HOSEA 1:7 - Biblía Axweesantá Hhohho' ar Mungú 2004

⁷ Ala múk Yuda u gurtláw. Aníng AAKOÓ MUNGÚ, Munguúín, in ba/amís. Slám i ba/amisaaká ar ga/ale, laqaá ar paánga, laqaá ar slaqwara, laqaá ar faras, laqaá ar múk faras ngwa i tsa/an.»

HOSEA 1:7 Iomraidhean Croise

2 WAAWITÁ 19:29

Aluuwo Isaya waawutmo Hesekia guri báy, «Gaarí an laya diroge, kurkí nee kurkuquú hatlae kuúng balángw ta /ak a kudá' aa kilós ti'iit. Ala bál kurkú tame balaangw un dahasá' nee kuri fiqá', nee sabiíbu kuri dahasá' mamuuwós kiri /agá'.

2 WAAWITÁ 19:34

Eeít, aníng gixsarí a xuúm as daanduú ilaiwa/amer'eé' nee as daanduú sagadiyusmooeé' Daudi, gixsarí a xuúm nee ngiri ba/amís.»

2 WAAWITÁ 19:35

Naagáy xweeradaá kilae malaykamoó AAKOÓ MUNGÚ iri dáh baraá xafoó slaqwaruusér múk Ashuru i diri', múk kume tsiiruú wák nee mibeeri dakaát nee kooán guri tsuú/. Qoomár looa niwa tleér, qatuuwo niwa tláy naxés tu'u naa qaró hhaafmitiyé'.

2 WAAWITÁ 6:18

Múk Aramu niwa haraatláy, Elisha AAKOÓ MUNGÚ guna firín, iri oó', «Aníng kuúng u firiím, mukwí i taampumiti.» AAKOÓ MUNGÚ firo gari axaás, mukdá' iri taampuumiít.

WARA'AMI 33:16

Waawutmo i baalinká as yaareemaá slaqwaruuseerós, slaqwarusmo ti tu/iiká as iwa /uuruú kon.

WARA'AMI 44:7

Ala kuúng an kudá' atén taa ba/amis dír dabaá wakuuseerén wa ale, nee kudá' atén taa aahhiyé' ina amoqwaarés.

TI'INAANGW 14:13

Ala Mose muu guri báy, «Ma da'ayumiitaara'! Ló'wa sihhiité', nee ba/amár AAKOÓ MUNGÚ tidá' ni kuungií tleehhi laarí ka aandá'. Asma mukuú Misri ta ga/eera' laarí, u baloó aanda'aaká malé ale.

TI'INAANGW 14:30

Adoorí an adór AAKOÓ MUNGÚ múk Israeli ngura ba/amís baalaadae dír múk Misriro. Múk Israeli tuaá slaqwaruusér Misri ngiri ariyé' afaá tláwtí ale.

ISAYA 12:2

Ga/aawaak, Mungú an ba/amar'eé', inós un harahhiíf, sleeme a da'ayumitaaká. Asma AAKOÓ MUNGÚ an /uuruueé' nee daa'angw'eé', inós an ba/amusmooeé'.»

ISAYA 30:18

Gawaá adoorihe AAKOÓ MUNGÚ kuungá' nu daamaarán, as nuwa gurtlay. Inós ni tláy as kuungá' nuwa gurtláy. Asma AAKOÓ MUNGÚ a Mungú sakwasleemár ganaa' ga tlehhahhiít. Múk amohhoó' a kudá' inós gu daamaraám.

ISAYA 49:6

i kaahi, «A gár ló'wa niina kuúng tawa sagadiyusmooeé', oo tlahh'aá Yakobo gi gáwtí tleés, nee mukdá' aa meet oo Israeli nguwa ki/is. Ala aníng kuúng sleeme un gwa/aateemaá xoordu tleéhh, as ba/amar'eé' iwa hardat ay ku/uyaá yaamu.»

ISAYA 7:14

Gawaá adoorihe, Aako laya ngi kuungá' i haniis, /amaatliito'o i tsít, na/oó garma gu xwayluúr, nee gu umií tsát gu beer Imanueli.

YEREMIA 25:5

Tunduna babáy, ‹Umuú heewo tlehhimi'iiwós kudá' slasla/aren nee kudá' tlakw ngi may, as daqaní kuungá' tawa hota' baraá yaamuudá' AAKOÓ MUNGÚ naa kuungií haniís, nee baabi'iihúng, iimír aáng wa alé, as kiwa ala' kureerisleém.

YEREMIA 25:6

Kuungá' munguiidaá hatlá' mi eeharaharaara', laqaá mi sagadiyuusara', nee Mungú mu buhhtamisara' ar slaqsi'iihúng, kudá' taa dabaahúngár tlehhé' oo adór Mungú. Kuungá' AAKOÓ MUNGÚ bura ilaiwawa/é' daqaní kuungá' tundu muxiiká.

YEREMIA 33:26

daqaní aníng xwaylár Yakobo nee Daudi sagadiyusmooeé' aga sií', nee heé wák u tsawaaraaká oo xwaylár Abrahamu, nee Isaka nee Yakobo ga sawaawuti'iím. Asma aníng muk'eé' un diihhooárí ki/ís nee nguri gurtláw.› »

HOSEA 1:8

Gomeri Lo-Ruhama ngiwa /oomés, iri tsít, garma guri xwayluúr.

HOSEA 11:12

Múk Efraimu iga lamtár gaás, nee múk Israeli a al/aymuuse, ala Yuda tam hamí in tawo babaqaamiis dír Munguhe, dír inósuudá' hhoohhoó', kudá' inkihhím.

SEKARIA 4:6

Aníng iri báy, «Gaarí an axweesantá AAKOÓ MUNGÚ ar aa oó' dír Serubabeli iwa kaahi, ‹Arba/ati a sleeraaká ar /uuruuwók, laqaá ar aleesleemuuwók kilós, ala an sleér ar /uuruú qeeruueé'.› Anuú AAKOÓ MUNGÚ Aleesleemusmo tí an káh.

1 SAMUELI 17:47

Muu sleémeero laarí oo aa burumburiit gari tsaahh adór AAKOÓ MUNGÚ muu ngur ba/amisiiká ar lawlu nee paangadu. Asma slaqwara ar AAKOÓ MUNGÚ, inós kuungá' sleémeero nun dabaarénií qaas.»