HOSEA 11:6 - Biblía Axweesantá Hhohho' ar Mungú 2004

⁶ Gixsaduín ki qwaarees ar slaqwara, nee afér maray'ín kari giqáy ar paangadu, inooín kiri hhaamiis, baraá guruú koo/ir'ín tidá' gawit.

HOSEA 11:6 Iomraidhean Croise

WARA'AMI 106:39

Gawaá adoorihe nari daba' tlakweemiisiyé' as tlehhmi'ii'ín, inooín naa inkihhimu wasleesiyé' dír Munguhe nari fuquusiyé'.

WARA'AMI 106:43

Mungú mukós guna ba/amís daqtá yaariire, ala inooín gár naa tsawaariyé' a Mungú nguwa si'iya', niri ak hhané' baraá tlakweema.

ISAYA 18:5

Asma dír fiiqit ira xayká, qoomár /ayo bira hú', qoomár sabiíbu bira hamaár, Mungú harma/o gan tsaat ar makásidá' xaai kir tlaqaaqati, nee haleemiidá' naa ifiitiye' giri alkwaasl.

ISAYA 27:10

Asma gixsadá' koo/i gawit kaa kilós geexáy, kana geexáy kari máy adór xaanxaay, makaay kin baraadá' wa de'én niri tlahhminá'. Nee haleemiiwós ngiri /ayiyá'.

ISAYA 30:1

AAKOÓ MUNGÚ i kaahi, «Tsaxwaaín na/iidá' aníng iga aahhiye', kudá' gurbu'úngw sla'á', ala kwe'eé' ngu slaiiaaká, kudá' dinku'uumár nee muu ngi sla'á', ala ar qeeruueé' ngi slaiiaaká, as kahhó' pa/ángw tlakweema ngir iinkikii/iyá' nguwa slaya'.

ISAYA 9:14

Asma AAKOÓ MUNGÚ baraá guruú looár wake, múk Israeli gun sage nee hhayshe tlaaq, halmír slaansli nee gitsooro.

YEREMIA 5:17

Inooín balangwhúng nee muruú /aymarhúng kun /aay. Inooín na/iihúng awa dasu nee awa daaqaywo ngi tsu/iyá'. Inooín daqooroó hikwaahúng nee bee/angwhúng ngun /ayiyá'. Inooín sabiíbuhúng nee seituúnirhunge ngin /ayiyá' gixsaduhúng kudá' koo/i gawden kuungá' taa harahhifé', inooín ngin hhaamiisiyá' ar xooslár slaqwara.›

YEREMIA 50:35

AAKOÓ MUNGÚ i kaahi, «Qatlo i gawaá múk Kaldayo, nee gawaá yaamuloouusér Babuloni, nee i gawaá geeraharuuser'ín, nee i gawaá muk'ín oo sageloén.

WA/AA/I 2:9

Afér gixsarós aa yaamií sluk'umít, muqslaadá' kar tsegiiti gana giqáy gay hhitín, waawutmoowós nee geeraharuuser'ine i baraá tla/ángw xoordu. Dabe i sangw malé káhh, aaruuseerós iigu'utuú amór AAKOÓ MUNGÚ daáhh gu slasleeraaká.

ESEKIELI 20:47

Ádbaweek axweesante'eé' ngi oohiye', anuú AAKOÓ MUNGÚ. Anuú Aakoó MUNGÚ a kah, ‹Asla a oohiís diroge, inós xaa'aá naa/á' nee awa kaaharene giri /ák, in bihhaá baskú wa iimu/uún ay bihhaá /iya. Heé tsaangós gaasaro gu aleesláw i kaahh, umuú heewo aqo da/a/amó gun sláy.›

HOSEA 10:14

Gawaá adoorihe slaqwaruuse ni haratleér amór mukók, nee maraywók kudá' koo/i gawden kiri yaamií hhaaf, adoodá' Shalmani Beti-arbeli ngira yaamií hhaáf bál slaqwaraaro, ín aayo kiri nakaa/arúy dinkwa nee na/ii'ine.

HOSEA 10:6

Slaqsayduú dama kuri huuw Ashuru. Kuri koódír wa haniis dír waawutmoó úr, múk Efraimu kuri mureekees, nee múk Israeli iri muruut as slaqsayduú mungú.

HOSEA 13:16

Múk Samaria doohhór tlakweemaaín ga sláy, asma Munguín ngwaa aahhiyé'. Inooín ki daasl ar paangadu, na/ii'ín awa qaweero kin naasaasúy, nee /ameenar'ín ar tsiihaawe kari gur'e posl'omiis.

HOSEA 4:16

Asma múk Israeli aa sagagawdúy, adór tsa/atmoó gwaréhh. Hám daxta AAKOÓ MUNGÚ de'eengo gi aleesláya adór deeloó bee/ángw baraá hindawtá ur?

HOSEA 4:17

Múk Israeli aa kií/ amór munguaá slaqsi'i, mawaak kilooín ale.

TLAHHOÓ LAÁWI 26:25

Nun paángárí huúw as li/oó alqador'eé' tidá' taa geeqeeré' nguwa buu'. Kuungá' bara gobé' baraá gixsaduhúng, ala nuri tiqtír tlákw i kwaáhh, nee nuri baraá dabaá wakuuserhúng i qaás.

TLAHHOÓ LAÁWI 26:31

Gixsaduhúng in daá/, dirhúng tidá' hhoohhoo' an xaanxay tleéhh nee ilahhooár mooyangwhúng kudá' tsuú' u baloó ya/amaaká.

TLAHHOÓ LAÁWI 26:33

Nun tsiyayaáx baraá tla/ángw xoordu, nee nuri paangadúr ayá', yaamuuhúng niri darma tleehhiyá' nee gixsaduhúng niri hhituruutiyá'.

AMOS 6:8

Aakoó MUNGÚ lo'o gaa huúw ar umuuwós, AAKOÓ MUNGÚ, Munguú Aleesleemusmo i kaahi, «Aníng ti buhhtamis nee daara/ángw múk Yakobo, nee koo/irós tidá' aa parootuús aníng aga aáhh. Gawaá adoorihe gixsarí aníng a haniís dír wakuuse dinkwa nee umuú gaaro ar baraadií diriia.»

MIKA 5:11

Aníng gixsadaá yaamuuwók i hhitiím nee gixsaduuhúng kudá' koo/i gawden in daáhh.

MALAKI 4:1

AAKOÓ MUNGÚ Aleesleemusmo i kaahi, «Asma qaytsité', baalaadá' ni hardát, i ót adór asltá gufteeri. Nee muu sleémeero kudá' sagegawdén, nee kudá' sleémeero tlehhimi'idá' tlakw tlehhaahhitá', nin muundáy tleehhitiyá'. Nee baalaadá' hardah gin qwaarés ar asla. Gár i meetis i káhh, halmi nee dee/armowo.

DABE 28:52

Mukwí kuúng un harweer baraá gixsaduuwók sleémeerowo, ay dír koo/irók tidá' gawden, tidá' taa haraxu' i yaamií huuhu'uun umuú diiro baraá yaamuuwók, kudá' AAKOÓ MUNGÚ, Munguúwók naa haniisi.

DABE 32:25

Tsee/aawo slaqwara gi fák, nee baraá guruú do'o dae gi fák. Masoombár daaqaay nee dasuú /amaatliiteero i hhaamiís, tam na/aá du'uumá' nee bariisér sage /awake.›