HOSEA 10:11 - Biblía Axweesantá Hhohho' ar Mungú 2004

¹¹ Múk Israeli a adór awuú taa intsaahhatisa hhe'eés oo balaangw kal/aango gu slaá'. Ala hám aníng istós tidá' hhoohhoo' an taaqwantí tseék. Múk Yuda i doosl ar kurmo, múk Yakobo kurmoó kakaani gun uuruux.

HOSEA 10:11 Iomraidhean Croise

ISAYA 28:24

Heé doósl as iwa dahaasin doosla gaqo tawo laaláya? Qaymo gaqo tawo doósli wa'aá tsare iri malé kii/.

YEREMIA 28:14

Anuú AAKOÓ MUNGÚ Aleesleemusmo, Munguú Israeli an kah, ‹Aníng taaqwantá muqsli ar lawaali'iima aga qaás gawaá isaá xoordu sleémeero, inooín waawutmo Nebukadnesa oo Babuloni ngu sagadiyusiyá'. Slám ugwa makaá slá/tí haniís as ngiwa sawaawuti'in nee nguwa sagadiyuusiya'.› »

YEREMIA 46:20

Yaamaá Misri a adór damár buka, ala seehhamoó /iikú daáhh gan kiihh.

YEREMIA 50:11

Kuungásingá' aalir'eé' hayoohimá', tam qwalaala/aa'a tam bara/a'a, tam /an/anusa'a adór bukár baraá gitso, tam aahhamiinda'a adór farsuú yaqaambe,

HOSEA 11:4

Aníng ina geerahaár ar gurtleemu, ngiri uuruúx ar sla'aari, taaqwantadár gawaá isooín ngiri hingeés, aníng ana xupuú' ngiri /aymiís.

HOSEA 2:5

Asma aayor'ín tsaatu'uuma gaa tléhh, tidá' inooín gaa tsit, muruú alsi'ím guna tléhh, asma ina ó', «Aníng nee mulqer'eé' an alhi'iimitaán, kudá' i muruú /aymár i slaslaawá' nee ma'aay, nee tsitaay nee di/i nee xuftaro.»

HOSEA 3:1

AAKOÓ MUNGÚ ina báy, «Tláw malé ale, /ameenír hhawaatuú hatlá' i slai slaeek, inós a fuquso'o, asma adoorí an adór AAKOÓ MUNGÚ múk Israeli ngura slaá', inooín tam ngwaa geexay'i munguaá' hatlá' ngiri i warqayé', nee ngiri mikaátér sabiíbuú kaaharén i hanmiisiyé', aluuwo inooín mikaáteedá' ngiri haayusiyé'.»

HOSEA 4:16

Asma múk Israeli aa sagagawdúy, adór tsa/atmoó gwaréhh. Hám daxta AAKOÓ MUNGÚ de'eengo gi aleesláya adór deeloó bee/ángw baraá hindawtá ur?

HOSEA 9:1

Ma qwalaala/aara' aá múk Israeli! Ma adór múk xoordaá hatlá' wa qwalaala/aara'. Asma adoosíng kuungá' AAKOÓ MUNGÚ kuwa sié' ana daté' baraá fuqi. Slaasláwár fuqi kari ilatleerusé' umuúqo dír tawa balángw slahhana.

MIKA 4:13

Mungú i kaahi, «Gimsé', kuungá' múk Siyoni, sihhiité', wakuuserhúng muxaak. Asma aníng kuungá' nu /uurií haniís tay adór awuú xareemiiwós adór muqsla, nee funqaáruuwós adór muqslír sirdaa/aat. Adoorí an adór kuungá' xoordaá yaariir kir bala'. Haasánguín kudá' naa baraá slaqwarár wa slayé' kuungá' ngu hubá' amor'eé' alé, nee daqaari'iimar'ín ngi hubá' amor'eé' as tawa te'eé', anuú Aakoó yaamu sleémeero.

Rumi 16:18

Asma múk adór kwí Aakoorén Yesu Kristo gu sagadiyuusiiká, ala a gur'er'ín kilós kan sagadiyuus. Inooín múk hhaawuuse ngun al/aginá' ar axweesanay'ín oo tsatsaa'arén nee oo sla'atimís.

DABE 25:4

«Awuú balángw adaráh as nguwa pur/umiisi mu afaá tseegaar.