HOSEA 13:16 - Biblía Axweesantá Hhohho' ar Mungú 2004

¹⁶ Múk Samaria doohhór tlakweemaaín ga sláy, asma Munguín ngwaa aahhiyé'. Inooín ki daasl ar paangadu, na/ii'ín awa qaweero kin naasaasúy, nee /ameenar'ín ar tsiihaawe kari gur'e posl'omiis.

HOSEA 13:16 Iomraidhean Croise

2 WAAWITÁ 15:16

Qoomár Menahemu iwa baraá loohirí dirii'i iwa amór Tirsár dahhi, gixsár Tapua nee yaamuloousér ayaadae gana hhaamiís, nee múk iisaapoó yaamudae, as niwa bartós ayi'iiká. Tam /ameenár tsiihawe sleeme gana gur'e feehhamiís.

2 WAAWITÁ 17:18

Gawaá adoorihe, AAKOÓ MUNGÚ múk Israeli guri ló'wa i buúhh, guri guús dír geeraawose. Heé taa máy i kaahh aqo har tlahhoó Yuda kilós.

2 WAAWITÁ 17:5

Aluuwo waawutmoó Ashuru yaamu sleémeero awa Israeli giri haraadáh, iri hardáh ay gixsár Samaria, gari harweér har afiqoomár kureeraá tame.

2 WAAWITÁ 17:6

Kurkú gwaleél oo waawuti'iimár Hosheawo, waawutmoó Ashuru gixsár Samaria gana hayóh, nee múk Israeli guri ar tláy ay yaamaá Ashuru. Muu guna bahh qaás baraá gixsár Hala, bahh'alé dír afaá yaaér Habori, nee yaaér Gosani nee bahh'alé baraá gixsár Media.

2 WAAWITÁ 8:12

Hasaeli guri yaahaás, «Aakooeé', ahaá a milá mas /aa/amiín?» Elisha iri oó', «Asma aníng a xuú' kuúng tlakweemaá yaariir i tléhh dír múk Israeli. Gixsaduuín kudá' koo/i gawden kiri dá/ ar asla, nee masoombar'ín an tsú/, nee na/ii'ín kiri tlumhhumís, nee /ameenár tsiihaawe ka gur'e feehhamiis.»

ISAYA 13:16

Na/ii'ín awa qaweero kin xooro qwaarees dír ilaaín wa alé, maray'ín kin hayoh, nee tlaaway'ín kuri uhín ar /uuru.

ISAYA 17:3

Koo/idá' gawden ar Efraimu i hhaán, nee waawuti'iimár múk Damasko i qwát, múk Aramu oo aa meet kuri niqín adór múk Israeli. Anuú AAKOÓ MUNGÚ Aleesleemusmo tí án káh.

ISAYA 8:4

Asma dír na/aywí axweesani ngira aleeslayká, daqaari'iimár Damasko nee haasaánguú baraá Samariár daáhh kin huuw amór waawutmoó Ashuru.»

HOSEA 10:2

Inooín a al/aymuuse, hám daxta adór kis hariím ngi slayá'. AAKOÓ MUNGÚ kiteeri'ín kudaá ilahhooa gin yaamií daahh, uheemidá' giri fee/.

HOSEA 11:6

Gixsaduín ki qwaarees ar slaqwara, nee afér maray'ín kari giqáy ar paangadu, inooín kiri hhaamiis, baraá guruú koo/ir'ín tidá' gawit.

HOSEA 7:14

Aníng i firirina'aaká ar muunuú ló', qoomár niwa gawaá qateenoín wa /a/amina'. Gár naa i burumburitiyé' a balaangw nee difaái, aníng iga aahhiyé'.

AMOS 1:13

AAKOÓ MUNGÚ i kaahi, «Aníng múk Amoni muxtaaro u mawaaká, as tlakweema ngiwa tlehhaahhitiyé'. Asma inooín /ameenár tsiihaawe ar múk Gileadi ngina gur'e feehhamiisiyé', asma iwa digeemaá yaamuuín intlaaxweemisiya'.

AMOS 3:9

Gimsé', afo ilahanisaak baraá maraydá' gawden awa Ashadodi nee amór maraydá' gawden awa yaamaá Misri, muu bawaak, «Burumburiité' gawaá tlom'aá' Samaria, daqaní ta qaytsitá', wayaqamuú yaariír araak nee /aytár yaariir ar baraadá' wa tleehharumiit.»

AMOS 9:1

AAKOÓ MUNGÚ una ár aa sihhiít bihhaá kitángw ilahhooa kawa hanmaamisi, iri báy, «Uheemaá doó Mungú kudá' taa qaalín slahheek ay dír ihhafiirír do' i diingit. Uheemiiká' giqaweek ay dír ni huuhu'una' gawaá sagér muu sleémeero. Kudá' naa meetiye' diisíng wa alé, aníng in alhhe'eés ar paánga. Tam oo goów i kaahh, tam oo kotsqoót i kaahh.

MIKA 1:4

Tlom'i gay ya'ár weeqatis adór boohhayángw bihhaá ásltí dirií'. Xatso nay feehhamiitiyá' adór ma'aá hhaahháy.

MIKA 6:16

Adoorí in tleehharút asma kuungá' hara'aydaá tlakw awa waawutmo Omri ina oté', nee tlehhmi'i sleémeero awa doó garmaawós, waawutmo Ahabu, ina eehadé'. Kuungá' loohir'ín kari eehadé'. Gawaá adoorihe aníng yaamuuhúng i hhitiím, nee kuungá' tari waaqa'atitá'. Múk xoordaá hatlá' sleémeero nuri waaqaa'.»

NAHUMU 3:10

Tam adoorihe kana ar tláy amór saáwí ale, mukós kuri ar tláy baraá lawaali'iima, na/iiwós kudaá qaweero kina tlumhhumamiís baraá lohdaá uren, mukós kudá' ta ilaiwawa/i kuna tlaxún, nee mukós kudá' urén sleémeero kuna tsegiít ar qutúr.