HOSEA 14:8 - Biblía Axweesantá Hhohho' ar Mungú 2004

⁸ Aá múk Israeli, gár slaqsi'iisíng kis sla'a? Aníng firorhúng ngin mu/aywatsatsiím nee nun amohhe'emaamiís. Aníng a adór xa'anoó mahhtírhúng oo ta bay beroshi, kudá' qaantsaár daqisleém. Kuungá' mamuuhúng in dir'eé' wa sleerá'.

HOSEA 14:8 Iomraidhean Croise

YOBU 33:27

Heewí iri dír geeraá múk wa daa', iri ooi, ‹Aníng tlakweema ina tleéhh gan'amu nguri sií'. Ala aníng tlehhmuuwihe taa doohhisiiká.

YOBU 34:32

Tlakweemaá naa tsaahhiikahe xu'utisáng, Barnaxes tlakweema iga tleéhh a ki/aaká baraá tlakweemaawo.›

ISAYA 41:19

Baraá xaanxaywo sahhti an dahaás, nee xaa'aá ta bay kakaya nee masqaryaán nee seituúni, baraá xaanxaywo xaa'aá ta bay beroshi, nee ta/eewi nee sonobaáriro i dahaás.

ISAYA 55:13

Kitángw xaa'aá laqya' niwa ti'iitiya' awa laqeelaá kooma'aaká nin ti'iitiya', kitángw fuqrayhe gár ti'iit a xa'anoó ta babay hadaási. Gaarí an gár kuungá' nu islawtis daanduú muruudá' anuú AAKOÓ MUNGÚ naa tlehhiiti, slaqsoó daqisleém oo baloó fiitsitaaká.»

ISAYA 60:13

Xirfuú Lebanoni kungu huuw dirógí ale, peehhoó xaa'aá ta bay beroshi, nee fínje nee sunobaári ki dooér parootuus. Aníng didá' ni hoot an xirfayeés.

ESEKIELI 17:23

Eeít, aníng a haátl gawaá ságw tloomár tleer ar múk Israeli, as /ayo nee mamu ngiwa laqwal. Inós tay xa'anoó hhoohhoó' oo sahhti, tsir/ór kal'aá yaariir iri mahheetús baraá gamnaangós wa alé, slám mari ngiri tleehhiyá' gawaá haleemaawós.

ESEKIELI 36:25

Aníng kuungá' nun ma'áy tsiririxiís, ma'aá hhohho', nee tari hhoohhoaaeerá' baraá slasla/aruhúng kudae, nee dír slasla/aruú slaqsi'iihúng kudaá mungui sleémeerowo.

Luka 15:20

Aluuwo iri tláy, iri kií/ amór baabuúwós. «Ala qoomár iwa amorqá' saáw i kahhi, kuri ár nee baabuúwós, guri gurtláy. Baabá iri amoorós i ta'aaín, guri slaqwtós i óh, guri ma'aás.

Yohana 1:16

Asma baraá hatsmuuwose atén tsuuqa ina slaslawaán daanduú kuqá' wa ale.

Efeso 5:9

Asma didár gwa/aateema i dirii'iya' gár tleehharumiit a hhooeema sleémeero nee gan'amu nee looeema.

Filipi 1:11

Nee kuungá' tundu hatsiis gan'amuwo, kudá' Kristo i tlehhiiti baraá munerhúng wa ale, as ilaiwa/amér Mungú nee xirfuuwós.

Filipi 2:13

Asma Mungú in baraahúng wa gadiyuus. Inós kuungá' nu alee/iis as sla'aarirós kawa tlehha' nee gadiyér hhoo' kawa tlehha'.

Filipi 4:13

Mura' sleémeero u aleesláw baraá kudaádá' aníng i /uurií hanmiisa.

1 Tesalonike 1:9

Asma muu inooín awa kilá' kangwhúng ngu alki/iitiyá', adór kuungá' atén tira ilaoté', nee adór kuungá' munguiihúng kira geexeeré', tari amór Mungú i warqeeré', as Munguúdá' slaáf oo ló' kuwa sagadiyusa',

Yakobo 1:17

Umuúqo gár hhoo' nee umuúqo gár ganaa' amór kingiwa hanmiisi a gawaá doori. Amór Mungú ngin dáhh, kudá' gwa/aateemaá gawaá doori gaa tleehh. Asma inós i warqaaqayká, slám atén ti baraá giwtírií geexayká.