HOSEA 10:8 - Biblía Axweesantá Hhohho' ar Mungú 2004

⁸ Wa/aamér munguúaá hatlá' kiwa sluufmiisi ar gawaá gongooamoó Afeni, tidár tlakweemaá Israeli, ka hhitín, fuquráy nee sla/a nin ti'iitiyá' gawaá kitángw sluufáy wa ale. Inooín tlom'i kiri bay, ‹Atén ti tuuntuke,› nee gongo'oma' kiri bay, ‹Atén ti harahue'.›

HOSEA 10:8 Iomraidhean Croise

IIMU/UUNGW 3:8

Naagáy afór AAKOÓ Mungú kari axaás iwa hi'iimiti baraá asalmoó wa ale qoomár tsee/amá iwa fuuruú'. Heedaádá' nee hareerós niri nahhaatiyé' baraá xaa'aá asalmoodií ale, as AAKOÓ Mungú mingiwa ár.

1 WAAWITÁ 13:2

Heedaádá' kitangwdá' guri lu'ús iwa kaahi, «Aá kítaangw, AAKOÓ MUNGÚ i kaahi, ‹Na/aay ku laqwaal baraá tlahhoó Daudiwo, umuuwós ku bay Yosia. Inós kaahamuusér diirí wa gadiyuus, tidá' mooyángw tsuú' da/a/aam gawaawók i ale, inós kaahamuseerí ga ohín, gari daa/ gawaawók, nee fadaá muu gi gawaawók i daa/.› »

1 WAAWITÁ 13:34

Tlehhmuuwí iri tlakweemaá hhasaám tleehhiít dír doó Yeroboamuwo, do'odá' nguri hhaamiisiyé', iri suquút baraá daanduú yaamuwo.

1 WAAWITÁ 14:16

AAKOÓ MUNGÚ múk Israeli gu sii' as tlakweemadá' Yeroboamu aa tleéhh, nee múk Israeli gway baraá tlakweemií dahaás.»

2 WAAWITÁ 23:15

Tam adoorihe kitangwduú ilahhooa, kuduú Beteli oo gawaá gongoamo oo Yeroboamu garmoó Nebati, kudá' múk Israeli gwaa baraá tlakweemií dahaas, aa tleéhh, guna feé/, wa/eeridaá ilahhooa awa gawaá gongoam' gana feé/, tlaa/eewós giri naasúy adór teeri, slaqsa'aá Ashera giri daá/ ar asla.

2 QOM'I 31:1

Deeloodá' ur ar Pasaáka iwa fák, múk Israeli sleémeero tari tláy baraá umuú gixsár Yudawo. Uheemidá' taa tlehhiít kiri feé/ kiri giqáy, munguúdá' ta bay Ashera kuri supín, wa/angwduú gawaá gongoamo' kudá' munguaá hatlá' kiwa sluufmaamisi kiri feé/. Inooín adoorí kana tleéhh baraá yaamaá Yuda nee awa Benyamini, nee Efraimu nee awa Manasewo sleeme. Tí kawa hhe'eés, umuú heewo iri waátl amór gixsarós nee dír aalirós.

ISAYA 2:19

Muu iri dah baraá mar'ór tla/u, nee baraá boh'ér yaamu, geeraá dae tlaquú AAKOÓ MUNGÚ nira hardihiiká nee xirfuú waawuti'iimarós, qoomár birna tláy as yaamu ngiwa dae tsati.

ISAYA 2:21

Inooín nin dahiyá' baraá guruú mar'ór tla/u, nee baraá pa/eeraá tla/u, geeraá dae tlaquú AAKOÓ MUNGÚ nira hardihiiká, nee xirfuú waawuti'iimarose, qoomár birna tláy as yaamu ngiwa dae tsati.

ISAYA 32:13

nee as yaamaá muk'eé' kudá' tinda alti'iít nee fuquráy nee laqaya', maraay kudá' naa hatsiye' múk qwalaala/a, nee as gixsaduudá' qwalaala/á'.

ISAYA 34:13

Slaamboqáy niri ti'iit gawaá koo/ir'ín tidá' gawdén wa alé, te'eesmó nee laqayawo niri ti'iitiyá' baraá koo/ir'ín wa alé, tari dír tawer iwa hooti, sakwel iri baraadií waatl.

HOSEA 10:2

Inooín a al/aymuuse, hám daxta adór kis hariím ngi slayá'. AAKOÓ MUNGÚ kiteeri'ín kudaá ilahhooa gin yaamií daahh, uheemidá' giri fee/.

HOSEA 10:5

Yaamuloouusér Samaria in daaraxát as damaadár baraá Bet-aweni. Inooín tari tsuunqumiis as damaadá', kaahamuusér damaadá' ga sluufmiis iri /aa/amiín, as xirfuú damaadá' kuwa hingeés.

HOSEA 10:9

Aá múk Israeli, tlakweema ina tlehhé' iimír tawa baraá Gibea, nee tam hamí a kumaamitá', ar ló' tundu hhaamiis ar slaqwara baraadaá kilaá Gibea.

HOSEA 2:6

Gawaá adoorihe, loohirós an yaáw ar laqaya', ngay koo/írír harweér tam loohír ti'inaangw mingiwa sleér.

HOSEA 4:13

Inooín ilahhooár muruú ta tsu/i kan gawaá tlom'ií wá hanmaamiis. Nee ilahhooár da/a/aangw kan gawaá sagér tlom'ií wa hanmiis, baraá guruú xaa'aá ti'ita nee oo ta bay libúa nee ta/eewiro, asma mahhtirós ka hhoohhoo'. An gár dasuuhúng is fuquusi, nee /ameenár taa duxuút is duuxór gaamis as iwa tsee/aá wá hi'iimit.

HOSEA 4:15

Tam kuungaá Israeli a fuquuseero, ala múk Yuda tlakweema mingiwa tleéhh. Kuungá' ma tlawaara' ay Gilgali, tam ma tsa/amaara' ay Bet-afeni, sleeme umuú Aako mu lo'órár huwahuwaara' tawa kata', «Ar adoodá' AAKOÓ MUNGÚ ir hotaatin.»

HOSEA 5:8

Xareemi ufaahhaak baraá Gibearo, tarumbeéta baraá Ramaro. Uui tleereesaak baraá Beti-aweniro, múk Benyamini wakuuserhúng hanoos aluuhúng.

HOSEA 8:5

Aá múk Samaria, Munguúhúng kuduú dama ugwa sií', aníng aga qa/iít buhhtaawo as kuungá', tlakweema tlehhtuuwo ta kumaamita' ay xaylá.

HOSEA 9:6

Asma ga/aawaak, qwanayhúng un ilagobá' tunduri ilaoh nee múk Misri, ala /antaá Memfisi nu daamaraná'. Daqaari'iimarhúng ar peésa sla/a ngi alti'ít, nee marayhúng laqaya' ngi alti'iitiyá'.

AMOS 1:5

Afér gixsár Damasko a giqáw nee múk baraá xatstá Aweni nguri diyaá/, dinkwa nee waawutmoó Beti-edeniwo. Múk Aramu kuri loohatis ay Kiri. Anuú AAKOÓ MUNGÚ tí ngina oó'.»

AMOS 3:14

Bál aníng múk Israeli bur muúx daanduú tlakweemaine, aníng kitangwduú ilahhooa oo baraá gixsár Beteli un hhitiím sleeme. Xareemaá kitangwdá' sleémeero ngiri yaamií slaáx.

AMOS 7:9

Kiteeridaá saaliingw gawaá tlom'i awa doó Isaka ki fee/, nee wa/angwdá' hhohhó' oo múk Israeli ku taangu tleehh. Aníng tlahhoó waawutmo Yeroboamu un hhaamiís ar paánga.»

AMOS 8:14

Kudá' lo'o ngaa /ayiye' ar umuú munguúín kudá' ta bay Ashima, oo gixsár Samaria, iwa kaahiya', ‹Ar adoodá' munguú Dani ir daadeér,› nee ‹Ar adoodá' munguú Ber-sheba ir daadeér,› mukwí i huuhu'ún, iri baloó sihhiitiiká.»

MIKA 1:13

Kuungaásingá' yaamuloouusér Lakishír hoot, gaardaá slaqwara farsuú isláhh ti tsege'. Asma kuungá' tlakweemaá múk Israeli ina alealusé', nee múk Siyoni kuri tlakweemár eeré' sleeme.

MIKA 1:5

Tí sleémeero i tleehharút as dakuúsár múk Yakobo nee as tlakweemaá múk Israeli. Xáy, dakuúsar múk Yakobo a milá? Ahaá, a gixsar'ín tidá' ur ar Samariároke? Xáy, tlakweemaá múk Yuda a milá? Ahaá, a gixsar'ín tidá' ur ar Yerusalemuúwoóke?

NAHUMU 3:11

Kiíng sleeme an oonít tari puungahhamút, tam dír guwaay kari leelehhít as wakuuseerók.

Luka 23:30

Nee qoomaadae muu tlom'i gi bay, ‹Atén ti i hue',› nee dindirma' kay bay, ‹Atén ti tuntuke'.›

DABE 9:21

Gadaádá' tlaakw, damaadá' taa tlehhé', ana daá/ ar asla, ngiri tuu'uút, ngiri xoósl, tari adór teeri, teeridá' ngiri kwaáhh baraá duxuudá' gawaá tloomaadá' wa wa/amiím.

Geehhoeemaá 6:16

Inooín tari tseé' ar afór ur, dír tlom'i nee dír tla/u, ta kaahi, «Atén ti harahue', atén ti lu/e', dír geeraá gitsee/aá kudá' aa iwiiti gawaá kitangwduú aleesleemu, nee dír xarasleemaá Deelmoó bee/iro.

Geehhoeemaá 9:6

Qoomaadae muu gwa'ara ga fitlín, ala ka baloó ariiká. Nee inooín ka ilatleeruus tawa qatli, ala gwa'ara gi ilagóp.