HAR'OHUUSE 9:49 - Biblía Axweesantá Hhohho' ar Mungú 2004

⁴⁹ Umuú heewo halmi gana tsaát ar adór tidár Abimeleki, halemooín ngina taataahhiyé' ngay tlinti'iisiyé' gawaá koo/i, asla ngiri qaasiyé', koo/i ngiri da/iyé'. Muu sleémeero hhawaate nee /ameenaaro awa har kumuú wák, awa baraá do'dá' gáwtí tleér oo Shekemu niri qatliyé'.

HAR'OHUUSE 9:49 Iomraidhean Croise

Galatia 5:15

Ala kuungá' miti a'aawara' tiwa kikihha' nee tiwa tlu'uunda', asma adoorí bara tlehhé', ti kiloohúng hhaamisá'.

Yakobo 3:16

Asma didár da/i iwa deér, nee muu tiwa kilooín slai, tlaahhi i kahhká, nee umuúqo tlehhema'aá tlakw i dayá' didaádae.

HAR'OHUUSE 9:15

Xa'anoó laqeelo iri oó', ‹Aníng birqo waawutmoó wa sla'á', qwalaasé' iwiité' baraá mahhtír'eé'. Ala bar adoorí a sla'a'aaká, masók asla nin baraá laqeeloeé' wa ti'ít miereésír Lebanoni gari qororo'ós.› »

HAR'OHUUSE 9:20

Ala barnaxes a adoosingeeká, asla ni ti'it baraá Abimeleki wa ale nee múk Shekemu ngu /ak nee oo Bet-miloro, nee asla ni baraá múk Shekemúr wa ti'it nee baraá múk Bet-miloro Abimeleki ngu /ak.»

HAR'OHUUSE 9:48

Abimeleki nee mukós tay tláy gawaá tloomár Salmon. Tsawo gana taataáhh, halmír xa'ano gay tsaát gay qaás gawaá suumarós. Naagáy mukdá' nee inós dinkwa gway báy, «Adoorí taa aandé' aníng naa tleéhh, umuú heewo ngi gaanslár tleehhi.»

HAR'OHUUSE 9:50

Abimeleki iri tláy, Tebesi gana harweér, gay hayóh.