HOSEA 1:4 - Biblía Axweesantá Hhohho' ar Mungú 2004

⁴ AAKOÓ MUNGÚ iri oó', «Umuuwós ku beer Yesre'eli, asma deelór aa met ka ureeká, doó Yehu u hhitiím, asma tseerér aa ku'uús baraá Yesre'eli nee waawuti'iimár doó Israeli an suqúw.

HOSEA 1:4 Iomraidhean Croise

2 WAAWITÁ 10:1

Baraá gixár Samariaro daaqoó waawutmo Ahabu a mibeeri faanqw. Yehu barwito'o gari gooín amór waawituú gixsár Yesre'eli nee dír geeraharuuse nee dír xuumuusér daaqoó Ahabu. Barwito'o gár i kát a tí,

2 WAAWITÁ 10:17

Tawa hardáh Samaria, Yehu múk doó Ahabu sleémeero guna tsuú/, tumu wák gwaa meetisiiká. Inós adoodá' AAKOÓ MUNGÚ a dír Eliyawí oó' gana boo/eés.

2 WAAWITÁ 15:29

Qoomár waawuti'iimár Peka oo Israeliro, waawutmo Tiglat-pileseri oo Ashuru gixsadaá Iyoni, nee Abel-bet-ma'aka, nee Yanoa, nee Kadeshi nee Hasori dinkwa nee yaamaá Gileadiro, nee Galilayaro nee yaamu sleémeero awa Naftaliwo gina hayóh. Múk yaamuudá' guna haasaáng wá ar tláy ay Ashuru.

2 WAAWITÁ 15:8

Kurkú mibeeri tám nee dakaát oo waawuti'iimár Asariya waawutmoó Yuda, Sekaria garmoó Yeroboamu waawuti'iima gana iimu/ún baraá yaamaá Israeliro, baraá gixsár Samaria. Inós baraá waawuti'iimaro slahheeri ngaa /aáy a lahhoó'.

ISAYA 7:14

Gawaá adoorihe, Aako laya ngi kuungá' i haniis, /amaatliito'o i tsít, na/oó garma gu xwayluúr, nee gu umií tsát gu beer Imanueli.

ISAYA 8:3

Aníng niri qaát nee harer'eé' tidár aaruso'o, iri tsít, na/oó garma gway xwayluúr. AAKOÓ MUNGÚ aníng iri báy, «Na/aysíng umuuwós a ‹Maher-shalal-hash-basi.› » (Gídaabaárós a: Gaanslár hayoheek, adaá ar tlaweek.)

ISAYA 9:6

Asma na/aay kwaa xwaylúy as atén, na/oó garma kunguna haniís. Inós aleesleemuú waawuti'iima gu kón. Umuuwós kuri bay, Hara'ayusmoó waa/oo/amo, Munguú /uuruú koóm, Baabuú alhhe'eesay wásl, Waawutmoó Wayda.

YEREMIA 20:3

Matlaatlér looa niwa tleér Pashuri Yeremia guri gweér baraá peehháydá' iloe. Yeremia Pashuri guri báy, «AAKOÓ MUNGÚ kuúng daxta u ateetiiká ar umuú Pashuri, kuúng daxta tun bay, ‹Dae tlaqa umuú bihhiiwo.›

YEREMIA 23:2

Gawaá adoorihe, anuú AAKOÓ MUNGÚ, Munguú múk Israeli a kah, daanduú de'eemusedá' muk'eé' de'ema. «Kuungá' bee/angw'eé' ugwa tlatlahhasé' nee kuri gusisiindé', ala ugwa amohhe'eemisi'iiká. Ga/aawaak, aníng kuungá' nun muúx asma tlehhmi'iihúng kudá' tlakw.

YEREMIA 3:8

Múk Yuda fuqtá múk Israeli kudá' inkihhimu wásl gana ga/aa/áy, inooínaadá' aníng naa sií'. Ala hhaeekaá lamuuse awa Yuda naa da'ayuti'iiká, nina tlayé' niri fuqtá ayé'.

ESEKIELI 23:10

Mukwí inós gana tlaba' duúx, gari /aankweetsií geexáy. Na/iiwós kina ohín, nee inósár kilá' kari gaás ar paánga. Sakwasleemár aa sleér tari intsaahhasa dír /ameenár hatlae.

ESEKIELI 23:31

Kiíng loohír hho'oorók ana eehát, gawaá adoorihe aníng xooslmooduú sakwasleema oo hho'oorók ngun kiíngí haniís as kuwa wat.›

HOSEA 1:6

Gomeri iri malé tsít, dasi gari xwayluúr. AAKOÓ MUNGÚ Hosea guri báy «Umuuwós ku beer, Lo-Ruhama. Asma múk Israeli u baloó gurtlawaaká, tam ado gaalá.

HOSEA 1:9

AAKOÓ MUNGÚ Hosea guri báy, «Umuuwós ku beer, Lo-Ami. Asma kuungá' a muk'eeneeká, aníng sleeme a Munguúhungeeká.»

HOSEA 2:13

Aníng a muúx as deeloodá' ur ar munguaá ta bay Ba'ali i aaeer, nee ilahhooadár mooyángw koom deeloodae i da/a/ángw aaeer dír munguiidá'. Tina parootumaamís ar peéterós nee ar muruudá' tlaxo gawdén, iri tleér amór mulqeerós, aníng iri gunqaarés. Anuú AAKOÓ MUNGÚ tí ngina oó'.

HOSEA 2:22

Yaamu balaangw nguri hamareesiyá', nee sabiíbuwo nee seituúniro, baraá xatstá Yesre'elír wa alé.

HOSEA 9:17

Munguúeé' gin amór saáw i kwaahh, asma ngwa mayé' iiárií qaasaro. Inooín tay múk tawó tambeeruús baraá xoorduú wa alé.

AMOS 9:8

Qaytsiít, ilaá Aakoó MUNGÚ waawuti'iimár tlakweemaá tlehhahhiit ngin ga/ayá', ngiri hhitiím nee ngay diyaá/ gawaá daanduú yaamuwo. Ala doó Yakobo u ak suquwaaká. Anuú AAKOÓ MUNGÚ tí ngina oó'.»

Matayo 1:21

Inós na/oó garma gu xwayluúr, nee umuuwós kway beer Yesu, asma inós mukós gu ba/amis baraá tlakweemaaine.»

Luka 1:13

Ala malaykamoodá' guna báy, «Sakaría, ma da'ayumiitaar, asma firoorók kaa axaás, nee hareerók Elisabeti na/oó garma gu xwayluúr. Umuuwós ku beer Yohane.

Luka 1:31

Ga/aaweegáy, a tsít, na/oó garma kway xwayluúr. Umuuwós kway beer Yesu.

Luka 1:63

Peehhi gari firín, iri gawaadií gooín iri oó', «Umuuwós a Yohane.» Sleémeero adoodá' kari waa/oó/.

Yohana 1:42

Simon kuri huúw amór Yesu. Yesu iri qaytsiít amór Simon, iri oó', «Kuúng a Simon, garmoó Yohane. Nee kuúng tu bay Kefa.» (Gídaabárós a Petro, laqaá Tlaa/a).

YOSHUA 19:18

Yaamuuín gixsadaá naa haraoohiyé' a gixsár Yesre'eli nee Kesuloti, nee Shunemu,