HOSEA 11:4 - Biblía Axweesantá Hhohho' ar Mungú 2004

⁴ Aníng ina geerahaár ar gurtleemu, ngiri uuruúx ar sla'aari, taaqwantadár gawaá isooín ngiri hingeés, aníng ana xupuú' ngiri /aymiís.

HOSEA 11:4 Iomraidhean Croise

2 SAMUELI 7:14

Aníng tari baabuúwós, inós tari garmaaeé'. Tlaákw birnga tleéhh, un iigahhaát, adoodár muu i /imamisi na/ii'ín kiwa naanaqaqati ar hhara.

WARA'AMI 105:40

Qoomár iwa fu'unaá slaiyá' giri xooyángw i huúw, giri /aymiís ar mikaátér yaariir ar gawaá dooraá daahh.

TI'INAANGW 16:32

Mose muu guri báy, «Gár AAKOÓ MUNGÚ naa hara'ayín a tí: Maánár har qoomoó piíshír wák batsaak as xwaylarhúng ar aluúwaá hardáh muruú /aymaasíng nguwa aan, kwí naa kuungár /aymiís qoomár niwa ti'ité' baraá yaamaá Misrír wa ale.»

DAA'AANGW 1:4

Aníng ar tlawáng, góh ar gaanslaay, Waawutmo aníng iga dahaás baraá do'ós, Atén kuúng uri saqwalaala/aán nee uri sa bara/aán, sla'aarirók kari alki/itaán tam difaái ba/a. /Ameena kuúng uwa sla' i hariín.

ISAYA 63:9

Baraá slahh'amaayer'ín sleémeero inós kuna slahh'eemiís, nee malaykamooduú dír geeraawós inooín gina ba/amís ar sla'aarirose nee ar gurtleemuwose inooín gina gweér. Iimír aange inooín gina loohiís nee gina gagaraarín.

HOSEA 2:8

Asma inós gaa xuiká adór aníng ngira balaángwí i hanmiís nee difaáiro nee di/to, nee aníng inós ana tsuúq ngay peésa nee sahaábu yaariírí haniís, kudá' aa húp dír Ba'ali.

TLAHHOÓ LAÁWI 26:13

Aníng an AAKOÓ MUNGÚ, Munguúhúng, kudá' kuungá' naa baraá Misrír wa duux as tawa lawaalér múk Misrirooká. Aníng taaqwani aga geeqáw tidá' taa tseék gawaá isoohúng, as kahhó' tawa hota' ar amohhooa.»

Yohana 12:32

Aníng birta gáwtí tleés, muu sleémeero u amor'eé' uuruúx.»

2 korinto 5:14

Asma sla'aarír Kristo atén tin harakeemís, asma atén aga tsaahhaán adór heé wák ira gwaá' as muu sleémeero, gawaá adoorihe muu sleémeero ina qaátl.

DABE 32:12

an AAKOÓ MUNGÚ kilós nura geerahaár, nee munguú hatlá' oo inós gwa alee/iis i kaahh.

DABE 32:14

Inooín di/i nee ilwa ngina dír hikwá wa slayé'. Di/tá bee/aangw nee ar gwaandaawe ngina slayé', daqoroó Bashani oo awe nee aara, dinkwa nee angaánoó ló'wa hhohhó'. Difaáír /aben ar mamaá sabiíbu ana wahaandé'.