HOSEA 10:12 - Biblía Axweesantá Hhohho' ar Mungú 2004

¹² Hotaá ganaa'á' ar hootaak, sla'aarír warqawaaká ka sleerá', slafingwhúng amohhe'eesaak, asma qoomaarí an qoomár AAKOÓ MUNGÚ kuwa leelehhita', as kahhó' inós niwa hardihi, nuri geerahaar baraá hotaá ganaa'á'.

HOSEA 10:12 Iomraidhean Croise

WARA'AMI 105:4

AAKOÓ MUNGÚ leeleehhaak nee /uuruuwose. Adór inós kuwa tseéw umuú daqto dirhunge na leelehhiitaak.

WARA'AMI 72:6

Inós ni aweeri adór tluwaay gawaá tsaaroó taa tsaát, adoodá' baafáy ir baafi gawaá yaamií ale.

AXWEESANOÓ SAGALOOA 11:18

Heé tlaákw baraá tlakweemaawo slaasláwár kumiit ga slayká; Ala heé hotaawós ganaa'á' slaasláwár ló' ga sláy.

AXWEESANOÓ SAGALOOA 18:21

Gwa'ara nee slafiingw baraá tsifraango i dayá', Múk kangós slaá' ngu slayá' oo bu'uút.

DAHARUSMO 11:6

Matlaatleero dahaasingók dahaaseek, tam tsiindoowo mu mawaar. Asma dahaasíngw ti'iít u xu'uká tam oo matlaatle laqaá oo tsiindo, laqaá sleémeero ni ti'iit.

ISAYA 30:23

Mungú tluwaay nguri haniis oo kuungá' tar dahasiinda', balaangw kuri sleerá' oo tindi hamareesi nee yaamu, balángw yaariír nee oo bu'uút. Baalaadae hikwaahúng sleeme qawór yaariir ngi slayá'.

ISAYA 31:1

Tsaxwaaín mukdá' Misrirí alee/isoó firór aa'áw nee kudá' farasuú harahhifafiít. Mukdá' gaardaá slaqwara ngi harahhifá' as kiwa yaariír, kudá' múk farsuú i tsa/a/ám gu harahhiíf as tawa múk /uureemaá koóm. Ala Kudá' Hhoohhoó' oo Israeli ngu i qaytsimiitiaaká, tam sleeme AAKOÓ MUNGÚ ngu yaahamiisiaaká.

ISAYA 32:20

Kuungá' a múk amohhoó' asma an dahasiindá' dír ma'aay i dirii'iya', hikwaahúng nee daqwayerhunge in hi'iimitiyá' ar adór ni slaiya'.

ISAYA 44:3

Aníng ma'aay i ku'uús baraá yaamaá naa waxitiye', nee duxe an wa/ás gawaá yaamaá kaahaar aníng qeeruueé' un haniís dír xwaylarhúng nee xwaylarhúng ngari tsuúq.

ISAYA 45:8

Kuungaá doóri, gáwtá wá tluwaaré' huunkáy hotaá ganaa'á' ngi paahhamiisi, yaamu i gweeritiye' ba/ama ngi huwiye' nee hotaá ganaa'á' ngi duuxiye'. Aníng a AAKOÓ MUNGÚ kudá' muruuwí gwa tleehh.

ISAYA 48:18

Hám geera a tsiní bar hara'ayar'eé' aga iiárií qasé'. Daqaní wayduú yaariír u sleerá' adór ma'aá yaae, geera hotaá ganaa'á' dirhunge tay adór gwaanduú ma'aá tlawi.

ISAYA 5:6

Aníng inós an xaanxaay tleéhh, sabiíbuuwós ku alkwasliiká, laqaá ku kakanusiiká. Fuquráy nee laqayaawo ngun alti'iitiyá'. Huunkáy u ádbáw, miwa gawaawósí tluúw.»

ISAYA 54:14

Hotaá ganaa'á' in ar hotaatiín, kiíng ti sawees dír baramaaniro, nee dír dae tlaquuwo, ma da'ayumitaar gár kiíng i harasaap i káhh.

ISAYA 55:6

AAKOÓ MUNGÚ leelehhitaak qoomaarí iwa deér firirimaak qoomaarí kuwa tseéw.

YEREMIA 50:4

AAKOÓ MUNGÚ, Munguú Israeli i kaahi, «Qoomaadae nee daqtadae, múk Yuda ta buruumburiit dinkwaárí ale nee tari kii/ ar /aa/e tawa anuú AAKOÓ MUNGÚ, Munguúín leelehhiiti.

ESEKIELI 34:26

«Aníng ngiri hootiís bihhaá tloomar'eé' tidá' hhoohhoó' wa ale, nee nguri tsuúq. Tluwaay nguri huúw ar qom'aá hariimá', nee tluwaaywí a tluwoó tsuuqaá koóm.

HOSEA 12:6

Ala kuungá', ki/é' amór Munguúhúng, sla'aari nee gan'amu aldakuutaak, nee Munguúhúng harahhifaak umuúqo daqto.

HOSEA 14:1

Aá kuungaá múk Israeli, amór AAKOÓ MUNGÚ, Munguúhúng, nay ki/aak, asma aga dukutsé' as tlakweemaahúng.

HOSEA 6:3

Atén AAKOÓ MUNGÚ ku xuaán nee ta kumiitaán kuwa xuaan, hardahamuuwós i pa/iiká adór matlaatle. Inós tin adór tluwáy wá i hardah, adór tluwoó laweei yaamu ngir i tlubaabin.

HOSEA 8:7

Asma inooín gár ta dahamiisi a fur'a, inooín gár ta bu'un a bambaao. Hhaansli i balaalír koondaaká, balangw'ín i wa'amír konká, sleeme i puuruú konká. Ala tim i laqwaali, a dahaaye gun /ák.

AMOS 5:15

Tlehhma'aá tlakw aahhaak, awa hho' sla'aak, sakwasleemár gan'amu tleehhaak baraá tlahh'iihúng awa kwasleemaro. Doóqa AAKOÓ MUNGÚ, Munguú Aleesleemusmo guruuwós i tláy as panoó múk Yosefu.

AMOS 5:4

Kuungaá múk Israeli, AAKOÓ MUNGÚ nun babay, «Aníng leelehharé', daqaní a slafá'.

AMOS 5:6

AAKOÓ MUNGÚ leelehhaak, daqaní kuungá' a hotá'. Bar adooriheeká inós i pu/uut baraá doó Yosefu, adór asltá wa alé, nee nuri hhaamiis, tam heé nu /iís iri qwaar, baraá yaamuloouusér Beteliro.

AMOS 5:8

Kudá' tsatsee/ír Kilimía nee ar Orióni gaa tleehh. Kudá' ma/ami gaa matlaatle tleehh. Kudá' tlatla/aangw gwaa giwti tleehh. Kudá' ma'aá tlawi gaa burumbuur dinkwaárí ale giri ku'uús gawaá daanduú yaamu, umuuwós an AAKOÓ MUNGÚ.

Luka 13:24

«Ilakaaharu tleehhaak tawa data' ar afkú iiraákw. Asma án a kah, awa yaariir dahmu ngu leelehhiyá', ala ngu aleeslay'aaká.

Tlehhema'aá ya/Abuuse 2:18

Ala deeloodae án Qeeruueé' u haniís sleeme dír sagadiyuuser'eé' ar hhawaate nee ar /ameena, nee inooín tari aarirín.

2 korinto 9:10

Mungú kudá' dahaasiingw gu hanmiís dír dahaasusmo, nee oo mikaáte ga hanmiís as /ayma, inós dahaasiingw ngu amorhúng i haniis, nee balangwdá' guri ureemiis. Slám inós bu'uungw guri dook as kahhó' kuungá' múk hatlá' alee/iisaro kuwa aleesleera' ar bu'ungwdá'.

Yakobo 3:18

Mukduú loo/ír qamiím ar wayda, gadiyér'ín gár i huwahup a gan'amu.