HOSEA 10:2 - Biblía Axweesantá Hhohho' ar Mungú 2004

² Inooín a al/aymuuse, hám daxta adór kis hariím ngi slayá'. AAKOÓ MUNGÚ kiteeri'ín kudaá ilahhooa gin yaamií daahh, uheemidá' giri fee/.

HOSEA 10:2 Iomraidhean Croise

1 WAAWITÁ 18:21

Aluuwo Eliya iri tseewúy dír muu sleémeero, guri báy, «Kár kuungaáká' ta aftsaderarinda' baraá inslawayhunge ay xaylá? Gám, bar AAKOÓ MUNGÚ an Munguú ló', eeharaak, ala Ba'ali bar an Mungú, gimsé', eeharaak sleeme.» Ala muu axweesantadá' gaa tlaxwiiká, ina xasliít.

TI'INAANGW 23:24

Mungui'ín mi i tumbarara'amitara', sleeme mi sluufmisuú awaara', laqaá tlehhmi'ii'ín mi eeharara'. Ala inooín na hhaamiisaak, nee uheemii'ín sleémeero na geqaawaak.

AXWEESANOÓ SAGALOOA 11:18

Heé tlaákw baraá tlakweemaawo slaasláwár kumiit ga slayká; Ala heé hotaawós ganaa'á' slaasláwár ló' ga sláy.

ISAYA 44:18

Mukwí gár i xui i káhh tam gár i tsatsahhana'. Asma ilaaín kaa gumamaá' as adoorí i xumisiaaká, fuquraangw i kaahh as adoorí gár i tsatsahhana' i káhh.

YEREMIA 43:13

Inós uheemidaá inslaslaangw awa baraá Heliopoli, kudaá baraá yaamaá Misri gin giqáy, nee maraydaá baraá yaamaá Misri nee maraydaá munguaá yaamaá Misri giri hhaamiis ar asla.› »

ESEKIELI 14:5

Aníng múk Israeli u mune kwatiít as aníng iwa i ki/iya', asma inooín taa saweés dir'eene as slaqsi'iidá' mungui ngiwa sluufmisuú ayé'.

HOSEA 12:11

Tam hamí munguaá hatlá' ki sluufmiis baraá Gileadiro, mukdá' sleémeero gi sluufmiís ku hhaamiis. Ala tam hamí damaay ki ilahhooár muruú ta tsú/í hanmiis baraá Gilgaliro, ala kiteeridaá ilahhooa ki ufér tlaa/e tleehh baraá hha'aá qamuuwo.

HOSEA 13:16

Múk Samaria doohhór tlakweemaaín ga sláy, asma Munguín ngwaa aahhiyé'. Inooín ki daasl ar paangadu, na/ii'ín awa qaweero kin naasaasúy, nee /ameenar'ín ar tsiihaawe kari gur'e posl'omiis.

HOSEA 3:4

Asma múk Israeli deelór yaariire i waawutmoó kon'aaká, laqaá heé úr, laqaá ilahhooár muruú ta tsu/i, laqaá /aampa, laqaá naifeéra laqaá tam slaqsa'aá munguii'ín.

HOSEA 7:8

Múk Israeli aa haragwaá' amór múk xoordaá hatlá'. Inooín a adór mukatmoó taa warqeesiiká.

TLAHHOÓ LAÁWI 26:30

Dirhúng tidár firo ar gawaá gongoamo an hhitiím, kiteerihúng kudaá ilahhooa in feé/, nee kudá' mooyángw tsuú' tleemis, nee tu'uuhúng ngiri kwaáhh gawaá daanduú tuaá murslaaqatuhúng, qeeruueé' kuungá' nuri ló'wa aahh.

MIKA 5:13

Aníng slaqsi'iiwók kudaá mungui ta haratlintaati' in hhitiím, nee uheemiiwók kudá' tlaa/e ayaahúngií diriiá' i hingeés. Kuúng gadiyér dabaawók a malé harahhifká.

SEFANIA 1:5

Mukdá' looa nee slahhaangw nee tsatse/ ngi i tumbarara'amiitá' gawaá daandeemaá maray'ín wa alé un qwaareés, nee kudá' ngu i tumbarara'amiitá' iwa lo'ór /ayiya' ar umuú AAKOÓ MUNGÚ, bartaqae i lo'ór /ayiyá' ar munguú lama oo ta bay Milkomu.

SEKARIA 13:2

AAKOÓ MUNGÚ aleesleemusmo i kaahi, «Baalaadár kilae aníng slaqsi'iidaá munguaá hatlá' in amór saáwí kwaáhh baraá yaamuwo, baraá inslawoó muko niri gunqaruutiyá', slám aaruusér lama an guús baraá yaamuwo nee qeeruú tlaakwe.

Matayo 6:24

«Heé daqaarér tsár sagadiyeede ga aleesláw i kaahh, asma kooko gun aahh, kuqá' gway slaa'. Laqaá nee kooko tin oohiyá', kuqá' gway waaqaa'. Mungú nee daqaari'iima tsaraawo kiwa sagadiyusa' i aleesleera'aaká.»

Luka 16:13

«Heé daqaarér tsár i lawaali'iitaro ga asláw i kaahh. Asma kooko gu aahh, kuqá' gway slaa', laqaá nee kooko ti oohiyá', kuqá' gway waaqaqaa'. Mungú nee daqaari'iima i lawaali'iitaro i aleesleera'aaká.»

Yakobo 1:8

Asma inós a heé badu tsár oo baabaqaamiís baraá lohuduuwós sleémeerowo.

Yakobo 4:4

Kuungá' fuquúse, kuungá' kaangwí u xua'aakáhe? Hee bar mulqumoó múk aa haratlintii'iiká, inós a wakusmo dír Munguhe. Gawaá adoorihe heedaádá' mulqi'iimár tlehhiít dír múk aa haratlintii'iiká, inós tin wakusmoó Mungú tlehhiit.

1 Yohana 2:15

Yaamu mi sla'aara', tam muruú baraá yaamií dirií'. Hee bar yaamu gaa slaá', sla'aarír Baabá baraawose i káhh.

1 SAMUELI 5:4

Looaytleerose matlaatleero tawa tláy, naxés! Dagoni aa male gurúr huú' yaamií ale, dír geeraá sandakmooduú AAKOÓ MUNGÚ, nee ságw Dagoni nee kunda'aá dabaawós tsaraawo naa tsatimitiyé', i dír duuxutmo. Slaqwtá Dagoni kilós ina mét.