HAR'OHUUSE 9:24 - Biblía Axweesantá Hhohho' ar Mungú 2004

²⁴ Adoorí ina tlehharút as tawa bu'utuú li/aydá' Abimeleki daaqoó mibeeri faanqw oo Gideoni nguwa tsuú/ qoomár kuwa alee/iís nee hhaeewós awa yaamaá Shekemu.

HAR'OHUUSE 9:24 Iomraidhean Croise

1 WAAWITÁ 2:32

Aakoó Mungú tseerduudá' Yoabu aa ku'umamiís gin ki/is gawaawósuú kilá', asma inós múk tsár oo gan'amuú koóm nee oo hhó' ta inose guna muúx guri tsuú/ ar paánga, ala baabuúeé' Daudi kangwdá' gu xuiiká. Mukwí aa tsuú/ a Abneri garmoó Neri, geeraharusmoó slaqwaruusér Israeli, nee Amasa garmoó Yeterí, geeraharusmoó slaqwaruusér Yuda.

1 WAAWITÁ 2:33

Daxta tseerdaá mukdá' Yoabu aa tsu/aa/ín nin gawaá Yoabií ki/iyá' nee gawaá xwaylarós ay alhhe'eesay wasle. Ala AAKOÓ MUNGÚ doó Daudi nee xwaylarós nee waawuti'iimarose gin waydií haniís ay kureeraá kureér.»

ESTA 9:25

Ala qoomár Esta iwa amór waawutmoó keér, waawutmo hara'aya gari oó' barwadu kiwa gooin as adoodá' tlaakw Hamani aa qoomeés daanduú múk Yahudiro kawa gawaawós i tleehhi nee daaqaywós kuwa tarereín gawaá xa'ano.

WARA'AMI 7:16

Tlakweemawós ngun saki/iyá'. Hara/untsawós ngun saki/iyá'.

WARA'AMI 7:17

Aníng AAKOÓ MUNGÚ un sluufmiís as gan'amuuwós. AAKOÓ MUNGÚ Aleesleemusmo un xirfayeemiís ar daa'aangw.

FAARO 35:33

Ala barnaxes adoosíng aga tlehhé' yaamuuká' ta hota' iga hhitiindé'. Tseerdu birna ku'uutiyé' yaamu ngi hhitiná' ilahhooár ta haniisi ar yaamaá tawa tsu/uút harihhoó' ngir slaya' i kaahh, aqo heedaádá' aa tsu/uut kun gaas.

DABE 27:25

«Umuúqo heé ta bui as heé dakuúsár koomaaká nguwa gaasi, kwaa lu'ús.» «Nee muu sleémeero ta ooi, Amin.»

HAR'OHUUSE 1:7

Adoni-beseki iri oó', «Waawitaádá' mibeeri faanqw, kudá' aníng naa dugeenaá ya'a' tlaáq nee awa dabaawo, kudá' muruú /aymár aa paahh gawaá meésar'eé' wa ale ngu nuqmamisá', adoodá' aníng naa /imiís, Mungú li/aydá' ngwaa dir'eéní buú'.» Kuri huúw ay Yerusalemu, inós iri amoodií gwaá'.

HAR'OHUUSE 9:25

Múk Shekemu muu nguri qaasiyé' gawaá ságw tlooma as Abimeleki nguwa giiriya'. Mukdá' waaraáhh daqaari'iimar'ín kana hayoohín. Abimeleki kway kaangwí báy.

1 SAMUELI 15:33

Ala Samueli iri oó', «Adoodá' paángarók na/aá /ameena ngira hhaamís, adoorí an adór panmoó aayoorók ir meetiiká tla/ángw /ameenaaro.» Naagáy Samueli Agagi guri sikín geeraá AAKOÓ MUNGÚ wa alé baraá Gilgali.