HOSEA 11:10 - Biblía Axweesantá Hhohho' ar Mungú 2004

¹⁰ Inooín anuú AAKOÓ MUNGÚ i eehariyá', anuúdá' /oroótl adór diraangw, an i /oroótl, na/ii niri /uwá wa hardihiyá' ar daaraxaay.

HOSEA 11:10 Iomraidhean Croise

YOBU 37:1

«Guruueé' hamí ma'aay ngwa dalaa/iyé' as muruuwí nee in tawo ni/ín.

WARA'AMI 119:120

Aníng a daaraáx as kuúng uwa da'ayuumiít, aga daanda feehhiít as kwasleemarók.

WARA'AMI 2:11

AAKOÓ MUNGÚ sagadiyuusaak ar ilaiwa/ame, i tumbarara'ataak ar daaraxaay,

ISAYA 11:11

Slám baalaadae Aako dakós gu malé tlees as mukós kudá' meet baraá Ashuru nguwa ki/isi, nee kuduú baraá Misri, nee baraá Patrosi, nee oo baraá Kushi, nee oo baraá Elamu, nee oo baraá Babuloni, nee oo baraá Hama'ati, nee kudaá baraá ayeemoodaá afaá tlawi.

ISAYA 2:5

Kuungaá doó Yakobo, qwalaasé' a hootaán, baraá gwa/aateemaá AAKOÓ MUNGÚ wa ale.

ISAYA 31:4

Asma AAKOÓ MUNGÚ aníng ina báy, «Adoodá' diraangw laqaá na/oó diraangw ir dír sluqoorós wá /ortlaatliti, tam qoomár boohhár de'eemuuse barka ateét as nguwa tlatlahhasiya', inós i hhasliitiiká tseeór mukdae, tam afor'ín sleeme gu dae tlaqká, Adoorí an adór AAKOÓ MUNGÚ Aleesleemusmo nir hardihi. As iwa slaqwí as tloomár Siyoni nee gongooamawós.

ISAYA 42:13

AAKOÓ MUNGÚ ina geerií ti'iít adór pihhusmo, adór slaqwarusmoó slaáqw baraá slaqwaraaro, oo aa /aa/, oo tsee/amiím, inós /uuruuwós gun dír wakuuseerós i laqán.

ISAYA 49:10

Inooín i qwariitiiaaká sleeme waxitiaaká, fur'ár age laqaá tsee/amá gi slahhaeesiiká. Anuúdá' inooín gi gurtlatláw in geerahaár. In huúw dír duxuú ma'aá koóm.

ISAYA 64:2

Adoodá' asla xwaansláy ngur /aa/ak, nee adór asla ma'aay ngir dahhamaamis, as umuuwók kuwa tsaahhi nee wakuuseerók nee xoodu ni daaraxatiye' kuúng bura ariyé'.

ISAYA 66:2

AAKOÓ MUNGÚ i kaahi, «Muruuwí sleémeero a gadiyér dabaaeé', gawaá adoorihe muruuwí a kwe'eé'. Ala aníng heé ni i qaytsiit a heé adoorí: Heé tsatsa'aár nee oo aa gwadiidin, nee heé axweesante'eé' ga da'ayumiít.

ISAYA 66:5

Axweesantá AAKOÓ MUNGÚ iiárií qaasaak kuungáká' axweesantós ngi ilaiwawaa/á'. «Hhaeehúng kudá' kuungá' nu ahhiitá' nee naa si'iye' as umuueé' inooín i kaahiya', ‹Gimáy AAKOÓ MUNGÚ ti xirfayeesi as atén qwal/uuhúng nguwa araan.› Ala múk ta mureekeesi an inooín.

YEREMIA 2:2

«Tláw ay amór yaamuloouusér baraá Yerusalemu, ki beer, adoorí an tidá' AAKOÓ MUNGÚ i kaahi, ‹Aníng inkihhimuduú qoomár kuúng tawa masoomo un insláw, adoodá' ira slá' geerií aleeró adór múk ti duuxór wa slaá'. Ina eehát baraá xaanxaywo, baraá yaamuudá' taa dooslikahe.

YEREMIA 25:30

Kuúng Yeremia, daanduú kaangwí sleémeero dir'ín i aarimeek nee tawa o', «AAKOÓ MUNGÚ in /orootl iimír gáwtá wa alé, in tsee' iimír didá' hhoohhoo' ar hotaawós, in /orootl ar afór ur gawaá mukós, in tsee' adór heé sabiíbuú tsoo/iít, daanduú múk baraakaá yaamu sleémeero.

YEREMIA 31:9

Muk'eé' ni kii/ ar hhirhheeri, ngi ki/ís as ngiwa gurkwa/as, aníng i geerahaár ay dír duxuú ma'aay, ar baraá loohír dukuutse ngiwa tuu'utká. Asma aníng a baabá dír múk Israeliwo, nee Efraimu a na/ay'eé' oo baris.

YEREMIA 33:9

Gixsarí dir'eene tari gixsár qwal/uú huwahuuw nee ilaiwa/ame nee xirif dír geeraá xoordu sleémeero awa yaamuwo, kudá' kaangwí ngu axaasá' oo hhooeemaadá' naa dír múk Yerusalemúr i haniís. Inooín tari da'ayuut nee tari daaraax as kaangwí.»

YEREMIA 5:22

Anuú AAKOÓ MUNGÚ a kah, «Ahaá aníng mis ilaiwawa/a'aaká? Ahaá mas daaraxa'aaká dír geeraeene? Aníng hhasaangw una qaás tawa harki/isoó tlawi, digmuú tlawi waarahhamko i baloó aleesleeraaká. Tam gwaanduú ma'aay digmuudá' ngu aya, ala gu waarahhiiká, tam i /orootli ala gu waa/akutiiká.

YEREMIA 50:4

AAKOÓ MUNGÚ, Munguú Israeli i kaahi, «Qoomaadae nee daqtadae, múk Yuda ta buruumburiit dinkwaárí ale nee tari kii/ ar /aa/e tawa anuú AAKOÓ MUNGÚ, Munguúín leelehhiiti.

YEREMIA 7:6

Kuungá' bar dahaaye a baramaanusa'aaká nee na/aá panaywo, nee /ameenár kwaeeli, nee múk dakuús wásl tsu/utaro bura meeré' baraá yaamukae, nee sleeme munguaá hatlá' eeharahaduuwo bira meeré' as tawa qwada'aaká,

YEREMIA 7:9

Kuungá' a fisisiindá', a tsu/utá', a fuqusá', lo'ór lama an /agá', mooyángw tsuú' un da/a/aandá' dír Ba'ali, nee munguaá hatlá' awa xuaawaslen kiri eehadé'.

ESEKIELI 26:16

Waawitá sleémeero kuduú yaamaá afaá tlawi tari huuhu'ún gawaá kiteeri'ín kudaá waawuti'iimaro, nee him'er'ín ngiri gweeriyá', tlabaaín kudaá ilaiwa/ame taa parootuús ngi duuxiyá'. Inooín daér yaariir giri eér, tari yaamií iwiit, inooín qooma sleémeerowo tari daaraax nee tari ló'wa da'ayuut daanduú tí iga sleeri.

HOSEA 3:5

Aluuwo múk Israeli i kii/, AAKOÓ MUNGÚ Munguúín kway leelehhiit, nee Daudi waawutmooín. De'emaá alhhe'eesaywo niri ki/iyá' amór AAKOÓ MUNGÚ nee hhooeemawós ar ilaiwa/ame.

Yoeli 3:16

AAKOÓ MUNGÚ ni amór Siyonír wa /orootl, afoorós kari axaas baraá Yerusalemu wá alé, doori nee yaamu niri daaraxatiyá'. Ala AAKOÓ MUNGÚ an dír mukós i gogowi, nee koo/ír gawit ar múk Israeli gwa harwet.

AMOS 1:2

Amos ina oó', «AAKOÓ MUNGÚ i xorootl amór Siyonír wa alé, i tseeamín Yerusalemúr wa alé. Qawtaantá de'eemuuse i tsuunqumís. Gitsór tloomár Karmeli i /óts.»

AMOS 3:4

Xáy, diraangw iqo tsuwa aáhhi baraá sla/atá wa alé bar makiito'o ngaa oohiiká? Xáy, na/oó diraangw iqo /oroótli baraá mar'ír wa alé bar gár aa sláy i káhh?

AMOS 3:8

Diraangw bira aáhh, xáy heé da'ayumitaaká a heemá? Aakoó MUNGÚ, Mungú aa axweés, xáy heé kaangwí gu ooaaká a heemá?

MIKA 4:5

Asma xoordu sleémeero nin hootiyá' nee umuú xoorooro ar baraá umér mungu'ii'ín. Ala atén an hootaán ar baraá umuú AAKOÓ MUNGÚ, Munguúrén, ay kureeraá kureér.

HABAKUKI 3:16

Kaangwí sleémeero una axaás tam guruueé' ma'aay ngway dalaa/iyé'. De'eero afkueé' iri daaraxaát. Diqiyaeé' niri tsatiitiyé', ya'aaeé' niri daaraaxiyé'. Aníng baalaadár slahh'amu an daamaaraám ar qitla, tidá' hardah dír mukdá' amoorénií haraatlatláw.

SEKARIA 10:10

Slám ngi male ki/ís baraá yaamaá Misrír wa ale, ngiri burumbuúr iimír yaamaá Ashuru wa ale, ngiri huuw ay Gileadi nee Lebanoni, inooín yaamu sleémeero ngiri dalaa/iyá', tam dír hota iri qwát.

SEKARIA 10:12

Aníng muk'eé' nguri gawdeés baraá anuú AAKOÓ MUNGÚ, inooín nari hootiyá', inooín umuueé' nguri xirfayeemisiyá'. Anuú AAKOÓ MUNGÚ tí ngina oó'.»

SEKARIA 8:7

Anuú AAKOÓ MUNGÚ Aleesleemusmo tí ngina oó'. Ga/aawaak, án muk'eé' u ba/amís iimír da/aáwaá tleemu ay /uwa.

Yohana 8:12

Yesu inooín giri malé báy, «Aníng a gwa/aateemaá yaamu. Heé aníng iga eehaar, i baloó baraá giwtír wa hi'iimitiiká, ala inós gwa/aateemaá slafiingw gi kón.»

Tlehhema'aá ya/Abuuse 24:25

Paulo kángw hotaá ganaa'á' nguwa alki/iít, nee kángw harqoomaay, nee sakwasleemár hi'iit, Felisi iri da'ayuút guri báy, «Kuúng ala tláw, án pa/aangw bura sláw, án kuúng uqo ateét.»

Rumi 8:1

Gawaá adoorihe sakwasleema i káhh dír mukdaádá' baraá Kristo Yesu i diriia.

2 Petro 2:10

ak alé mukdá' ilatleerír slasla/aren ar slaqooín ga eeharahaár, kudá' aleesleemuú Munguú waaqaqaá'. Intsaahhatuuseerí ar lama inooín a afakaharuusér fahharuuse, slám a takaahuuse, slám ta daaraxiiká, ala tam malaykeedár aleesleemuú koom kan /ooslislín.

Geehhoeemaá 10:3

Malaykamoowí iri tseé' ar afór ur adór aahhór diraangw. Nee qoomár iwa tseé', kududuhoó faanqw niri kududuhuút.