HOSEA 13:10 - Biblía Axweesantá Hhohho' ar Mungú 2004

¹⁰ Waawutmohúng daxta hamí i amá oo nu tuú/? Geeraharuuserhúng gaálaay as kuungá' as nuwa xuun? Kudá' kuungá' tawa oé', «Waawutmoorén slawang nee geeraharuuseero as tiwa sawaawuti'ina'.»

HOSEA 13:10 Iomraidhean Croise

1 WAAWITÁ 12:20

Múk Israeli sleémeero adór Yeroboamu nira yaamaá Misri wa kií/ ngiwa axaasiyé', nguri ateetiyé' dír dinkwar'íní ale, nguri waawutmoó yaamaá Israeli sleémeero wa qaasiyé'. Tlahhoó hatlá' oo aa haragwaa' dír tlahhoó Daudi i kaahh aqo har tlahhoó Yuda kilós.

2 WAAWITÁ 17:4

Ala qoomarka wake Hoshea afo gana ya/aáw amór waawutmo So oo Misri as alee/isaay nguwa firin. Inós ohme hanimisuwo gari sií' dír waawutmo Shalmanesa oo Ashuru, adoodár /iisí umuú kurko i tlehhaahhiti. Shalmanesa adoorí ngiwa ár, Hoshea guri óh, guri tseék ar piíngu guri dahaás baraá doó tseegamo.

WARA'AMI 10:16

AAKOÓ MUNGÚ a waawutmo kureerisleém. Xoordaá ngu xua'aaká i qwaariyá' baraá yaamuwose.

WARA'AMI 149:2

Israeli tleehharusmooín ngu saqwalaala/iye', na/aá Siyoni Waawutmooín ngu sa baraa/iye'.

WARA'AMI 44:4

Kuúng an waawutmooeé' nee Munguúeé', kuúng xwaylár Yakobo baalírií haniiseek.

WARA'AMI 74:12

Ala kuúng, Mungú, an waawutmooeé' oo iimír aáng, muruú yaariír oo ba/ama ugwa tléhh baraá yaamuwo.

WARA'AMI 89:18

Gaambór atén ti baqamiim ar AAKOÓ MUNGÚ, waawutmoorén amór i dahhi a amór AAKOÓ MUNGÚ, kudá' Hhoohhoó' oo Israeli.

ISAYA 33:22

Asma AAKOÓ MUNGÚ an kudá' kwasleemaduurén ngi tlaáq nee ti sawaawuti'ii'iím, AAKOÓ MUNGÚ an waawutmoorén, inós atén tin ba/amis.

ISAYA 43:15

Aníng a AAKOÓ MUNGÚ, koohúng kudá' hhoohhoó' kuduú Tleehharusmoó Israeli, Waawutmoohúng.»

YEREMIA 2:28

Ala munguiihúng kudá' taa tlehhé' as kuungá' i amoomá? A xáy gimsé', bundu aslayá' /iisaro nu alee/iisiyé' qoomár slahh'amuhunge. Kuúng Yúda, munguaá yaariir in koón adór gixsadaá ayaawók.

YEREMIA 8:19

/Aa/aá muk'eé' iiárií qaasaak badu sleémeero awa yaamu, ta kaahi, «Xáy, AAKOÓ MUNGÚ i káhhi Siyoniro? Xáy, waawutmoowós i barawoseekáhe?» «Ahaá baré aníng iga buhhtisiyé' ar slaqsi'ii'ín kudaá adór Mungú, slaqsii'ín kudaá munguaá xuaawaslen.»

WA/AA/I 4:20

Kuduú iimu/úngw slafingwrén, kudá' taa iimbalaáx ar di/i nee AAKOÓ MUNGÚ, nguna baa'ar'ín ar oohiyé', kudá' tawa kaahaan, «Baraá xuumarose atén a tla/ángw xoordu un wa hootaán.»

HOSEA 10:3

Hamí daxa tan ooi, «Atén waawutmoó u koomanaaká. Asma AAKOÓ MUNGÚ u ilaiwawa/anaaká. Ala geeraawo waawutmo gár tiwa /iisi a milá?»

HOSEA 13:4

Aníng a AAKOÓ MUNGÚ, Munguúhúng, kudaádá' naa tuu/ imiír baraá yaamaá Misrír wa ale, ala Munguú hatlá' ta xu' i kaahh, aqo har aníng kilooeé'. Ba/amusmoó hatlá' i kaahh.

HOSEA 3:4

Asma múk Israeli deelór yaariire i waawutmoó kon'aaká, laqaá heé úr, laqaá ilahhooár muruú ta tsu/i, laqaá /aampa, laqaá naifeéra laqaá tam slaqsa'aá munguii'ín.

HOSEA 7:7

Sleémeero naa da/atuutuyé' buhhtaawo adór layu, geeraharuuser'ín nga haleleiyé'. Waawitaáín sleémeero aa huuhu'ún, baraá tla/angw'ine tam heé wák oo i fiririím i kaahh.

HOSEA 8:4

Waawitaáín nguwa tsawaariyé' ala aníng iga yaahasi'iiká, múk urén ngwaa qaminé', ala aníng u xuaaká. Munguúín nguna tleehhiyé' ar peésa nee sahaábu as kahhó' niwa hhana'.

SEKARIA 14:9

AAKOÓ MUNGÚ tari waawutmo gawaá daanduú yaamu sleémeero, baalaadae AAKOÓ MUNGÚ a wak, nee umuuwós a wak.

Yohana 1:49

Natanaeli iri oó', «Intsaahhatusámo, kuúng a Garmoó Mungú. Slám kuúng an Waawutmoó múk Israeli.»

1 SAMUELI 8:7

AAKOÓ MUNGÚ Samueli guri báy, «Afór mukwí iiárií qaaseek baraá /aymuú niqo kuúng bay'a, asma inooín kuúng ugwa si'ii'iiká, ala a aníng ina si'iyé', tawa waawutmooín.