HOSEA 12:6 - Biblía Axweesantá Hhohho' ar Mungú 2004

⁶ Ala kuungá', ki/é' amór Munguúhúng, sla'aari nee gan'amu aldakuutaak, nee Munguúhúng harahhifaak umuúqo daqto.

HOSEA 12:6 Iomraidhean Croise

IIMU/UUNGW 49:18

«Aníng ba/amarók an daamaraám, aá Aakoó Mungú.»

WARA'AMI 123:2

Adór sagadiyuuse aakoodá' ta sagadiyuusi kur harahhifi, adoodá' sagadiyuso'o aayoodá' i sagadiyus ngir harahhif, adoorí an adoodá' ilaarén AAKOÓ Munguúrén ngur ga/aya', ay dír inós atén tay gurtlay.

WARA'AMI 27:14

AAKOÓ MUNGÚ na harahhifeek! Ilakaahareés, muuna hhe'eés, AAKOÓ MUNGÚ na harahhifeek!

WARA'AMI 37:7

Dír AAKOÓ MUNGÚ i xasliiteek, inós ku daán ar qitla. Kurkeér heé adoorós tidá' ar al/ayma ga ya/a/aám, nee mukdá' lohuín kudá' tlakw ngaa muruú wa slaye'.

TI'INAANGW 3:15

Mungú Mose guri malé báy, «Múk Israeli gár ku beer a tí: AAKOÓ MUNGÚ, Munguú baabi'iihúng, Munguú Abrahamu, nee Munguú Isaka, nee Munguú Yakobo, aníng iga amorhúng i ya/aáw. Umuuwós an kwí ay alhhe'eesay wasle, nee adoorí an adór tir inslaslay baraá qari sleémeero.

AXWEESANOÓ SAGALOOA 1:23

Warqawé' as nuwa gurbuú'. Daqaní án kuungá' nu fuqurangw'eéní haniís. Axweesante'eé' kari tsahhá'.

AXWEESANOÓ SAGALOOA 21:3

Hotaá ganaa'á' nee sakwasleemár ganaa' kawa tleehhi, Muruuwí AAKOÓ MUNGÚ gu sla'atimis ta ilahhooár muruú ta tsu/i.

ISAYA 1:16

Ti hamtle', ti hheehhe'esé', tlehhmi'iihúng kudá' tlakw hingeesaak dír geeraaeene. Tlakweema tlehhtuuwo mawaak.

ISAYA 30:18

Gawaá adoorihe AAKOÓ MUNGÚ kuungá' nu daamaarán, as nuwa gurtlay. Inós ni tláy as kuungá' nuwa gurtláy. Asma AAKOÓ MUNGÚ a Mungú sakwasleemár ganaa' ga tlehhahhiít. Múk amohhoó' a kudá' inós gu daamaraám.

ISAYA 31:6

Aá múk Israeli, ki/é' amór kudá' taa ló'wa sié'.

ISAYA 40:31

Ala kudá' sleémeero AAKOÓ MUNGÚ harahhifá', inooín /uuruú /abén ngu slaslayá', inooín tari adór gwaresuú wa gáwtí tláy ar hhampe'eeri. Inooín nin ti'ii'iná' ta baloó slaaqatiiká, tan hi'iimiit ta baloó nusqumiitiiká.

ISAYA 58:6

Gwaawitór aníng ni slaa' a tí: Mukdaádá' taa tawo tsegiít kuwa gweda' him'eedá' muu kura tsegiít kawa gweda'. Mukdá' ta baramaanuusi amohhooa ngiwa slay, nee umuú taaqwanto kawa giqeera'.

ISAYA 8:17

AAKOÓ MUNGÚ un daamaaraám, kudá' aa nahhaat dír xwaylár Yakobowo, inós un harahhiíf.

YEREMIA 22:15

Xáy, kuúng kawa xu', tuna waawutmoó wa qaási as do' kuwa tlehh ar xaa'aá sahhta? Baabuúwók ina /ayín nee iri wahán, muruú ganaá' guri tlehhiít, iri hoót ar hotaá ganaa'á'. Umuú gaaro iri ya/aán dirose.

ESEKIELI 18:30

«Gawaá adoorihe, anuú Aakoó MUNGÚ kuungaá múk Israeli, nun sakwasleemuút. Umuú heewo un sakwasleemuút ar harqoomoó tlehhmi'iiwós. Hhu'uu'umé' nee tlakweema tlehhtuuwo mawaak, tlakweemaahúng munduwa hhaamiisiyé'.

HOSEA 10:12

Hotaá ganaa'á' ar hootaak, sla'aarír warqawaaká ka sleerá', slafingwhúng amohhe'eesaak, asma qoomaarí an qoomár AAKOÓ MUNGÚ kuwa leelehhita', as kahhó' inós niwa hardihi, nuri geerahaar baraá hotaá ganaa'á'.

HOSEA 14:1

Aá kuungaá múk Israeli, amór AAKOÓ MUNGÚ, Munguúhúng, nay ki/aak, asma aga dukutsé' as tlakweemaahúng.

HOSEA 4:1

Kuungá' múk Israeli axweesantá AAKOÓ MUNGÚ iiárií qaasaak. Asma AAKOÓ MUNGÚ i múk yaamuuká' iigahhamiit, asma inkihhimu i kaahh nee hhooeemawo tam heé Munguú xuú' i kaahh baraá yaamuwo.

Yoeli 2:12

AAKOÓ MUNGÚ i kaahi, «Ala tam hamí, amor'eé' ki/aare' ar munerhúng sleémeero, nee ar gwaawito nee ar /aa/e, nee ar tsuunqumis.

Yoeli 2:13

Tlabaahúng mi feehhamisaara', ala munerhúng na warqeesaak.» AAKOÓ MUNGÚ, Munguúhúng, na i waya'aak, asma inós ku gurhhoó', slám i gurtleemuú kón, ku inslahheeká buhhtaawo, i haats sla'aarír warqawaakahe. Tam sakwasleemadá' aa oó', ga ya/án meemuwo.

AMOS 4:13

Mungú an kudá' tlom'i gaa tleehh nee fur'aaro, inós inslawaywós gun dír heéwí oo', inós an kudá' tlaatla/aangw gu xweerí warqeés, nee an kudá' sagér tlom'i ga yaamií adaráh. Inós umuuwós an AAKOÓ MUNGÚ, Munguú Aleesleemusmo.

AMOS 5:24

Gimsé', daxta sakwasleemár ganaa' ni wa/ adór duxuú ma'áy wa alé, nee hotaá ganaa'á' masók a adór yaaér baloó /oomaaká.

MIKA 6:8

Aá heewí, AAKOÓ MUNGÚ gár kuúng wa hariim tlehhmuuwo ngaa laqán. AAKOÓ MUNGÚ gár i slai a tí: Gan'amu kuwa tlehh, hhooeema kiwa sla', nee tawa hot dinkwa nee Munguúwók ar tiwa niinaweemis dír geeraawose.

MIKA 7:7

Ala aníng guruueé' un amór AAKOÓ MUNGÚ xu'ús ar sla'aari, Munguúeé' kudá' aníng i ba/amís un daamaaraám. Munguúeé' aníng i axaas.

HABAKUKI 2:3

Asma iigu'utuuwí qoomár kus hariím i deer, a kángw ló' oo alhhe'eesaydá' gaanslár hardáh. Barnaxes i tligatliik, kuúng daameek, asma looeemawo niqo hardah, i tligiiká.

SEFANIA 3:8

AAKOÓ MUNGÚ i kaahi, «Gawaá adoorihe aníng daamaré' ay bál nay sihhiit as xoordu ngiwa sakwasleemuut, asma aga tsabiím xoordu ngiwa burumbuur nee waawuti'iima ngiwa burumbuur, nee ngiwa buhhtaeéní ku'uus, xarasleema sleémeero awa buhhtaeé'. Asma yaamu sleémeero ki daa/ ar buhhtaaeé' kudá' da/tá koomá' adór asla.

SEKARIA 1:3

Gimáy daxta ki beer, AAKOÓ MUNGÚ Aleesleemusmo i kaahi, ‹Amor'eé' ki/aare', aníng ni kií/ amorhúng.

SEKARIA 7:9

«Aáng muk'eé' una hara'ayaarí báw, ‹Áx sakwasleemár ganaa' tleehhaak nee hhooeemaawo, umuú heewo hhiyaawós ngu gurtlatlay.

SEKARIA 8:16

Adoorí na tleehhaak: Umuú heewo nee inslaawmoowós looeema ki axweesi, kwasleemadaá looeema na tleehhaak awa wayda ngu huwá' baraá marayhunge.

Tlehhema'aá ya/Abuuse 2:38

Petro iri oó', «Hhu'u'uumé', tundu baatimiisi ar umuú Yesu Kristo, as tlakweemaahúng kiwa gurtlay, nee daqaní kuungá' Qeeruú hhoohhoó' oo Mungú u sleerá'.

Tlehhema'aá ya/Abuuse 26:20

Án kángw Mungú una alki/iít har geeraawo dír múk Damasko. Aluuwo baraá Yerusalemu tin wa alki/iít, nee baraá yaamu sleémeero awa Yudea, nee dír múk xoordu sleeme, as tawa hhu'u'un nee Mungú kuwa i warqay, nee tlehhma'aá nee hhu'u'ungw'ín ti slawá' kiwa tleehhi.

Yakobo 1:27

Diínír hhoohhoo', ar slasla/areeká dír geeraá Mungú Baabahe, a tí, panaay nee /ameenár kwaeeli kiwa amohhe'eemisa' baraá slahh'amuuine, nee kuungá' tiwa harmagahha' nee tlakweemaá yaamu.

Yakobo 2:13

Asma sakwasleema i gurtleemuú koondaaká dír heedaádá' gurtleemu gwa tleehhiikahe. Ala heedaádá' gurtleemu gwa tleehh, gár i da'ayumiiti i káhh dír geeraá kwasleemaro.