HAR'OHUUSE 9:5 - Biblía Axweesantá Hhohho' ar Mungú 2004

⁵ Nee inooín tiri alkoné' ay Ofra amór doó baabuúwós. Amoodae hhaeewós daaqoó Gideoni, kudaá mibeeraá faanqw, giri tsuú/ gawaá tlaa/ár wák. Ala Yotam, aluutamoó Gideoni ina /úy, asma ina nahhaát.

HAR'OHUUSE 9:5 Iomraidhean Croise

1 WAAWITÁ 1:12

Gimáy, án garka ngi oó', iia qaaseek as kiíng nee garmaawók Solomon tawa tu/uta'.

1 WAAWITÁ 1:21

Bar adoosingeeká aluuwo aakooeé' bira gwaá' iri haragwa' amór baabi'iiwós, aníng nee garmaaeé' Solomon tin harafaar adór múk tlákw.»

2 WAAWITÁ 10:17

Tawa hardáh Samaria, Yehu múk doó Ahabu sleémeero guna tsuú/, tumu wák gwaa meetisiiká. Inós adoodá' AAKOÓ MUNGÚ a dír Eliyawí oó' gana boo/eés.

2 WAAWITÁ 10:7

Naagáy mukdá' urén oo gixsa barwito'oodá' ngiwa slayé', daaqaydá' mibeeri faanqw oo waawutmo kuri uhín kuri ise tlaáq sleémeerowo. Sageedá' kari qaás baraá lakwaantáy, kari huúw amór Yehu kuduú Yesre'elír i dirií'.

2 WAAWITÁ 11:3

Yoashi nee inós tana alhoót baraá doó AAKOÓ MUNGÚ wa ale kudá' kway luú/ kureeri lahhoó'. Qoomaarihe Atalia a waawuto'ór yaamu.

2 QOM'I 21:4

Qoomár Yehoramu iwa iwiít gawaá kitángw waawuti'iima oo baabuúwós, nee waawuti'iimarós iwa gawduúr, hhaeewós sleémeero gina tsuú/, nee geeraharuusér Israeli bahh'ale.

Matayo 2:16

Herode ngiwa ár adór kura al/aáy nee xu'utuuseedár tsatse/, iri ló'wa buúhh. Muu guri ya/aáw na/aá daaqaay sleémeero awa baraá gixsár Betilehemu nee inslaawaywose kiwa tsu/i, awa har kureeraá tsár nee awa kureeraá tsár ngaa ay'iiká sleémeero, ar adoodá' ngira yaahamiís dír xu'utuuseedár tsatse/uwo.

Matayo 2:20

«Tláw, na/aay nee aayoorose ar ki/eek ay baraá yaamaá Israeli. Asma mukdá' na/oó gaasár wa slaá' aa qaátl.»

HAR'OHUUSE 6:11

Malaykamoó AAKOÓ MUNGÚ iri tláy, iri iwiít dír gamuú ta/eewi ar baraá Ofra, tidár Yoashi, heé tlahhoó Abieseri. Gideoni garmoó Yoashi i angaánoó muux baraá bohóngw sabiíbu kuwa tsoo/a/iti as mukuwa ár nee múk Midiani.

HAR'OHUUSE 6:24

Naagáy Gideoni kitangwduú ilahhooár AAKOÓ MUNGÚ guri didií tleéhh, didá' gari umií tsaát iwa kaahi, «AAKOÓ MUNGÚ a wayda.» Tam ay laarí kitangwduú ilahhooa i daadeer didár Ofraro, tidár tlahhoó Abieseri.

HAR'OHUUSE 8:30

Gideoni daaqaay ngu kon a mibeeri faanqw, asma inós /ameena nga duxuút ka yaariir.

HAR'OHUUSE 9:18

Ala laarí múk doó baabuúeé' ugwa hhaamisé', na/iiwós mibeeri faanqwmaawo kiwa tsu/é' gawaá daanduú tlaa/ár wák, aluuwo Abimeleki na/oó lawaalo'ór baabá una waawutmoó múk Shekemúr hoót wa qasé', asma tawa daa'awmoohúng.

HAR'OHUUSE 9:2

«Gimsé', axweesé' nee muu sleémeero oo Shekemu, kiwa yaahasa', xáy dirhunge gár hhoo' a gaalá, a na/iikaá Gideoni mibeeri faanqwamawo sleémeero nun sawaawuti'iná'a, laqaá na/oó wák? Inslawiimé' aníng a tseererhúng.»

HAR'OHUUSE 9:6

Múk Shekemu sleémeero nee oo Bet-milo tari burumburiít dír ta/eewidá' tseew bihhaá do'dá' gáwtí tleér oo baraá Shekemu, Abimeleki kuri waawutmooín tleéhh.