HAR'OHUUSE 9:57 - Biblía Axweesantá Hhohho' ar Mungú 2004

⁵⁷ Mungú mukdá' tlákw oo Shekemu guna slahh'eemiís sleeme as slasla/aruú naa tleehhiyé'. Gawaá adoorihe lo'ór Yotam garmoó Gideoni giri /ák.

HAR'OHUUSE 9:57 Iomraidhean Croise

2 SAMUELI 3:39

Hám aníng iga mak iimbalaxé' ar di/i as tawa waawutmo, ala laarí aníng aga heé liitlaákw tleehhiít. Ala daaqaywú Seruya a múk aa harwaaraahh saga gawduwo dir'eene. Tlakuuseerí AAKOÓ MUNGÚ ngi slahhi ar adoodár hariímár tlakweemaaín i dirii'iya'.»

1 WAAWITÁ 16:34

Qoomár waawuti'iimarose Hieli kuduú Beteli gixsár Yeriko gana /abeés tleehharo. Qoomár iwa iihhafiirír qamin ar gixsár Yeriko, Abiramu garmaawós oo baris ina gwaá'. Qoomár iwa afér gixsár tlehhiiti Segubu garmaawós kudá' niiná iri malé gwaá'. Adoorí ina tleehharút ar adoodá' AAKOÓ MUNGÚ ngira oó' ar afkú Yoshua, garmoó Nuni.

1 WAAWITÁ 2:32

Aakoó Mungú tseerduudá' Yoabu aa ku'umamiís gin ki/is gawaawósuú kilá', asma inós múk tsár oo gan'amuú koóm nee oo hhó' ta inose guna muúx guri tsuú/ ar paánga, ala baabuúeé' Daudi kangwdá' gu xuiiká. Mukwí aa tsuú/ a Abneri garmoó Neri, geeraharusmoó slaqwaruusér Israeli, nee Amasa garmoó Yeterí, geeraharusmoó slaqwaruusér Yuda.

WARA'AMI 7:17

Aníng AAKOÓ MUNGÚ un sluufmiís as gan'amuuwós. AAKOÓ MUNGÚ Aleesleemusmo un xirfayeemiís ar daa'aangw.

WARA'AMI 94:23

Tlakweemaaín kudá' i tlehhahhitiya' gin gawaaínií ki/is. Inooín kin hhaamiis as tlakweemaaín. Eeít, AAKOÓ Munguúrén gi qwaarees.

AXWEESANOÓ SAGALOOA 5:22

Heé tlaákw kun oh nee tlakweemaawós awa kilá', kun oh nee him'ér dakuúsarós tidár kilá' i tlehhaahhiti.

ISAYA 3:11

Ala mukduú tlakuuse a tsaxwaaín ado gi alxir'imít, asma adoodá' naa tleehhiyé' an tidá' gi slaw.

YOSHUA 6:26

Yoshua lo'oorí gari dír geeraá múk wa huúw, iri oó', «Hee bar gixsár Yeriko gaa malé tleéhh, inós ku lu'usi nee AAKOÓ MUNGÚ. Heé iihhafiiri gaa iiar qaasaro aqo na/aywós oo baris kun gaas, nee umuúqo heé afér gixsa gaa tleehh aqo garmaawós oo alutmo kun gaas.»

HAR'OHUUSE 1:7

Adoni-beseki iri oó', «Waawitaádá' mibeeri faanqw, kudá' aníng naa dugeenaá ya'a' tlaáq nee awa dabaawo, kudá' muruú /aymár aa paahh gawaá meésar'eé' wa ale ngu nuqmamisá', adoodá' aníng naa /imiís, Mungú li/aydá' ngwaa dir'eéní buú'.» Kuri huúw ay Yerusalemu, inós iri amoodií gwaá'.

HAR'OHUUSE 10:1

Alaá Abimeleki iwa gwaá', Tola garmoó Pua nángw naangoó Dodo, heé tlahhoó Isakari ina hardáh as múk Israeli nguwa ba/amisi. Inós dír i hooti a Shamiri ar baraá yaamaá tlom'aá Efraimu.

HAR'OHUUSE 9:20

Ala barnaxes a adoosingeeká, asla ni ti'it baraá Abimeleki wa ale nee múk Shekemu ngu /ak nee oo Bet-miloro, nee asla ni baraá múk Shekemúr wa ti'it nee baraá múk Bet-miloro Abimeleki ngu /ak.»

HAR'OHUUSE 9:24

Adoorí ina tlehharút as tawa bu'utuú li/aydá' Abimeleki daaqoó mibeeri faanqw oo Gideoni nguwa tsuú/ qoomár kuwa alee/iís nee hhaeewós awa yaamaá Shekemu.

HAR'OHUUSE 9:45

Abimeleki nee múk Shekemu tana slaáqw tlaatla/aangw sleémeero, gixsa gari hayóh, muu sleémeero kuduú baraadá' guri tsuú/. Gixsa gari daá/, gari díwtí ku'uús.

HAR'OHUUSE 9:56

Adoorí an adór Mungú Abimeleki ngura slahh'eés as dakuúsár na/aá baabuúwós awa mibeeri faanqw ngiwa tsuú/.