HOSEA 10:13 - Biblía Axweesantá Hhohho' ar Mungú 2004

¹³ Ala kuungá' tlakweema in ar hotatiindá', sakwasleemár ganaa' kari qwaaresé', lameemoohúng nuri saki/iyé', asma /uureemoohúng ina harahhifé' nee miguuserhúng tidá' yaariire.

HOSEA 10:13 Iomraidhean Croise

YOBU 4:8

Adór aníng ngir xua, heé baraá slafiingose tlakweema nee muruú slasla/arén tleehhaahhiít, gár i slay baraá slafiingose aqo muruusuú kilá'.

WARA'AMI 33:16

Waawutmo i baalinká as yaareemaá slaqwaruuseerós, slaqwarusmo ti tu/iiká as iwa /uuruú kon.

WARA'AMI 52:7

«Ga/aawaak, laatí heewí an kudá' Mungú gwa dír guwaywós tleehhiiká. Ala aqo har daqaari'iimarós gana harahhiíf, nee diihhooa gari baraadá' wa leelehhiít.»

WARA'AMI 62:10

Harahhifoorók ma qaasaar baraá muruú hara/uuntsa, laqaá ma daara/aamaar ar daqaari'iimár fiiso, daqaari'iima bira tláhh, muunaáwók munguwa hayót.

AXWEESANOÓ SAGALOOA 1:31

As adoorí mamaá gadiyérhúng i /agá', gur'erhúng iri tlaanduumít as al/aymarhúng.

AXWEESANOÓ SAGALOOA 12:19

Axweesantá ló' i baloó qwatká. Ala axweesanoó lama oo qoomár niina.

AXWEESANOÓ SAGALOOA 13:2

Heé hhoó' baraá axweesanaywós oo hhoe, hhooeema gi sláy, Ala ilatleerír al/aymusmo a xarasleema.

AXWEESANOÓ SAGALOOA 19:5

Lamabu'usmoó lamusmo ku pa/asiiká muxtaaro, tam heé lamusmo gar /uyká.

AXWEESANOÓ SAGALOOA 22:8

Heé tlakweemaá dahaasiím hhituru'uuma gan bu'ún, nee xarasleemaawós kin giqáy.

DAHARUSMO 9:11

Aníng ana malé ár barakaá yaamuwo, múk arba/ati ga slasláw baraá ti'iingo, a kudá' gu baalaaká. Baraá slaqwaraaro múk balaaliím a kudá' /uuruú koomaaká. Múk muruú /aymár koóm a kudá' sagaloeneeká, laqaá daqaare a múk fuqureraá koomaaká, laqaá daharusmo a geeraharusmowooká. Ala umuú heewo gitsee/a gi kón nee qoomaaro.

ISAYA 17:11

Tam geera u ureemisa'a looár wák ale, tam i /ayuusi matlaatleedá' kwa dahaás ale, tam adoorihe balangwhúng in tawo faak, baalaadár qwanayhunge, tidá' slahh'amuuhúng kuwa baloó tse'eesiiká.

HOSEA 11:12

Múk Efraimu iga lamtár gaás, nee múk Israeli a al/aymuuse, ala Yuda tam hamí in tawo babaqaamiis dír Munguhe, dír inósuudá' hhoohhoó', kudá' inkihhím.

HOSEA 4:2

A har lo'o nee lameemo tlaqa, nee tsu/uta nee fiiso nee fuqi, nee digeemi fe/it nee tsu/utár muu.

HOSEA 4:8

Tin /aymisiyá' ar tlakweemá muk'eé'. Tin mune qwal/amisiyá' ar tlakweemaaín.

HOSEA 7:3

Waawutmo ngun qwal/amisiyá' ar tlakweemaaín, nee muk'ín oo urén ar foluuín.

HOSEA 8:7

Asma inooín gár ta dahamiisi a fur'a, inooín gár ta bu'un a bambaao. Hhaansli i balaalír koondaaká, balangw'ín i wa'amír konká, sleeme i puuruú konká. Ala tim i laqwaali, a dahaaye gun /ák.

1 SAMUELI 24:14

Hám kuúng waawutmoó Israeli heé ta slakat as kuwa gaasár wa sla' a heemá? Gár ta slakat a seeoó aa gwaái, laqaá kwasimo?