HOSEA 13:9 - Biblía Axweesantá Hhohho' ar Mungú 2004

⁹ Aá múk Israeli, án kuungá' nu hhaamiís, heé kuungá' nu tuú/ a heemá?

HOSEA 13:9 Iomraidhean Croise

2 QOM'I 28:23

Asma ilahhooár muruú ta tsu/i gana haniís dír munguidaá múk Damasko, kudá' inós ngwaa baaliye' slaqwaraaro, as iwa kaahi, «Asma munguiiká' bar waawituú Aramu nguna /iisiyé', aníng bira ilahhooár muruú ta tsú/í haniís sleeme i /iisiyá'.» Ala munguiidá' inós nguna ak hhaamiisiyé' nee xoorór Israeli sleémeerowo.

WARA'AMI 146:5

Heé amohhoó' a kudá' alee/isaay gu harahhiíf dír Munguú Yakobo, nee harahhifoorós i dír AAKOÓ Munguúwós.

WARA'AMI 33:20

Atén AAKOÓ MUNGÚ un harahhifaán, inós an alee/isayrén nee baqmoorén adór gaamboót.

WARA'AMI 46:1

Mungú a dír guwayrén nee an /uuruurén adoorí atén aga araán, baraá slahh'aamuurene inós atén tina alee/iís.

AXWEESANOÓ SAGALOOA 6:32

Hhawaatuú nee harér hee fuquusá', tam fuqurángw niiná gu konká, gár i tlehhiiti a hhiintluuwós gun qwaareemiis.

AXWEESANOÓ SAGALOOA 8:36

Ala heé aníng iga dakuus, a tin kilós slahh'eemiis. nee heé aníng iga aahh, a gwa'ara gana waatlakweés.»

ISAYA 3:11

Ala mukduú tlakuuse a tsaxwaaín ado gi alxir'imít, asma adoodá' naa tleehhiyé' an tidá' gi slaw.

ISAYA 3:9

Gitsee/er'ín baraá aán gár ir lamabu'uun a tlakweemaaín kudá', adór kuqaá Sodoma, slám ki lu/u/unká. Mukwí a tsaxwaaín, asma hhintleemooín ngaa tlakweemár ayé'.

YEREMIA 2:17

Kuungá' múk Israeli tí ana kiloohúng leelehhité'. Aníng ina geexeeré', anuú AAKOÓ MUNGÚ, Munguúhúng kudá' naa geerahaar baraá loohiro.

YEREMIA 2:19

Tlakweemahúng awa kilá' kuungá' nu muxiyá', nee kuungá' lo'o nu eér as aníng iwa geexeeré'. Gimsé' xuaak, ka ló'wa tlaakw nee a gár slahh'eemiis, anuú AAKOÓ MUNGÚ, Munguúhúng, bira geexeeré', nee ilaiwa/amer'eé' bara hingesé' baraá muunerhunge. Anuú Aakoó MUNGÚ Aleesleemusmo tí ngina oó'.

YEREMIA 4:18

Yúda, hotaangók nee tlehhmi'iiwók kuúng ugwa kaangwí huwiyé'. Kaangwí an qwanaay nee slahh'amu diroge, slám a ló'wa dáh baraá muunaáwók.»

YEREMIA 5:25

Dakuúsarhúng kuungá' naa tsuuqaá /ít, nee tlakweemaahúng nuna hhooeemaá /itiyé'.

HOSEA 13:4

Aníng a AAKOÓ MUNGÚ, Munguúhúng, kudaádá' naa tuu/ imiír baraá yaamaá Misrír wa ale, ala Munguú hatlá' ta xu' i kaahh, aqo har aníng kilooeé'. Ba/amusmoó hatlá' i kaahh.

HOSEA 14:1

Aá kuungaá múk Israeli, amór AAKOÓ MUNGÚ, Munguúhúng, nay ki/aak, asma aga dukutsé' as tlakweemaahúng.

HOSEA 7:14

Aníng i firirina'aaká ar muunuú ló', qoomár niwa gawaá qateenoín wa /a/amina'. Gár naa i burumburitiyé' a balaangw nee difaái, aníng iga aahhiyé'.

HOSEA 7:15

Handá' tam iga ale/iisi /uuru ngway slayé', tam adoorihe muruú tlákw ngwa ístií tsatiyé' nguwa aníngií tlehhiitiya'.

MALAKI 1:12

Ala kuungá' umuueé' un slasla/aremisá', asma tawa kata', ‹Kitangwduú ilahhooa kay hanmaamisi kwaa slasla/areés, nee muruú /aymaadá' taa gawaadií qaás a gár waaqa'atiit.›

MALAKI 1:13

Kuungá' a kata', ‹Aga slaaqamiitaán muruuwí sleémeero!› Nee iri waaqaé'.» AAKOÓ MUNGÚ Aleesleemusmo tí ngina oó', «Kuungá' muruú naa /awa/awiindé', nee oo toqooraay, nee oo tiqtuuse, un ilahhooar'eé' wa hanmisa'. Xáy, aníng a ya/aáma muruú adór kwí nguwa amor'eé' hanmisa'?» AAKOÓ MUNGÚ tí ngina oó'.

MALAKI 1:9

Ala daxta aníng kuungá' nu firiím, gurhhooár Mungú na firiimaak, as tiwa gurtlay. Barnaxes muruú adoosíng i baraá dabaahúng daahh, xáy, Mungú nuqo hhoeemií tleéhhi?

DABE 33:26

Munguú adór Munguú Yeshuruni i kaahh. Inós nina gawaá doorí wa aweér uri alee/iisár áy, nee inós i gáwtá wa hi'iimiit ar xirfuuwós oo yaariír.

DABE 33:29

Kuungaá Israeli a múk amohhoó', múk adór kuungá' a gaalá? Múk taa ba/amís nee AAKOÓ MUNGÚ. Inós an gaambórhúng ar alee/isaay, nee paángarhúng ar baali. Wakuuserhúng ni dirhúng i hardát ar ilaiwa/ame, kuungá' kiri yaamuií naka/aruurá'.»