HOSEA 10:5 - Biblía Axweesantá Hhohho' ar Mungú 2004

⁵ Yaamuloouusér Samaria in daaraxát as damaadár baraá Bet-aweni. Inooín tari tsuunqumiis as damaadá', kaahamuusér damaadá' ga sluufmiis iri /aa/amiín, as xirfuú damaadá' kuwa hingeés.

HOSEA 10:5 Iomraidhean Croise

2 WAAWITÁ 10:29

Ala inós tlakweemaadaá Yeroboamu garmoó Nebati gina eehár, kudá' múk Israeli nguwa baraá tlakweemáy dahaás. Inós ina kumiít murslaaqatuú dama oo sahaábu nguwa sluufmiisi, kuduú baraá Beteli nee baraá Dani.

2 WAAWITÁ 17:16

Hara'ayár AAKOÓ MUNGÚ, Munguúín sleémeero ngina si'iyé', nee murslaaqataá tsár ngiri tleehhiyé' ar slaqsa'aá damaay, as tawa munguín, slám slaqsoó munguú /ameeni kuduú Ashera nguna tleehhiyé', nee tsatse/uú doori nguri sluufmisiyé', nee Ba'ali nguri sagadiyusiyé'.

2 WAAWITÁ 23:5

Inós kaahamuusér murslaaqat gana hingeés, tidá' aáng waawituú Yuda aa qaás as mooyángw tsuú' kuwa da/aa/an gawaá kiteeridaá gawaá gongoama', kudá' baraá gixsadaá Yuda nee awa baraá yaamaá Yerusalemu sleémeerowo, kudá' sleeme mooyaangw ngwa da/aa/ane' dír Ba'ali, nee tsee/amá, nee slahhaangw, nee tsatse/uú urén, nee tsatse/ sleémeero kuduú gawaá doori.

2 QOM'I 11:15

Yeroboamu kaahamuuseerós gana tsawaár ar gadiyuus wa/ameedár gawaá gongoama' ar munguaá hatlá' kiwa sluufmiisi nee neetlaameero nee slaqsa'aá damaay.

2 QOM'I 13:8

Hamí daxta kuungá' ka xua' waawuti'iimár AAKOÓ MUNGÚ ila/aro aqo alesleerá'a, tidá' inós aa xwaylár Daudi haniís, asma kuungá' slaqwaruusér yaariir a koondá' nee slaqsa'aá damaay kudá' Yeroboamu aa tlehhiít ar sahaábu tawa munguihúng.

ISAYA 46:2

Kuungaá mungui aga huhu'uundé' dinkwaárií ale, kuungá' munguiihúng awa murslaagat /iisaro i aleesleera'aaká, ala kuungaá kilá' tundu huuw baraá loohaay.

HOSEA 13:2

Hám daxta tana ak kumiít tlakweema tlehhtuuwo, inooín munguú slaqsaay kway tleéhh ar peésa. Heé fuqurángw koóm slaqsaywí guna tleéhh ar peésa. Muruuwí sleémeero kuna tleéhh nee heé kwahhór baál, tari oó', «Ilahhooár muruú ta tsu/i dír muruuwí ti hanmisé'.» Muu slaqsi'iidá' mungui ngiri ma'amisiyé', kudá' taa tleéhh ar slaqsoó dama.

HOSEA 4:15

Tam kuungaá Israeli a fuquuseero, ala múk Yuda tlakweema mingiwa tleéhh. Kuungá' ma tlawaara' ay Gilgali, tam ma tsa/amaara' ay Bet-afeni, sleeme umuú Aako mu lo'órár huwahuwaara' tawa kata', «Ar adoodá' AAKOÓ MUNGÚ ir hotaatin.»

HOSEA 5:8

Xareemi ufaahhaak baraá Gibearo, tarumbeéta baraá Ramaro. Uui tleereesaak baraá Beti-aweniro, múk Benyamini wakuuserhúng hanoos aluuhúng.

HOSEA 9:1

Ma qwalaala/aara' aá múk Israeli! Ma adór múk xoordaá hatlá' wa qwalaala/aara'. Asma adoosíng kuungá' AAKOÓ MUNGÚ kuwa sié' ana daté' baraá fuqi. Slaasláwár fuqi kari ilatleerusé' umuúqo dír tawa balángw slahhana.

HOSEA 9:11

Xirfuú múk Israeli i adór tsir/ír wa tláy iri sawees. Na/ii ki laqwaliiká, /ameenír tsiiháy i kaáhh, laqaá tam /ameenír tsih i káhh.

AMOS 3:14

Bál aníng múk Israeli bur muúx daanduú tlakweemaine, aníng kitangwduú ilahhooa oo baraá gixsár Beteli un hhitiím sleeme. Xareemaá kitangwdá' sleémeero ngiri yaamií slaáx.

SEFANIA 1:4

«Aníng dakw'eé' un tleés gawaá Yuda nee gawaá yaamuloouusér Yerusalemúr hoot sleémeero. Meetodár Ba'ali an hhaamiís as miwa geehhoouúr diirihe, nee munguúdá' ta bay Kemari dinkwa nee kaahamuuseerose.

Tlehhema'aá ya/Abuuse 19:27

Gawaá adoorihe gadiyeérén tí i baraá tsaxwá úr i dirí', muu ngiwa waaqaai. Ala a har tí kiloseeká, ala doó hhoohhoó' oo munguúrén kwí úr oo /ameeni Artemi, kuri gaárií xuiiká sleeme. Slám tsaxwa i dayá' awa munguúwí oo Artemi xirfuuwós kuwa hhitin, inósuudá' ta sluufmamiisi nee muu sleémeero oo baraá yaamaá Asia, tam múk baraá yaamu sleémeerowo.»

YOSHUA 7:2

Yoshua muu guna ya/aáw amór gixsár Yerikór wa ale ay amór yaamaá Ai, gixsadár bihhaá da/aáw awa Beteli, ar iisaapoó Bet-aweni, inooín giri báy, «Tlawsé' yaamuudá' tsawtsawuusare'.» Inooín tari tláy gixsár Ai ngiri tsawtsawuusiyé'.

HAR'OHUUSE 18:24

Mika iri oó', «Kuungá' munguiidá' aníng naa tleéhh ina ar tleeré' dinkwa nee kaahamusmo, ala gár aníng ni koom a milá? Slamí án kuungá' adór ir yaahasa' a adoomá?»