HOSEA 1:5 - Biblía Axweesantá Hhohho' ar Mungú 2004

⁵ Baalaadae baraá xatstá Yerse'eliro aníng slaqwaruusér múk Israeli tam nee /uureemooine in suwawaá'.»

HOSEA 1:5 Iomraidhean Croise

2 WAAWITÁ 15:29

Qoomár waawuti'iimár Peka oo Israeliro, waawutmo Tiglat-pileseri oo Ashuru gixsadaá Iyoni, nee Abel-bet-ma'aka, nee Yanoa, nee Kadeshi nee Hasori dinkwa nee yaamaá Gileadiro, nee Galilayaro nee yaamu sleémeero awa Naftaliwo gina hayóh. Múk yaamuudá' guna haasaáng wá ar tláy ay Ashuru.

WARA'AMI 37:15

Ala tsati'ii'ín kudá' ngin i ki/iyá', inooínadaá kilá', nee ga/alduín kudá' sleeme nay qeqtiná'.

WARA'AMI 46:9

Slaqwara gan har'ohín baraá yaamu sleémeerowo. Ga/aldu nee lawlu gin giqáy, nee gaardaá slaqwara gin da/a/án.

YEREMIA 51:56

Kudá' ga hhaaiís aa Babulonírí hardát, miguuseerós kara tláy, ga/alduuín kaa giqaagáy. Asma Anuú AAKOÓ MUNGÚ a Munguú li/oó bu'uúm, tí ar ló', aníng li/aay u buú'.

ESEKIELI 39:3

Aluuwo ga/aleerók ar dákw doó basáy an geeqáw nee maheeriwók awa dákw doó /iyáy niri yaamií huuiyá'.

HOSEA 2:18

Qoomaadae al'axweesani ngiri oó' nee makaá sla/a nee tsir/ór gawaá doori, slám nee naanagár baraá hhape, as miwa slahh'eesiyé', ga/ale nee paánga ngay geeqáw nee xoslaá hatlá' awa slaqwara ngiri hingeés baraá yaamuwo. Aníng kuungá' nuri tsuúq, tari hotá' ar wayda.

YOSHUA 17:16

Múk tlahhoó Yosefu tari oó', «Ar qoo tsuwa ló', tlom'iiqá' atén tiqo tsuwa buiaaká. Ala xoorór Kana'ani, tidá' baraá xatstá hoot, inooín i gaardaá muqslár koná', tam kudá' baraá Bet-sheanír hootá' nee ayeemoowose, tam kudá' baraá tlapár Yesre'elír hootá' sleeme.»

HAR'OHUUSE 6:33

Qoomaarihe múk Midiani sleémeero nee múk Amaleki nee kuduú hatlá' oo bihhaá da/aáw aa dinkwár i burumburiít, tari waaraáhh gayuú hatlá' oo Yordani, xafay'ín nguri tleehhiyé' baraá xatstá Yesre'eli.