HOSEA 13:6 - Biblía Axweesantá Hhohho' ar Mungú 2004

⁶ Ala qoomár inooín gur'er'ín ngiwa dala/ané', niri taqana/utiyé', aníng iri gunqareesiyé'.

HOSEA 13:6 Iomraidhean Croise

NEHEMIA 9:35

Inooín kuúng ugwa sagadiyusi'iiká baraá waawuti'iimar'ine nee baraá hhooeemawók kudá' yaariir taa dir'ín i hanís, tam baraá yaamuudá' yaariir awa hhapér hhó' koomá', inooín tleehhmi'ii'ín kudá' tlakw ngaa may'iiká.

WARA'AMI 10:4

Tlakusmo baraá daara/aangose Mungú gu leelehhiitiiká. Baraá inslawaywós sleémeerowo Mungú i kaahh.

AXWEESANOÓ SAGALOOA 30:9

As kahhó' mawa taqna/uút nari oo', «AAKOÓ MUNGÚ a heemá?» Mawa ak narkuút nari fiisór áw Tam umuú Munguúeé' nguri tawo káh.

ISAYA 17:10

Asma kuungá' Israeli, Munguúduú ba/amarhúng ugwa gunqaaresé', tam tlaa/adár guwayhúng aga insleeri'iiká. Gawaá adoorihe, tam dahaasíngw sla'atimís u dahaasinda'a, kuri hanisá' dír munguúdá' ta bay Ba'ali.

YEREMIA 5:7

Xáy, tlakweemaahúng adór ngir gurtlaw? Mukók aníng iga sií' nee lo'o ngiri /ayiyé' ar munguaá lama. Qoomár inooín ngiwa /aymiís niri aaxiyé', nina baraá fúqtí tlayé', baraá maraá tsaatuuse ngiri dalaa/iyé'.

ESEKIELI 23:35

«Gawaá adoorihe anuú Aakoó MUNGÚ a kah, ‹As aníng iwa gunqaarés nee iwa daanduú xu'ús, daxta a aán as tsaatu'uumarók nee fuqtók.› »

ESEKIELI 28:5

Ar fuquraangók oo yaariír baraá halaanu'uumaro, daqaari'iimarók aga tlahhás, tari daara/út as daqaari'iimarók.

HOSEA 10:1

Xoorór Israeli a adór sabiíbu hhó'. Sabiíbuú mamaá hho' gi laqwaliím. Adoodá' mamuuwós nira tlahhiyé', an adoodá' inooín kiteeraá ilahhooa ngira tlehhiitiyé'. Adoodá' yaamuuín nira dihhe'eesiyé', an adór uheemaá kiteeraá ilahhooa ngira parootusiyé'.

HOSEA 12:8

Múk Israeli ta kaahi, «Ar ló' aga tsuwa ló'wa daqaari'iitaán, muruú yaariír ugwa slawaán, baraá gadiyeérén sleémeero, tlakweemaarén ki ariiká.»

HOSEA 2:13

Aníng a muúx as deeloodá' ur ar munguaá ta bay Ba'ali i aaeer, nee ilahhooadár mooyángw koom deeloodae i da/a/ángw aaeer dír munguiidá'. Tina parootumaamís ar peéterós nee ar muruudá' tlaxo gawdén, iri tleér amór mulqeerós, aníng iri gunqaarés. Anuú AAKOÓ MUNGÚ tí ngina oó'.

HOSEA 2:7

Inós mulqeerós gay eeharahaduú eér, ala gi sleeraaká, gi leelehhít ala gi aandaaká, iri o', «Aníng a kií/ amór hhawaatuueé' kuduú bi/i, asma adoodá' dír hhawaatueene nira hoót a tsiní ta adoorí hám ni diriia.»

HOSEA 4:6

Muk'eé' aa qwaár asma án ti xuiiká. Asma adoodá' kuúng án ira sí' xu'utiro aníng daxta kuúng u sií' tawa kaahamusmooeé'. Asma adoodá' kuúng hara'ayár Munguúwók kara geexeér, aníng sleeme na/iiwók i sií'.

HOSEA 4:7

Adoodá' kaahamuuse ira tláhh, an adoodá' tlakweema ngira aníng i tlehhiitiyé', gawaá adoorihe aníng xirfuuín un warqeés nguri mure tleéhh.

HOSEA 5:14

Asma aníng a adór diraangw tleehhiít dír múk Israeliwo, nee adór na/aá diraangw dír doó Yudawo. Aníng, nu karslamiís, nuri hhimbiriítl, tam heé nu tuú/ iri qwaar.

HOSEA 7:14

Aníng i firirina'aaká ar muunuú ló', qoomár niwa gawaá qateenoín wa /a/amina'. Gár naa i burumburitiyé' a balaangw nee difaái, aníng iga aahhiyé'.

HOSEA 8:14

Asma múk Israeli tleehharusmooín kwaa gunqareés. Inooín maraá waawutmo kiri tleéhh. Nee múk Yuda gixsadaá yaariir awa koo/i gawden ngiri tleehhiyé', ala aníng asla an kwaáhh baraá gixsaduuwós. Asltí ko/uuwós kudá' gawden giri tukuúr.

HOSEA 8:4

Waawitaáín nguwa tsawaariyé' ala aníng iga yaahasi'iiká, múk urén ngwaa qaminé', ala aníng u xuaaká. Munguúín nguna tleehhiyé' ar peésa nee sahaábu as kahhó' niwa hhana'.

DABE 32:18

Kuungá' Tlaa/adá' naa xwayluur ana insleeri'iiká, Munguúdá' kuungá' naa laqwaal una gunqaaresé'.