HAR'OHUUSE 9:54 - Biblía Axweesantá Hhohho' ar Mungú 2004

⁵⁴ Siiwadár kilae Abimeleki garmaadá' xooslarós ar slaqwara ga loohiís guri báy, «Paánga taataahheek, aníng gaasáng, muu matawa oó', ‹A /ameeni guna gás.› » Naagáy garmaadá' guri muút ar paánga, paánga iri bartaqár ti'ít, iri gwaá'.

HAR'OHUUSE 9:54 Iomraidhean Croise

2 SAMUELI 1:10

Gawaá adoorihe aníng nari tseewúw bihhaawós, nguri gaás. Asma aníng a xuú' looeemaá kilae i ya/aandaaká iwa kumiiti slafiingo alaá iwa huú'. Slamangwduú gawaá sagós nee mungayduú gawaá dakós ngiri duúx, nee hamí areeng ngaa huúw dír geeraawók, aakooeé'.»

2 SAMUELI 1:7

Inós iwa aluuwós i qaytsiít, aníng ina ár, iri ateét. Aníng narí oó', ‹Aníng a diirí.›

2 SAMUELI 1:9

Iri báy, ‹Qwaláng, bihhaaeé' i tsewuwang án alhhe'eesáng gaasaro, asma aníng taa istá gwa'araárí qaás, aníng aga ló'wa slahhaá'.›

2 SAMUELI 23:37

nee Seleki, heé múk Amoni, nee Naharai, heé múk Be'eroti, kudá' xooslaá slaqwarár Yoabu, garmoó Seruya, gi lohamaamiís,

1 QOM'I 10:4

Aluuwo Saulo garmaadá' xooslarós tidár slaqwarár loohiís guri báy, «Símeérók tataahhang, aníng gaasáng, as kahhó' mukwí taa al/utlinká miwa niqís.» Ala garmaadá xooslár slaqwarár loohiís iri da'ayuút adoodá' tleehharo. Aluuwo Saulo simeerós gari taataáhh iri gawaadií huú'.

1 QOM'I 10:5

Garmaadá' xooslaarós loohiís ngiwa ár Saulo aa gwaá' inós sleeme símeérós gana i huú' iri gwaá'.

1 QOM'I 11:39

nee Seleki oo tlahhoó Amoni, nee Naharai kuduú Be'eroti. Inós an kudá' xooslár slaqwara ar Yoabu, garmoó Seruya, ga loohamaamiís.

HAR'OHUUSE 4:9

Ala Debora iri ó', «Looeemaawo ti alkoomaán. Ala aaiiká' ta keer kuúng ir durbindaaká asma AAKOÓ MUNGÚ Sisera gu haniis kuwa gaasi nee /ameeni.» Debora iri tleér tiri alkoné' nee Baraka ay yaamaá Kedeshi.

HAR'OHUUSE 9:55

Múk Israeli ngiwa ár Abimeleki aa gwaá', tay tláy, umuú heewo iri waátl amór do'ós.

1 SAMUELI 14:12

Mukuú baraá guruú koo/idá' gawit Yonatan nee garmaadá' xooslarós kooma kiri báy, «Gimsé' qwalaas amoorén tí, daqaní atén garka ngi laqaamaán.» Yonatan garmaadá' xooslár koóm guri báy, «Gimáy án eeharáng, asma AAKOÓ MUNGÚ mukwí ngwa qaroó qaás baraá dabaá xoorór Israeli.»

1 SAMUELI 14:13

Yonatan iri tla/afameérár tsa/án nee garmaadá' xooslarós koóm i aluuwós. Múk aáng iri huuhu'ún geeraá Yonatan, nee garmaadá' xooslarós koóm giri aluúwaá tsu/aa/ín.

1 SAMUELI 14:14

Qoomár hargeeraawo tawa haratláy, Yonatan nee garmaadá' xooslarós koóm, múk afi mibeeri tsár kuna tsuú/, baraá yaamaá tlaqtá eékaaro.

1 SAMUELI 14:17

Saulo mukdá' dinkwárí dirií' nee inós guri báy, «Gimsé' hamí ti fade', axáy múk kaáhh baraá tla/angwrene i deéro?» Inooín tiwa hhe'eesiyé' faarooro, naxés Yonatan nee garmaadá' xooslarós koóm i kahhiyá'.

1 SAMUELI 14:7

Garmaadá' xooslár koóm iri oó', «Adoodá' sleémeero baraá muunaáwók i dirii' tleehheek, ga/aaweek, aníng nee kuúng a dinkwárí diriaán, muunaáeé' a adór kók.»

1 SAMUELI 16:21

Naagáy Daudi iri daqáy amór Saulo, iri sihhiít dír geeraawós, guri sagadiyuús. Saulo guri waatlakweés kángw kilá' wá alé, guri tsawaár tawa heé xooslaarós ar slaqwara ga amohhe'eemiís.

1 SAMUELI 31:6

Adoorí an adór Saulo ira gwaá', nee daaqaywós tamawo, slám nee heedaádá' xoslaá slaqwararós loohamamisa, dinkwa nee mukós sleémeero tana alqaátl baalaarihe.