HOSEA 14:9 - Biblía Axweesantá Hhohho' ar Mungú 2004

⁹ Heé sagaloó' muruuwí ngu tsaahhi. Heé daharuú koóm muruuwí ngu xui. Asma lohdaá AAKOÓ MUNGÚ i ganaaiyá', nee múk ganaá' lohuudá' gin eehar. Ala múk tlákw in dukuuts baraadae.

HOSEA 14:9 Iomraidhean Croise

IIMU/UUNGW 18:25

Aasla'áy, adoosíng ma tleehhaar, heé hota ganaá' nee tlakusmo kiwa alqwaares. Heé hota ganaá' tawa adór heé tlakusmo, Aasla'áy, sakwasleemusmoó yaamu sleémeero gan'amu gu tleehhikáhe?»

YOBU 17:9

Tam adoorihe, heé ganaá', aqo gan'amu gun ar hoot, heé muruú hhó' tlehhiít /uuru gu ló'wa sláy.

WARA'AMI 107:43

Múk sagalooár koóm muruuwí ku alqaytsiti, nee kawa tsaahhi sla'aarír warqawaaká ar AAKOÓ MUNGÚ.

WARA'AMI 119:128

Adoorihe an hoót ar hara'ayarók, lohdaá al/ayma i waák.

WARA'AMI 119:75

AAKOÓ MUNGÚ, aníng a xuú' kuúng sakwasleema an tléhh ar loohír ganaa', nee bir múx gár is mux i deer.

WARA'AMI 84:5

Múk amohhoó' a kudá' /uuruín amoorók daáhh, kudá' Siyonír sla'á' kakaango.

WARA'AMI 84:7

I kumiitiyá' /uuru slaslaango, ay dír umuúqo heewo i hardihi dír geeraá Mungú amoodár Siyoni.

AXWEESANOÓ SAGALOOA 10:29

AAKOÓ MUNGÚ a koo/ír gawit ar heé ganaá' i gogoowi, Ala múk tlakweemaá tlehhaahhiít gu hhaamiís.

AXWEESANOÓ SAGALOOA 16:21

Heé sagaloó' kun bay heé daharuú koóm, nee axweesanoó sla'atamís muu gu afaa/aslín.

AXWEESANOÓ SAGALOOA 4:18

Ala loohír heé ganaá' a adór tsiraahhór tsee/amá, tse/amangwí in kumaamiit ay /ametleemu.

ISAYA 1:28

Ala dee/aanuuse, nee tlakuuseero kin dinkwaárí hhaamiis, nee kudá' AAKOÓ MUNGÚ gixaawá' ki qwaarees.

ISAYA 17:8

Inooín kiteeridaá ilahhooa, awa gadiyér dabaaín ngiri si'iyá', nee gadiyér ditsaaín ngiri baloó harahhifiaaká, didár munguúduú Ashera nee kitangwduú ilahhooár mooyángw tsuú' kay haniisi.

ISAYA 26:7

Loohír heé hota ganaá' i alqoón, kuúngudá' ganaá' loohír heé hota ganaá' a gan'ás.

YEREMIA 29:12

Qoomaarí an qoomaadá' aníng kuungá' iwa ateta' nee iwa firiinda', aníng kuungá' nuri iiárií qaás.

YEREMIA 9:12

Heé sagaloó' i deéro oo muruuwí tsaahharo gu aleesláw? Heé AAKOÓ MUNGÚ aa i axweés a heemá as kaangwí nguwa alki/iiti dír múk hatlá'? Ahaá waáy, gár yaamu nisa adoorír gwaaiyé', niri deewaiyé' tam gár baraadár waraahh iri káhh?

ESEKIELI 11:18

Kuungá' bar aga ki/é' baraá yaamuuhúng, aníng muruudá' slasla/arén un hingeés, nee kudá' sleémeero i buhhtamís un hingeés.

ESEKIELI 18:25

«Ala kuungá' a kata', ‹Gár Aakoó Mungú i tlehhiiti i qoondaaká.› Kuungaá múk Israeli, iia qaasaak daxta. Xáy, gár aníng ni tleehhiít iqo tsuwa qoondaakáhe? Gár kuungá' ta tlehhita' an tidá' qoomaaká.

ESEKIELI 36:25

Aníng kuungá' nun ma'áy tsiririxiís, ma'aá hhohho', nee tari hhoohhoaaeerá' baraá slasla/aruhúng kudae, nee dír slasla/aruú slaqsi'iihúng kudaá mungui sleémeerowo.

DANIELI 12:10

Múk yaariír slasla/aruín ku hingees, ki hhohhoees nee kin hamaatl. Ala múk tlákw tan kumiit tlakweema tlehhtuuwo. Tam heé wák i kaahh dír múk tlakwe oo gaarí ga tsaahh. Ala múk sagalooár koóm an múk adoorí ga tsaáhh.

SEFANIA 3:5

Ala AAKOÓ MUNGÚ baraadae in hota ganaa' gár tlaakw ga baloó tleehhiiká, Umuú matlaatlér xawa sakwasleemarós tidá' ganaa' gan geehhooatimis. Umuú looár tlawa aa baloó munesi'iiká, ala tam adoorihe múk tlákw mure ga xuiiká.

SEKARIA 10:6

Aníng doó Yuda un /uurií qaás, án doó Yosefu u ba/amís, án inooín i ki/ís ayaaín asma iga gurtleemuú wa ár, inooín kwaáo' inaqo baloó kwahhiiká, asma aníng a AAKOÓ MUNGÚ, Munguúín. Aníng firor'ín a axaás.

Matayo 11:19

Garmoó Hee nina hardáh i /ayín nee i wahán, tari oó', ‹Kwí a hheehhusmo, nee xuufiitusmo, mulqumoó ohomuusér koódi nee múk tlakuuse.› Ala sagalooár Mungú adór tar ló' kingina laqán nee tlehhemi'iiwós.»

Luka 2:34

Simeon giri tsuúq, Maria aayír na/aay gari báy, «Ga/aaweegáy, kwí kwa qaás asma awa yaariir niwa huuiya', nee kuqá' niwa sihhiitiya', baraá múk Israeliwo, nee iwa laya tleehhiti ar tar kaangaanuusi,

Luka 7:23

Heé amohhoó' a kudá' insarehhmoó koomaaká daanduueene.»

Yohana 15:24

Aníng tlehhemi'i ina tla/angw'ín wa tleéhh, tam heé hatlá' i kaahh oo tlehhema'aá adór kudá' gaa tleehh. Adoorí geeraawo bar aga tleehhiiká, inooín alók geera ta tlakweemaá konká. Ala daxta inooín tlehhemi'iieé' kaa ár, tam adoorihe aníng nee Baabuúeene taa aáhh.

Yohana 18:37

Pilato guri yaahaás, «Ala kuúng a waawutmoówoóke?» Yesu guri báy, «Kuúng an kát adór aníng tar waawutmo. Aníng gár tisa laqwaál nee gár nisa hardáh baraaká' yaamií alé, a tí kilós, ‹Kángw looeema nguwa kah. Umuúqo heewo oo bartá looeema, axweesante'eé' ga axamiis.› »

Yohana 8:47

Heé Mungú axweesantá Mungú gaa iiárií qamín. Ala kuungá' a axamisa'aaká, asma kuungá' a múk Munguheeká.»

Yohana 9:39

Yesu iri oó', «Aníng nina hardáh baraaká' yaamu as kwasleema, as múk xumiisaaká iwa qaytsiti, nee múk xumiís iwa taampuuti.»

Tlehhema'aá ya/Abuuse 13:10

iri oó', «Kuúng a garmoó Neetlaangw, nee slám a háts al/ayma sleémeerowo nee tlakweema. Kuúng a wakusmoó gan'amu sleémeero. Kuúng lohaá Aako awa naa ganaaiye' paslimisuwo mis baloó meeraaká?

Rumi 7:12

Gawaá adoorihe dabe ka hhoohhoo', nee hara'aya sleeme ka hhoohhoo', slám i ganá' nee ka hhoo'.

DABE 32:4

Inós a tlaa/a, gadiyeérós gár kawa /aár i káhh lohduuwós sleémeero i ganaaiyá'. Inós a Munguú inkihhím nee ku dakuús wásl, inós ku hhoó' nee i ganaa'.

Geehhoeemaá 15:3

Nee slám inooín daa'ángw ta daai oo Mose, sagadiyusmoó Mungú, nee daa'ángw Deelmoó bee/i, ta kaahi, «Aakoó Mungú, Aleesleemusmoó mura' sleémeero, tlehhemi'iiwók ki uren, nee i waa/oo/amór koná'. Waawutmoó xoordu sleémeero, kuúng lohuwók i ganaaiyá' nee slám awa ló'.