HOSEA 12:2 - Biblía Axweesantá Hhohho' ar Mungú 2004

² AAKOÓ MUNGÚ i kwasleemár kón daanduú Yudawo, inós xwaylár Yakobo ga slaahh as tlehhmi'ii'ín awa tlakw, giri buu' ar har qoomoó tlehhmi'ii'ín.

HOSEA 12:2 Iomraidhean Croise

2 WAAWITÁ 17:4

Ala qoomarka wake Hoshea afo gana ya/aáw amór waawutmo So oo Misri as alee/isaay nguwa firin. Inós ohme hanimisuwo gari sií' dír waawutmo Shalmanesa oo Ashuru, adoodár /iisí umuú kurko i tlehhaahhiti. Shalmanesa adoorí ngiwa ár, Hoshea guri óh, guri tseék ar piíngu guri dahaás baraá doó tseegamo.

YOBU 15:2

«Ahaá, heé sagalooár koóm axweesani gan mu/aywátsi ar barawaslaay? Ahaá, gár iwa hatsi a boqondaá tawoóro?

WARA'AMI 78:36

Ala nguna al/aginé' ar afer'ín, kway lamtá babáy afer'ine.

DAHARUSMO 5:15

Hee adoodá' kura laqwaál ir tlabaá konká aqo adoodá' ganar kii/, gár i huwi i káhh tam ar wák baraá muruudá' aa tleehhi.

ISAYA 10:12

Qoomár Aako bar gadiyeérós sleémeero ngaa boo/eés gawaá daanduú tloomár Siyoniro nee Yerusalemuro, inós saga gawduú waawutmoó Ashuru nee daara/aangose gi sakwasleemuut, nee adoodá' tiwa kilós xirfayeemisi.

ISAYA 10:6

Una ya/aáw xoorór tlaakw ngiwa muxi, una ádbáw mukdá' naa i buúhh nguwa muxi nee ngiwa haasaáng wa ar tlay, ngiwa yaamií kalaa/i adór hhapér baraá loohi.»

ISAYA 24:21

Baalaadae AAKOÓ MUNGÚ slawodaá gawaá doori gi slaahh, waawituú baraá yaamu sleeme gun slaahh.

ISAYA 3:11

Ala mukduú tlakuuse a tsaxwaaín ado gi alxir'imít, asma adoodá' naa tleehhiyé' an tidá' gi slaw.

ISAYA 30:6

Kaangwí an iigu'utuú Mungú aa laqán daanduú makaydaá baraá xaanxoó bihhaá basa, «Ya/abuuse i waaráhh ar baraá tla/ángw yaamaá slahh'amuú koomá', yaamaá direeraá /ameena nee awa yaqambeero ngi koomá', nee daysheero nee dayshér ti gileehha. Inooín daqaari'iimar'ín nga tsa/aasiyé' gawaá daanduú daqwayer'ín, nee gawaá daanduú angamíar'ín, as tawa daqay amór múk gi gaa wa buaaká.

ISAYA 59:18

Wakuuse ga muux har afiqoomoó tlehhmi'ii'ín. Buhhtaawós nee li/aywo gin buu' gawaá wakuuseerós, tam múk ayeemaá afaá tlawi sleeme gun muux.

YEREMIA 25:31

Tsimaahhirí iri hardát ay hhapeemo sleémeero. Asma AAKOÓ MUNGÚ daanduú xoorduwo i kwasleemár kón. Muu sleémeero gwaa sakwasleemuút, múk tlákw gu tsuu/ ar paánga. Anuú AAKOÓ MUNGÚ tí ngina oó'.»

HOSEA 2:13

Aníng a muúx as deeloodá' ur ar munguaá ta bay Ba'ali i aaeer, nee ilahhooadár mooyángw koom deeloodae i da/a/ángw aaeer dír munguiidá'. Tina parootumaamís ar peéterós nee ar muruudá' tlaxo gawdén, iri tleér amór mulqeerós, aníng iri gunqaarés. Anuú AAKOÓ MUNGÚ tí ngina oó'.

HOSEA 4:1

Kuungá' múk Israeli axweesantá AAKOÓ MUNGÚ iiárií qaasaak. Asma AAKOÓ MUNGÚ i múk yaamuuká' iigahhamiit, asma inkihhimu i kaahh nee hhooeemawo tam heé Munguú xuú' i kaahh baraá yaamuwo.

HOSEA 4:9

Aluuwo gár muu gu slaw kaahamusmo gu sleér. Aníng i muúx asma hotaaín awa tlakw nee in buú' ar harqoomoó tlehhmi'i'ín.

HOSEA 7:1

Qoomár bar múk Israeli u ba/amisár wa slaá', tlakweemaaín kingin geehhoees, nee tlehhma'aá tlakw awa Samaria kingin laqán, asma tin kilooín al/aginá', nee in fisisiná', tan darah baraá maraá muu tan fisiisín, nee amoqár tsee/aawo malguuse i muruú múk hayohiín ar /uuru.

HOSEA 7:11

Múk Israeli a adór hhooki, ar daktani nee fuqurángw koomaaká. Motsuuwo tan múk Misrír firór aa'áy, ta beer iqo amór múk Ashurúr kakayá'.

HOSEA 7:2

Inooín tam tsaahhár niiná ngi kon'aaká, adór aníng tlakweemaaín ngir xuú', ala inooín kaa nagwaáhh nee tlakweemaaín badu sleémeero, tlakweemaaín sleémeero aníng i ga/áw.

HOSEA 8:10

Tam mulqe ngaa tlaxwi'i baraá xoordaá hatlá' wa ale, ala aníng in haraki/ís ar wa'aá wák. Inooín ki al'iilooúy qoomár niinawe, nee waawutmoodá' úr taa iimbalaáx ar di/i nee geeraharuusero.

HOSEA 8:13

Inooín ilahhooár muruú ta tsu/i hanmisuuwo ngi slaiyá', nee fu'unaydá' kiri /aay. Ala AAKOÓ MUNGÚ ku baloó sla'atimisiiká nee inooín. Aníng hamí tlakweemaaín kuká' in insláw ngiri muúx as tlakweemaaín kuká', ngiri ki/ís baraá lawaali'iimár yaamaá Misri.

HOSEA 8:9

Inooín nina tlayé' ay Ashuru a slaqás nee daqoó kopoormo oo baraá darmuú wa kilós hi'iimiít. Múk Israeli mulqer'ín ar /ameena ngaa tlaxwiyé'.

HOSEA 9:15

Tlakweemaín sleémeero dír ni dahhiya' a Gilgali, asma amorqá' an amór ngiwa geerií aáhh. Aníng inooín i guús baraá dooeene, asma tlehhmi'ii'ín awa tlakw Aníng inooín i malé sla'aaká, geeraharuuser'ín sleémeero aa dee/aanuumít.

HOSEA 9:9

Kuungá' aga faakamisé' tlakweema tlehhtuuwo, adoodá' aáng aa tleehharut baraá Gibearo. Mungú dakuúsar'ín gan inslasláy nee giri muux as tlakweemaaín.

AMOS 2:4

AAKOÓ MUNGÚ i kaahi, «Aníng múk Yuda muxtaaro u mawaaká, as tlakweema ngiwa tlehhaahhitiyé'. Asma inooín dabér AAKOÓ MUNGÚ eeharto ngina si'iyé', tam kaahirós sleeme ngaa oohii'iiká. Ala lamtaín tidá' i tlaqaaqatiya' gay dahás baraá qwanaay tidá' aáng taati'ii'ín naa eehariyé'.

MIKA 6:2

Kuungá' tlóm'i, kwasleemár AAKOÓ MUNGÚ iiárií qaasaak, nee kiíng iihhafiirír gawit ar yaamu ar kureerisleém, iia qaaseek sleeme. Asma AAKOÓ MUNGÚ i kwasleemár kón daanduú mukose, nee muxta ngi huuw amor'ín i alé.

Matayo 16:27

Asma Garmoó Hee i hardah ar baraá xirfuú Baabuúwós dinkwa nee malaykeerós. Qoomaadá' an qoomár umuú heewo nguwa bui ar qoomoó tlehhemi'iiwós.

Rumi 2:6

Asma baalaadae Mungú umuúqo heewo gu buu' ar hariímár tlehhmi'iiwós.

Galatia 6:7

Miti kiloohúng al/agiimara'. Mungú ku niqaaqinká. Umuúqo gár hee i dahaasin, an tidá' i bu'un.