deelór alhhe'eesaay tay slahh'amuú úr.»

DABE 32:18

Kuungá' Tlaa/adá' naa xwayluur ana insleeri'iiká, Munguúdá' kuungá' naa laqwaal una gunqaaresé'.

DABE 6:12

Tí ma baloó gunqareesara' adór AAKOÓ MUNGÚ kuungá' nura baraá yaamaá Misrír wa tuú/ qoomár tawa lawaale.

HAR'OHUUSE 10:6

Múk Israeli tlakweema gina malé tleéhh dír geeraá AAKOÓ MUNGUHE. Inooín munguiidá' ta bay Ba'ali nee Ashtaroti ngina sagadiyuusiyé', nee munguaá hatlá' awa Shamu, nee awa Sidoni, nee awa Moabu, nee awa múk Amoni, nee awa múk Filistiro sleeme. Inooín AAKOÓ MUNGÚ nguna mayé', tam sleeme naa kumiiti'iiká nguwa sagadiyuusiya'.

HAR'OHUUSE 3:7

Múk Israeli adór slasla/aar gana tleéhh dír ilaá AAKOÓ MUNGUHE, AAKOÓ MUNGÚ, Munguúín nguri gunqareesiyé', inooín munguiidá' ta bay Ba'ali nee Ashera ngiri sagadiyuusiyé'.

1 SAMUELI 12:9

Ala inooín AAKOÓ MUNGÚ Munguúín nguri gunqareesiyé', Mungú inooín giri weeriís baraá dabaá Sisera, geeraharusmoó slaqwaruusér Yabini, waawutmoó yaamaá Hasori, nee baraá dabaá múk Filisti, nee baraá dabaá waawutmoó múk Moabu, inooín nee waawitaáwí tari slaáqw.