HOSEA 10:14 - Biblía Axweesantá Hhohho' ar Mungú 2004

¹⁴ Gawaá adoorihe slaqwaruuse ni haratleér amór mukók, nee maraywók kudá' koo/i gawden kiri yaamií hhaaf, adoodá' Shalmani Beti-arbeli ngira yaamií hhaáf bál slaqwaraaro, ín aayo kiri nakaa/arúy dinkwa nee na/ii'ine.

HOSEA 10:14 Iomraidhean Croise

IIMU/UUNGW 32:11

Án kuúng u firiím, ba/amisáng daxta baraá dabaá hhiyaaeé' Esauwo. Asma án inós u da'ayumiiít tiwa haramuki, nee sleémeero tiri tsuu/, ín aayo dinkwa nee na/iiwo.

2 WAAWITÁ 17:16

Hara'ayár AAKOÓ MUNGÚ, Munguúín sleémeero ngina si'iyé', nee murslaaqataá tsár ngiri tleehhiyé' ar slaqsa'aá damaay, as tawa munguín, slám slaqsoó munguú /ameeni kuduú Ashera nguna tleehhiyé', nee tsatse/uú doori nguri sluufmisiyé', nee Ba'ali nguri sagadiyusiyé'.

2 WAAWITÁ 17:3

Waawutmo Shalmanesa oo Ashuru guna i haraatláy, Hoshea iri sagadiyusmoó Shalmanesa tleehhiít, ohme gari hanmiís.

2 WAAWITÁ 18:33

Xáy, baraá munguaá xoordaá hatlae awa muk'ín ngwa /iisiyé' i dayá'a gawaá dabaá waawutmoó Ashuruwo?

ISAYA 17:3

Koo/idá' gawden ar Efraimu i hhaán, nee waawuti'iimár múk Damasko i qwát, múk Aramu oo aa meet kuri niqín adór múk Israeli. Anuú AAKOÓ MUNGÚ Aleesleemusmo tí án káh.

ISAYA 33:14

Múk tlakuuse i da'ayumiit baraá Siyoniro mukdá' Mungú gu ilaiwawa/aaká i daaraax nee ta kaahi, «Baraá tla/agwrene heé qiítl dír asltá /ayiima, baraá tla/angwrene heé qiítl iwa iwiiti dír asltá baloó gwa'aaká.»

YEREMIA 13:14

Inooín in kilooín haraa'awísh, ín baabá nee na/ii, i baloó gurtlawaaká, i baloó mawaaká sakwasleemaro, laqaá i baloó gurtlawaaká, aqo in hhaamiís.› »

YEREMIA 48:41

Gixsaduín ki hayoh nee ku/er'ín tidá' gawden ka hhaaf. Baalaarihe munér pihhuusér Moabu tari adór muunuú /ameenír dír asltá xwayla.

HOSEA 10:15

Aá múk Beteli, adoorí an adór tindi kuungá' i tleehhi, as tlakweemaahúng kudá' yaariir. Qoomár looa birni tlatleér waawutmoó Israeli ku suqtis.

HOSEA 13:16

Múk Samaria doohhór tlakweemaaín ga sláy, asma Munguín ngwaa aahhiyé'. Inooín ki daasl ar paangadu, na/ii'ín awa qaweero kin naasaasúy, nee /ameenar'ín ar tsiihaawe kari gur'e posl'omiis.

AMOS 3:14

Bál aníng múk Israeli bur muúx daanduú tlakweemaine, aníng kitangwduú ilahhooa oo baraá gixsár Beteli un hhitiím sleeme. Xareemaá kitangwdá' sleémeero ngiri yaamií slaáx.

AMOS 3:8

Diraangw bira aáhh, xáy heé da'ayumitaaká a heemá? Aakoó MUNGÚ, Mungú aa axweés, xáy heé kaangwí gu ooaaká a heemá?

AMOS 9:5

Aakoó MUNGÚ Aleesleemusmo, kudá' yaamu gi kwatiít, niri weeqiyá', nee kudá' sleémeero baraadá' hootá' nay tsuunqumiisiyá', yaamu niri sluufiyá' niri /aaruyá' adór ma'aá yaaér Nili ar yaamaá Misri.

MIKA 5:11

Aníng gixsadaá yaamuuwók i hhitiím nee gixsaduuhúng kudá' koo/i gawden in daáhh.

NAHUMU 3:10

Tam adoorihe kana ar tláy amór saáwí ale, mukós kuri ar tláy baraá lawaali'iima, na/iiwós kudaá qaweero kina tlumhhumamiís baraá lohdaá uren, mukós kudá' ta ilaiwawa/i kuna tlaxún, nee mukós kudá' urén sleémeero kuna tsegiít ar qutúr.

NAHUMU 3:12

Koo/irók tidá' gawit sleémeero tay adór /aantsír geeraawo aa hamat, ala qoomár barka diingiís in páhh gawaá afkú heé ga /aáy.

HABAKUKI 1:10

Inooín waawitá ngun niqiná', nee múk urén kuri harneet, koo/ír gixsa dir'ine a gár waaniqaay, ngin hhapeérí dalaa/iyá', gixsadá' kari hayoh.