HOSEA 10:10 - Biblía Axweesantá Hhohho' ar Mungú 2004

¹⁰ Aníng a daqáw amór mukwí nee nguri muúx. Xoordu nin burumburitiyá', inooín kiri i haratláy, kiri muux as tlakweemaaín kudá' naa harwaraahhiye'.

HOSEA 10:10 Iomraidhean Croise

1 WAAWITÁ 12:28

Alaá waawutmo kaangwí nguwa gurií axweemaamiís, slaqsa'aá tsár giri tleéhh ar sahaábu. Muu guri báy, «Kuungá' awa múk Israeli, qaytsité', munguihúng kudaá na baraá yaamaá Misrír wa duuxiye' a kuká'. Gimsé' gár tas Yerusalemúr kakeera' i káhh.»

YOBU 39:10

Xáy, a aleesleéra ar wák kawa himúr tsek kari ar dósl? Laqaá inós i ya/aánda kurmo nguwa ar dosl?

ISAYA 1:24

Gawaá adoorihe, Aako i kaahi, AAKOÓ MUNGÚ Aleesleemusmo, kudá' wák /Uuruú koóm oo Israeli, «Aníng wakuuser'eé' an i xaraásl, nee wakuuser'eé' ngay li/áy buú'!

YEREMIA 15:6

Anuú AAKOÓ MUNGÚ a kah, «Kuungá' aníng iga sié', aníng iga geexeeré', tari alií ki/é'. Aníng kuungá' nay hhaamiís, asma aga slahhaá' kuungá' gurtlatlaango.

YEREMIA 16:16

AAKOÓ MUNGÚ i kaahi, «Ga/aaweek, aníng múk yaariír oo siyoó ohiím ngu tleés as mukwí nguwa ohin. Aluuwo slakaatuusér yaariir ngiri tleés, ar mukwí gu slakaat gawaá umuú tloomaro, nee gawaá umuú gongoamaawo, nee baraá mar'ór tla/uuwo.

YEREMIA 21:4

AAKOÓ MUNGÚ, Munguú múk Israeli, i kaahi, ‹Sedekía, xosluudá' tar slaqw nee waawutmoó Babuloni nee múk Kaldayo, kudá' ugwa harweeriye' tsee/aá gixsaro, ngin amoorók xu'ús. Aníng xooslaá slaqwarár slaqwaruuserhúng in burumbuúr baraá tla/ángw gixsarí.

ESEKIELI 16:37

Naagáy aníng mulqeerók tidá' sleémeero nee kiíng aga alqwalala/e' ngi burumbuúr, kudá' sleémeero ta sla' nee kudá' ta sla'akahe, ngi burumbuúr bihhe sleémeero as kiíng iwa i haratlaya', aníng kiíng iri /aankwetsiís dír ilaaín wa ale, /aankwetsuuwók nguri ariyá'.

ESEKIELI 16:42

Daqaní muner'eé' aga daanduuwók i faák, da/tadá' daanduuwoge ni koom aga faák, niri xasliít niri malé buhhaaká daanduuwoge.

ESEKIELI 23:46

«Ala anuú Aakoó MUNGÚ a kah, Daqtá múk yaariír ti húp, ki dae tsati nee daqaari'iimar'ín ka hayoohi.

ESEKIELI 23:9

Gawaá adoorihe aníng inós ngiri haniís dabaá sla'aaruuseerós tidár Ashuru, tidá' inós aa ló'wa slá'.

ESEKIELI 5:13

«Adoorí an adoodá' buhhtaeé' nir faakiya'. Aníng muner'eé' daqaní i tsauúr nee muunaáeé' iri qwalaa/. Diirihe kuungá' kari tsahhá' adór anuú AAKOÓ MUNGÚ, nura sakwasleemuút, asma aga buúhh ló'wa ale as kuungá' tawa inkihhimu waslesé'.

HOSEA 10:9

Aá múk Israeli, tlakweema ina tlehhé' iimír tawa baraá Gibea, nee tam hamí a kumaamitá', ar ló' tundu hhaamiis ar slaqwara baraadaá kilaá Gibea.

HOSEA 4:19

Bambaao inooín gi haritlés, inooín kitangw'ín kuduú ilahhooa nguri sa muruutiyá'.

HOSEA 4:9

Aluuwo gár muu gu slaw kaahamusmo gu sleér. Aníng i muúx asma hotaaín awa tlakw nee in buú' ar harqoomoó tlehhmi'i'ín.

HOSEA 8:1

Tarumbeéta ufahhaak! Asma wakusmo i adór gwareesír wá haraatláy amór doó AAKOÓ MUNGÚ, asma alqador'eé' ngaa mayé' nee hara'ayar'eé' ngaa aahhiyé'.

HOSEA 8:10

Tam mulqe ngaa tlaxwi'i baraá xoordaá hatlá' wa ale, ala aníng in haraki/ís ar wa'aá wák. Inooín ki al'iilooúy qoomár niinawe, nee waawutmoodá' úr taa iimbalaáx ar di/i nee geeraharuusero.

Matayo 22:7

Waawutmoodá' iri ló'wa buúhh, daqtá askaári gari ya/aáw, mukdaádá' aa tsu/uut kuri tsuú/, nee gixsar'ín kari daá/.

DABE 28:63

Adoodá' AAKOÓ MUNGÚ ngira slaá' uri dihhooárí haniís, nee uri tlahhás, an adoorír kilá' AAKOÓ MUNGÚ gan slaa' kuúng uwa amotlakweérí huwi, nee uwa hhaamiisi. Kuúng turi hingees baraá yaamuudá' ta aalír eera.