HOSEA 14:6 - Biblía Axweesantá Hhohho' ar Mungú 2004

⁶ Harma/taín iri slu/bibiín, hhohhoartaín tari adór seituúni, mooyangw'ín tari adór kuquú /ayór Lebanoni.

HOSEA 14:6 Iomraidhean Croise

IIMU/UUNGW 27:27

Naagáy Yakobo iri suruúk dír baabuúwós, guri ma'aás. Baabuúwós xarángw tlabaawós nguwa sláy, guri tsuúq, i kaahi, «Ga/aaweek, xarángw tsuú' oo garmaaeé' a adór xarángw qaymór taa tsuúq nee AAKOÓ MUNGÚ.

WARA'AMI 128:3

Hareerók baraá do'oge a adór xa'anoó sabiíbu, kuduú mamaá yariir gi koóm. Na/iiwók kudá' nee kuúng al/ayimá', a adór harma/atá xa'anoó seituúni.

WARA'AMI 52:8

Ala aníng a adór xa'anoó naá/ oo seituúni, oo naa baraá Doó Mungú wa ti'iit. Sla'aarír Mungú ar warqawaaká an harahhiíf, ay kureeraá kureér.

WARA'AMI 92:12

Múk hota ganaá' in slu/uubín adór slaansli, iri uraráy adór miereésír Lebanoni.

ISAYA 27:6

De'emaá hi'iita'a xwaylár Yakobo dee/ár gu síhh, múk Israeli iri /ayuus, nee iri harmaa/, mamuuín yaamu sleémeero ngiri niiqiyá'.

ISAYA 35:2

/Ayór yaariir adór tiqár wariídi gari /ayuus, Iri baraa/, iri daa' ar qwal/uú yaariír, xaanxaay xirfuú adór kuduú Lebanoni guri sláy, xirif sleémeero oo Karmeli nee oo Sharoniro, muu xirfuú AAKOÓ MUNGÚ guri ar, nee adór Munguúrén kur úr ngiri ariyá'.

ISAYA 66:14

Kuungá' a aandá' nee munerhúng iri qwalá/, faduuhúng /uureemo ngiri slayá' adór gitsór naa harma/, nee kari tsahhá' adór dákw AAKOÓ MUNGÚ tar dinkwa nee sagadiyuuseerós, nee buhhtaawós i gawaá daanduú wakuuseerós.»

YEREMIA 11:16

Qoomarkaaro aníng ana oó'. Inooín an xa'anoó seituúnír loo/o naa/, seituúnír hhohho' nee ar mamaá hhohhó' koom. Ala hám daxta ar afór adór kwarara/ár ur xa'anoowí un daá/ ar asla nee haleemiiwós in hhaamiís.

HOSEA 6:3

Atén AAKOÓ MUNGÚ ku xuaán nee ta kumiitaán kuwa xuaan, hardahamuuwós i pa/iiká adór matlaatle. Inós tin adór tluwáy wá i hardah, adór tluwoó laweei yaamu ngir i tlubaabin.

Matayo 13:31

Yesu slaqsoó hatlá' guri dir'ín i káh, iri oó', «Waawuti'iimár doori a slaqás nee ilmoó xa'anooko ta bay haradaáli, oo hee aa baraá qaymoorósí dahaás.

Yohana 15:1

«Aníng a xa'anoó sabiíbu kuduú ló', nee Baabuúeé' an dooslitmo.

Filipi 4:18

/Aymi'iiká' ni gooiim qeemuudá' naa dirhúng wa sláw ngu laqaaqaná'. Nee qeemuuwí ku ló'wa úr. Daxta umuúqo gaaro ar ló'wa bu'uut a koóm, alaá Epafrodito qeemuuhúng nguwa huúw. Qeemuuhúng kudá' naa hanisé' dír geeraá Munguhe a adór ilahhooadá' mooyángw tsuú' koóm, ilahhooadár muruú ta tsu/i tidá' taa ya/án, nee ar Mungú sla'atamis.