HOSEA 12:13 - Biblía Axweesantá Hhohho' ar Mungú 2004

¹³ Ar loohír aarusmoowo AAKOÓ MUNGÚ múk Israeli guna duúx yaamaá Misrír wa ale, nee ar loohír aarusmoowo giri amohhe'eemiís.

HOSEA 12:13 Iomraidhean Croise

IIMU/UUNGW 28:2

Tláw ay Padan-aramu, amór doó aakoowók Betueli, dasír wák baraá dasú maamáywók Labaniwo na duuxeek.

IIMU/UUNGW 29:20

Yakobo Labani guri sagadiyuús kureeri faanqw as Raheli ngiwa slay, ala dirose a adór deelór niina as adoodá' Raheli ngira slaá'.

WARA'AMI 77:20

Mukók una geerahát adór daqtá bee/ángw wa ale, ar dákw Mose nee Aroni.

TI'INAANGW 13:3

Mose muu guri báy, «Baalaarí niwa ti'ité' baraá lawaali'iimár yaamaá Misrír wa ale, inslawaak, asma baalaarihe AAKOÓ MUNGÚ kuungá' nuna duúx ar dakós oo /uuruú koóm. Gimsé' baalár adór tihe, mikaátér taa sluuftís ma /ayaara'.

TI'INAANGW 14:19

Naagáy malaykamoó Mungú kudá' aa giirin geeraá xoorór Israeli wa ale, iri tláy iri aluuín i kií/. Nee uhmooduú huunki iri quútl dír geeraaine, iri sihhiít aluuín i ale.

HOSEA 11:1

Israeli kuwa niiná una slaá', garmaaeé' kwí ngway ateét niwa Misrír wa ti'iiti.

HOSEA 2:15

Aníng qamuuwós awa sabiíbu ngay amoodá' wa haniís, nee xatstá Akori tidá' ta bay slahh'amaaye tari harahhifoorós. Inós aníng iri ya/aán ar adoodá' aáng ngira sa'axweés tawa /amaatliito'o, nee adór qoomaadá' niwa ti'ít Misrír wa ale.

MIKA 6:4

Aníng kuungá' nuna baraá yaamaá Misrír wa duúx, nuna baraá yaamaá lawaali'iimár wa tuú/. Aníng Mose nee Aroni nee Miriamu ngina amorhúng i ya/aáw as nuwa geerahariya'.

FAARO 12:8

Gawaá adoorihe aníng nee inós an axweemaamisaán ar afe, nee ar geehhooeema, nee sleeme ar axweesantá bo/eeká. Inós slaqsay'eé' anuú AAKOÓ MUNGÚ guna ár. Gawaá adoorihe, asma waáy kuungá' sagadiyusmooeé' Mose musa qitlé' kaantiingo?› »

DABE 26:5

/Aymi'iiká' kiri dír geeraá AAKOÓ MUNGÚ, Munguúwók wa ó', ‹Baabuúeé' a heé Aramu, kudá' aa tonganuumamiis amorqá' nee tiqae, aluuwo iri tláy ay yaamaá Misri, iri amoodá' wa hoót adór dahaaymo. Inós nee múk do'ose, qoomaadae a múk ló'wa niiná, aluuwo inooín niri tlahhiyé' tari xoorór yaariir, nee ar /uuruú koom.

1 SAMUELI 12:8

Qoomár Yakobo iwa dáh baraá yaamaá Misri, baabi'iihúng AAKOÓ MUNGÚ nguna i /aa/aminé', AAKOÓ MUNGÚ Mose nee Aroni giri ya/aáw, asma inooín kina slahh'eemiís nee múk Misri, inooín baabi'iihúng kingiri duúx baraá Misrír wa alé, kingiri qaás baraá yaamuuká'.