HOSEA 13:2 - Biblía Axweesantá Hhohho' ar Mungú 2004

² Hám daxta tana ak kumiít tlakweema tlehhtuuwo, inooín munguú slaqsaay kway tleéhh ar peésa. Heé fuqurángw koóm slaqsaywí guna tleéhh ar peésa. Muruuwí sleémeero kuna tleéhh nee heé kwahhór baál, tari oó', «Ilahhooár muruú ta tsu/i dír muruuwí ti hanmisé'.» Muu slaqsi'iidá' mungui ngiri ma'amisiyé', kudá' taa tleéhh ar slaqsoó dama.

HOSEA 13:2 Iomraidhean Croise

1 WAAWITÁ 19:18

Ala múk kume faanqw baraá yaamaá Israeliwo kudá' Ba'ali gaa haratlintantiaaká laqaá gwa ma'aasiiká u tsu/aaká.»

2 QOM'I 28:13

Tari oó', «Mukwí nira watlé' baraá slaqwarár wa alé mungu baraaká' i huwaara', asma kuungá' atén ti dakuusár i hubá' dír AAKOÓ MUNGUHE, tlakweemaarén ngiri dogá', asma tlakweemaarén naa qaro tlahhayé', nee sakwasleemár xaraasl ar Mungú i gawaarén i dirí'.»

2 QOM'I 33:23

Inós taa niinaweesiiká dír AAKOÓ MUNGUHE, adoodá' baabuúwós Manase tira niinaweés, ala Amoniwí tlakweema tlehhtuuwo gina inkaakií/.

WARA'AMI 2:12

as miwa buúhh, kuungá' tay qwadá' baraá loohi, asma buhhtaawós ni hardihiyá' ar gaanslaay. Kudá' sleémeero ngwa i guwiye' ki amohhoo'.

ISAYA 1:5

Kuungá' a sla'á'a tunduwa muxi tam hamí? Baré a kumitá' baraá dee/aanuuwo. Saga in adáwa tiiq, muunaáwók i slahhaa'

ISAYA 30:1

AAKOÓ MUNGÚ i kaahi, «Tsaxwaaín na/iidá' aníng iga aahhiye', kudá' gurbu'úngw sla'á', ala kwe'eé' ngu slaiiaaká, kudá' dinku'uumár nee muu ngi sla'á', ala ar qeeruueé' ngi slaiiaaká, as kahhó' pa/ángw tlakweema ngir iinkikii/iyá' nguwa slaya'.

ISAYA 44:11

Ga/aawaak, mulqeerós sleémeero ka mureekees, inooín a gadiyér dabaá muu, gimáy inooín sleémeero ta burumburiiti, mawaak i kilooín sihhitiye', ki dae tsaat, sleémeero ki dinkwaárí mureekees.

ISAYA 45:20

Kuungaásingá' xoorór aa met, dinkwaárií burumburiité', hardahaaré' daqaní ni tseewurá'. Mukdaáduú murslaaqatuú gufteeraá loohiís i xu'utír konká, nee tan munguú hatlá' firiirín kudá' ba/amisaro gi aleeslawaaká.

ISAYA 46:6

Mukdaádá' sahaábuú duxuúm baraá tlakw'ii'ín wa alé peésa ngiri qoomeemeesiyá' ar kílo. Heedaáduú sahaábuú kwahhuút nguri buiyé' ar peésa, as slaqsa'aá mungui ngiwa tleehh. Naagáy kiri i tumbarara'aamiit kiri sluufmiis.

ISAYA 46:8

Kaangwí inslawaak nee ku aldakwá'. Axáy malé aldakwaak kuungaá tlakuuse.

YEREMIA 10:4

Naagáy slaqsaydá' kuri parootuus ar peésa nee sahaábu, kuri kaka/aamií slaahh as miwa huú'.

YEREMIA 10:8

Inooín sleémeero ki iimibo/ nee a daktana, asma slaqsi'iidá' a xaa'aá tawo.

YEREMIA 8:5

Ahaá ala waáy, mukwí loohír ganaa' maska sií', niri ak kumiitiyé' baraá qwanay'ín. Inooín niri ak naagisiyé' munguaá lama eeharahaduuwo, niri si'iyé' ki/imaá amor'eene.

HOSEA 10:1

Xoorór Israeli a adór sabiíbu hhó'. Sabiíbuú mamaá hho' gi laqwaliím. Adoodá' mamuuwós nira tlahhiyé', an adoodá' inooín kiteeraá ilahhooa ngira tlehhiitiyé'. Adoodá' yaamuuín nira dihhe'eesiyé', an adór uheemaá kiteeraá ilahhooa ngira parootusiyé'.

HOSEA 10:5

Yaamuloouusér Samaria in daaraxát as damaadár baraá Bet-aweni. Inooín tari tsuunqumiis as damaadá', kaahamuusér damaadá' ga sluufmiis iri /aa/amiín, as xirfuú damaadá' kuwa hingeés.

HOSEA 11:2

Adoodá' ngira alkoóm ateetiingo, án inooín tina ak geexáy. Ilahhooadár muruú ta tsu/i ta Ba'ali hanmiisi ngina ooha hhe'eesiyé', nee ilahhooár mooyángw tsuú' ngina hanmisiyé' dír munguaá slaqsi'i.

HOSEA 11:6

Gixsaduín ki qwaarees ar slaqwara, nee afér maray'ín kari giqáy ar paangadu, inooín kiri hhaamiis, baraá guruú koo/ir'ín tidá' gawit.

HOSEA 14:3

Múk Ashuru atén ti ba/amisiiká. Atén sleeme farsuú slaqwara u malé harahhifanaaká, nee gadiyér dabaarén a male bawanaaká, ‹Kuungá' a munguúrén.› Asma diroge panaay gurtleemu gu sláy.»

HOSEA 2:8

Asma inós gaa xuiká adór aníng ngira balaángwí i hanmiís nee difaáiro nee di/to, nee aníng inós ana tsuúq ngay peésa nee sahaábu yaariírí haniís, kudá' aa húp dír Ba'ali.

HOSEA 4:17

Múk Israeli aa kií/ amór munguaá slaqsi'i, mawaak kilooín ale.

HOSEA 8:4

Waawitaáín nguwa tsawaariyé' ala aníng iga yaahasi'iiká, múk urén ngwaa qaminé', ala aníng u xuaaká. Munguúín nguna tleehhiyé' ar peésa nee sahaábu as kahhó' niwa hhana'.

HOSEA 8:5

Aá múk Samaria, Munguúhúng kuduú dama ugwa sií', aníng aga qa/iít buhhtaawo as kuungá', tlakweema tlehhtuuwo ta kumaamita' ay xaylá.

HOSEA 8:6

Asma baraá Israeliwo múk dakór baál i deer, inooín dama ngina tleehhiyé' ala a munguheeká baloó ale. Ala damarír Samaria ka suwawaa'.

FAARO 32:14

Hamí daxta kuungaá qartá tlakuuse, kitángw baabi'iihúng una eeré', as buhhtaá AAKOÓ MUNGÚ kiwa doga' gawaá daanduú múk Israeli.

Rumi 11:4

Ala Mungú gár inós ngwa báy a milá? Guna báy, «Aníng múk kumér faanqw u koóm tam hamí oo Ba'ali gwa i tumbarara'atiiká.»

Rumi 2:5

Ala kuúng muunaáwók kwisíng gawide nee oo hhu'uu'úngw sla'aakahe xarasleemaá Mungú in gawaawók i tlahhmís ay bál sakwasleemár Mungú, baldá' sakwasleemár Mungú ar ganaa' bar kinga geehhooeés.

2 Timoteo 3:13

Ala múk tlákw nee al/aymuuse ta ak geerií kumiit baraá tlakweemaawo. Inooín in al/aginá', nee slám inooín awa kilá' kaa al/aáy.

1 SAMUELI 10:1

Naagáy Samueli chupiito'ór di/i gari óh, gari tsiririxiís gawaá ságw Saulo, guri ma'aás, iri oó', «AAKOÓ MUNGÚ ugwa iimbalaáx ar di/i, as tawa geeraharusmoó mukós oo Israeli, nee kuwa ba/amis baraá dabaá wakuuser'ín wa ale. Layár kuúng kar tsahh adór AAKOÓ MUNGÚ ura di/tár iimbalaáx tawa geeraharusmo daanduú aalirose a tí,