HAR'OHUUSE 9:53 - Biblía Axweesantá Hhohho' ar Mungú 2004

⁵³ /Ameenirka wák tlaa/anoó xoosliingw guna gáwtá wa kwáhh, Abimeleki guri saga suwaawá'.

HAR'OHUUSE 9:53 Iomraidhean Croise

2 SAMUELI 11:21

Ahaá, heé Abimeleki garmoó Yerubesheti gwaa gaas a heemá? A /ameenír wák ar baraá gixsároóke, tidá' ta bay Tebesi, tlaa/ár xoosliingw ngiwa gawaá koo/ír wa kwáhh, tlaa/adá' Abimeleki guri gás? Asma milá masa tseewuuré' dír bihhaá koo/i?› Daqaní kuúng ku beer, ‹Tam sagadiyusmoowók Uria kuduú xoorór Hiti, inós sleeme aa gwaá'.› »

2 SAMUELI 20:21

Adoosíng taa ó' a loeeká! Ala heeko wák oo yaamaá tlom'aá Efraimu gi daáhh, oo ta bay Sheba, garmoó Bikri, inós waawutmo Daudi nguwa aahhi gan slaa'. Heewí amor'eénií duuxare'. Daqaní aníng a tláw baraá gixsarhunge.» /Ameenidá' Yoabu guri beér, «Sagós kuungu kwaahh amoorók ar gawaá ságw koo/i.»

YOBU 31:3

Ahaá múk hota tlákw qatlo gu sleeraakáhe, nee mukdá' gadiyedaá tlakw ngi tlehhaahhitá' in hhana'aakáhe.

YEREMIA 49:20

Gawaá adoorihe, adoodá' AAKOÓ MUNGÚ aa qoomeés dír múk Edomu iiárií qaasaak, nee adoodá' i tleehhamór wa slai dír yaamuloouusér Temaniwo. Tam deeláy'ín oo bee/aangw kun yaamúr duuruxún, nee kuri ar tláy, múk yaamuudá' hoót tari waa/oo'.

YEREMIA 50:45

Gawaá adoorihe, adoodá' AAKOÓ MUNGÚ aa qoomeés daanduú múk Babuloniro iiárií qaasaak, nee adoodá' i tleehhamór wa slai dír yaamuloouusér Kaldayo. Tam deeláy'ín awa bee/aangw kun yaamúr duuruxún, nee kiri ar tláy, múk yaamuudá' hoót tari waa/oo/.

HAR'OHUUSE 4:9

Ala Debora iri ó', «Looeemaawo ti alkoomaán. Ala aaiiká' ta keer kuúng ir durbindaaká asma AAKOÓ MUNGÚ Sisera gu haniis kuwa gaasi nee /ameeni.» Debora iri tleér tiri alkoné' nee Baraka ay yaamaá Kedeshi.

HAR'OHUUSE 9:15

Xa'anoó laqeelo iri oó', ‹Aníng birqo waawutmoó wa sla'á', qwalaasé' iwiité' baraá mahhtír'eé'. Ala bar adoorí a sla'a'aaká, masók asla nin baraá laqeeloeé' wa ti'ít miereésír Lebanoni gari qororo'ós.› »

HAR'OHUUSE 9:20

Ala barnaxes a adoosingeeká, asla ni ti'it baraá Abimeleki wa ale nee múk Shekemu ngu /ak nee oo Bet-miloro, nee asla ni baraá múk Shekemúr wa ti'it nee baraá múk Bet-miloro Abimeleki ngu /ak.»

HAR'OHUUSE 9:52

Abimeleki ina haratláy as ngiwa ásltí qaasi.