HOSEA 13:3 - Biblía Axweesantá Hhohho' ar Mungú 2004

³ Gawaá adoorihe inooín tan ilaá wa qwaar adór tlaanguú matlaatle, nee adór har'ú gaanslár paáhh, nee adór muundoó fur'a ir tlatleer dír kitángw haritleemisuwo, nee adór quuír pa/ángw ar ti'imiit.

HOSEA 13:3 Iomraidhean Croise

YOBU 21:18

As kahhó' niwa adór hhaanslaá fur'a ir tlatleer tleehhitiyá', nee adór mundoó bambaao ira tleér.

YOBU 30:15

De'e naa amor'eénár kí/, ilaiwa/ameero tina máy adór gar fur'a ira tleér. Daqaari'iimar'eé' ina waaráhh adór tlaangú.

WARA'AMI 1:4

Ala tlakuuse a adooriheeká. Inooín an adór muundoó fur'a ir tlatleer.

WARA'AMI 68:2

Adoodár quui kar fukuku'uumisi an adoodá' inooín kir guusi, adór boohhayaangw ir weeqaweeqi dír bihhaá aslto, an adoodá' tlakuuse ir qwat geeraá Munguhe.

ISAYA 17:13

Xoordu i kwaaraa/iyá' adór hhaahhoó ma'aá yaariir, ala Mungú gin iigahhaat niri tlatlaahhiyá' amór saaw. Kin tlatlahhaas adór fur'a xwaansloó gawaá tlom'i ngu /imaamis, adór bambaao teeri ngi /imaamis.

DANIELI 2:35

Naagáy muqslidá' nee tleeiro nee muqslír sirdaa/aate nee muqslidár peésaaro nee sahaábuwo niri suwawaa'atiyé', tari adór muundoó dír afeenír balaangw kuwa haritleemamisi. Parhheemaá aáng fur'a giri ar tlatleér tam kiri aandaaká. Ala tlaa/anoó aáng kudá' murslaaqatuudá' gwa dalaa/ ina tloomar yangaariir tleehhiít, yaamu sleémeero giri dalaá/.

HOSEA 6:4

Israéli, aníng kuúng adór u laaq? Yúda, aníng kuúng adór u laaq? Asma sla'aarirhúng a adór tlaangír matlaatle, nee adór hara'uú tseewa huú'.

SEFANIA 2:2

Dír tundura adór muundáy wá haritleesiiká, dír deelór AAKOÓ MUNGÚ, tidár buhhtaá xaraaslá' nura i hardatká, dír xarasleemaá AAKOÓ MUNGÚ nura i hardihi'iiká.

SEKARIA 8:12

Asma didae wayda i deeruut, sabiíbu /ar'i giri slaslaax, yaamu sleeme bu'uungw'ín ngu duuxiyá' nee tluwaay iri tluuw, aníng mukwí aa meet un muruuwí sleémeero i haniís as nguwa aaliya'.