HAR'OHUUSE 9:7 - Biblía Axweesantá Hhohho' ar Mungú 2004

⁷ Yotam kaangwí nguwa sláy, ina tláy iri sihhiít gawaá tloomár Gerisimu, iri tseé' ar afór ur, iri oó', «Aá múk Shekemu, án iiárií qaasaré' bar sla'á' Mungú kuungá' nuwa iiárií qaasi.

HAR'OHUUSE 9:7 Iomraidhean Croise

IIMU/UUNGW 37:6

Yosefu hhaeewós gina báy, «Na'asé', tlataaeé' iiárií qaasaak. Gár naa tlatiitiím a tí,

AXWEESANOÓ SAGALOOA 21:13

Heé iaawós gaa ditsií dahaas as /aa/aá narkutmo mingiwa axaás. Inósuú kilá' sleeme i baala wa /aa/, ala heé gu iiárií qaás i kaahh.

AXWEESANOÓ SAGALOOA 28:9

Heé dabe gaa artá wa may tam firoorós sleeme ka waak.

ISAYA 1:15

Kuungá' bar dabaahúng iga gáwtí tlesé' as iwa fiririinda', aníng ilaaeé' in luú/, as munduwa ár, tam firór yaariir bar firirindá', a axaasaaká. Asma dabaahúng naa hatsiyé' tseerduuwo.

Yohana 4:20

Baabi'iirén Mungú nguna sluufmiisiyé' gawaá tloomarí wa ale, ala kuungá' a kata' Yerusalemu an dír Mungú iwa harin sluufmisuuwo.»

DABE 11:29

AAKOÓ MUNGÚ barnaxes naa hardahaás baraá yaamuudá' ta aalír eera', tsuuqa kiri ilahanisá' gawaá tloomár Gerisimu nee lu'umis kuri ilahanisá' gawaá tloomár Ebali wa ale.

DABE 11:30

Tlom'iiká' i gayuú yaaér Yordani, bihhaá /uwa awa loohidá' aa da/aá xu', baraá yaamaá múk Kana'ani kuduú yaamaá Arabár hoót, kudá' nee yaamaá Gilgali ti ga/aawá'.

DABE 27:12

«Kuungá' yaaér Yordani bar aga waarahhé', tlahhi'iiká' i sihhiitiye' gawaá tloomár Gerisimu, as muu nguwa tsuuqiya': Tlahhoó Simeon, nee oo Laáwi, nee oo Yuda, nee oo Isakari, nee oo Yosefu nee oo Benyamini.

Yakobo 2:13

Asma sakwasleema i gurtleemuú koondaaká dír heedaádá' gurtleemu gwa tleehhiikahe. Ala heedaádá' gurtleemu gwa tleehh, gár i da'ayumiiti i káhh dír geeraá kwasleemaro.

YOSHUA 8:33

Múk Israeli sleémeero dinkwa nee geeraharuuser'ín nee bariise nee har'ohuuseero nee hooma sleémeero ar baraá tla/angw'íní dirii', tana sihhiít bihhér sandakmoó alqado, dír geeraá kaahamuusér Mungú ar tlahhoó Laáwi, tidá' sandakmooduú alqadór AAKOÓ MUNGÚ loohamamiis. Muu tina tla/a tsaát, bahh'alé ta geeraá tloomár Gerisimu wa sihhimiit, bahh'alé ta geeraá tloomár Ebali, adoodá' Mose, sagadiyusmoó AAKOÓ MUNGÚ ngira qaroó oó', tawa adór múk Israeli kur tsuuqi.

HAR'OHUUSE 9:6

Múk Shekemu sleémeero nee oo Bet-milo tari burumburiít dír ta/eewidá' tseew bihhaá do'dá' gáwtí tleér oo baraá Shekemu, Abimeleki kuri waawutmooín tleéhh.

HAR'OHUUSE 9:8

«Looarka wake xaai nina burumburiitiyé' as waawutmooín nguwa tsawaariya', xa'anoó seituúni nguri bayé', ‹Kuúng atén ti sawaawuti'iin.›