HOSEA 14:1 - Biblía Axweesantá Hhohho' ar Mungú 2004

¹ Aá kuungaá múk Israeli, amór AAKOÓ MUNGÚ, Munguúhúng, nay ki/aak, asma aga dukutsé' as tlakweemaahúng.

HOSEA 14:1 Iomraidhean Croise

2 WAAWITÁ 8:12

Hasaeli guri yaahaás, «Aakooeé', ahaá a milá mas /aa/amiín?» Elisha iri oó', «Asma aníng a xuú' kuúng tlakweemaá yaariir i tléhh dír múk Israeli. Gixsaduuín kudá' koo/i gawden kiri dá/ ar asla, nee masoombar'ín an tsú/, nee na/ii'ín kiri tlumhhumís, nee /ameenár tsiihaawe ka gur'e feehhamiis.»

ISAYA 19:22

AAKOÓ MUNGÚ xoorór Misri gan muux, inós birnga muúx gari huungu/umiis. Inooín niri ki/iyá' amór AAKOÓ MUNGÚ, nee inós firor'ín gari axaas giri huungu/uus.

YEREMIA 2:19

Tlakweemahúng awa kilá' kuungá' nu muxiyá', nee kuungá' lo'o nu eér as aníng iwa geexeeré'. Gimsé' xuaak, ka ló'wa tlaakw nee a gár slahh'eemiis, anuú AAKOÓ MUNGÚ, Munguúhúng, bira geexeeré', nee ilaiwa/amer'eé' bara hingesé' baraá muunerhunge. Anuú Aakoó MUNGÚ Aleesleemusmo tí ngina oó'.

YEREMIA 4:1

AAKOÓ MUNGÚ i kaahi, «Aá múk Israeli, kuungá' bar ki/imaá sla'á', amor'eé' ni ki/aaré'. Muruudá' aníng i buhhtamís dír ilaeene bur ugwa hingesé' nee bar kumita'aaká toonganuuwo.

WA/AA/I 5:16

Muruudá' aáng tira diidi'iimisaán aa faák, tsaxwaarén asma tlakweema iga tleehhaán.

ESEKIELI 16:46

«Hho'oorók ar ur a Samaria, tidár bihhaá /iya, dinkwa nee hhaeewók. Hho'oorók ar niina a Sodoma, tidá' bihhaá basa, dinkwa nee dasuwós.

ESEKIELI 33:11

Mukwí baweek, ‹Adoodá' anuú Aakoó MUNGÚ nir hotaatima, gwa'arár heé tlaákw aníng a saqwalala/aaká, ala gár ni slaa' masók heé tlaákw tlehhma'aá tlakw gin máy, as iwa hooti. Tlakweemaahúng hhu'uu'umaak, nee muruudá' tlákw mawaak tlehhtuwo. Múk Israeli, ahaá waáy, mas qatlór slá'?›

ESEKIELI 33:14

Slám heé tlaákw bura báw, ‹Kuúng looeemaawo a gwá',› nee inós tlakweema gay máy, muruú ganaá' nee oo qoóm guri iimu/ún tlehhtuuwo,

HOSEA 10:12

Hotaá ganaa'á' ar hootaak, sla'aarír warqawaaká ka sleerá', slafingwhúng amohhe'eesaak, asma qoomaarí an qoomár AAKOÓ MUNGÚ kuwa leelehhita', as kahhó' inós niwa hardihi, nuri geerahaar baraá hotaá ganaa'á'.

HOSEA 12:6

Ala kuungá', ki/é' amór Munguúhúng, sla'aari nee gan'amu aldakuutaak, nee Munguúhúng harahhifaak umuúqo daqto.

HOSEA 12:8

Múk Israeli ta kaahi, «Ar ló' aga tsuwa ló'wa daqaari'iitaán, muruú yaariír ugwa slawaán, baraá gadiyeérén sleémeero, tlakweemaarén ki ariiká.»

HOSEA 13:9

Aá múk Israeli, án kuungá' nu hhaamiís, heé kuungá' nu tuú/ a heemá?

HOSEA 4:8

Tin /aymisiyá' ar tlakweemá muk'eé'. Tin mune qwal/amisiyá' ar tlakweemaaín.

HOSEA 5:5

Nee daara/ángw múk Israeli ku geehhoó'. Gawaá adoorihe inooín ta dukuuts baraá tlakweemaaín. Múk Yuda sleeme i aldukuuts dinkwa nee inooín.

HOSEA 6:1

Qwalaasé', a amór AAKOÓ MUNGÚ i ki/aán, inós atén tina karslamiís nee inós atén tin hungu/uus, inós tina tlaqamiís, nee inós inkahhi'iirén ngin tseek.

HOSEA 9:13

Aáng Israeli nguwa ár a adór slaanslír taa dahaás dír hhapér hho'. Ala hamí Israeli na/iiwós gi haniis dír kiwa tsu/i.

HOSEA 9:7

Deelór nuwa muux naa xeér. Deelór li/aay nguwa buu' naa hardát. Múk Israeli gari xuxuu' qoomaadae, kuungásingá' kaahá', ‹Aarusmo a daktani! Heé ta geeraharahari nee qeeruú Mungú a slarhhamá!› Adoorí an katá' asma tlakweemaahúng naa tlahhiyé' nee aahhirhúng ar tlakw aa tláhh sleeme daanduueene.

AMOS 1:13

AAKOÓ MUNGÚ i kaahi, «Aníng múk Amoni muxtaaro u mawaaká, as tlakweema ngiwa tlehhaahhitiyé'. Asma inooín /ameenár tsiihaawe ar múk Gileadi ngina gur'e feehhamiisiyé', asma iwa digeemaá yaamuuín intlaaxweemisiya'.