HAR'OHUUSE 9:15 - Biblía Axweesantá Hhohho' ar Mungú 2004

¹⁵ Xa'anoó laqeelo iri oó', ‹Aníng birqo waawutmoó wa sla'á', qwalaasé' iwiité' baraá mahhtír'eé'. Ala bar adoorí a sla'a'aaká, masók asla nin baraá laqeeloeé' wa ti'ít miereésír Lebanoni gari qororo'ós.› »

HAR'OHUUSE 9:15 Iomraidhean Croise

2 WAAWITÁ 14:9

Ala waawutmo Yehoashi oo Israeli afo gari ya/aáw amór waawutmo Amasia oo Yuda iri oó', «Looarka wake xa'anoó laqaya' oo Lebanoni xa'anoó ta bay mieresi guna báy, ‹Dasirók ka duuxi nee garmaaeé'.› Ala makiito'ór sla/a ar yaamaá Lebanoni iwa didár waaráhh xa'anoduú laqaya' guri kal/aán.

WARA'AMI 104:16

Xaa'aá uren awa AAKOÓ MUNGÚ kaa eemiís ar ma'aá bu'uutá', nee xaa'aá ta bay miereésír Lebanoni ar aa dahaás.

WARA'AMI 29:5

Afór AAKOÓ MUNGÚ xaa'aá miereési gin giqeér, AAKOÓ MUNGÚ xaa'aá miereésír gawaá tlom'aá Lebanoni gin giqáy.

ISAYA 1:31

Múk /uuremaá koóm iri adór kataánír kaaharen tleehhiit, nee tlehhmi'ii'ín tari adór tsitór asla. Inooín nee tlehhmi'ii'ine asla gin dinkwaárí fák, heé gaasaro ga aleesláw i kaahh.

ISAYA 2:13

Nee daanduú sahhtár Lebanoniro, tidaádá' tledaadet aa gáwtí sawes nee gawaá daanduú ti'ita sleémeero oo yaamaá Bashani.

ISAYA 30:2

Inooín nina Misrírí /eetiyé', aníng sleeme iga yaahasi'iiká, dír guwaay ngina leelehhtuú ayé' dír Farao as ngiwa xun, nee amohhooa ngiwa slaya' baraá xuumár múk Misrír wa alé.

ISAYA 37:24

Kuúng sagadiyuuse ngina ya/áb as anuú Aako iwa niqina', kuúng ana ó', ar gaarduueé' kuká' yaariire, Aníng an tsa/ám ay gawaá sagér tlom'i, ay gawaá tsitsenaá tloomár Lebanoni, sahhtaarós tidá' tledaadet an daraáhh nee misunobarirós tidá' ló'wa hhohhoe, niri hardáh ay gawaá tsitsenowós, nee baraá gartós tidá' ur.

WA/AA/I 4:20

Kuduú iimu/úngw slafingwrén, kudá' taa iimbalaáx ar di/i nee AAKOÓ MUNGÚ, nguna baa'ar'ín ar oohiyé', kudá' tawa kaahaan, «Baraá xuumarose atén a tla/ángw xoordu un wa hootaán.»

ESEKIELI 19:14

Asla ina ti'ít baraá tla/ángw xa'anoodá' wa alé, haleemi nee mamuuwo giri /ák, haleemiiwós i baloó iiay'aaká, laqaá i adór hhartá waawuti'iima tleehhitiaaká.» Gaarí a tsuunqumis, nee i tsuunqusmo tleehhit.

ESEKIELI 31:3

Kuúng a adór sahhtír yaamaá Lebanoni, tidár haleemi hhohho', nee loo/o yaariir nee tidá' tleer, tsitsini ina purúts gawaá doori.

DANIELI 4:12

Loo/orós ka ló'wa hhohho'. Mamaá yaariir gina laqwaál awa daanduú yaamu ngi buá' /aymisiro. Makaay sleémeero awa daanduú yaamu mahhtí ngiri slayé' dír gamuuwós wa aleeró, nee tsir/ór doori ina iwiiwít gawaá haleemiiwós. Muruú slaáf sleémeero muruú /ayma guna sláy dír xa'anoowí wa aleeró.

HOSEA 14:7

Inooín ni ki/iyá' niri iwitiyá' baraá mahhtír'eé', niri slu/ubibiná' adór angaánoó baraá qaymo, niri /ayuusiyá' adór sabiíbuú wa ale, mooyangw'ín tari adór kuduú difaáír Lebanoni.

FAARO 21:28

Asma asla nina Heshbonír wa ti'ít tsángw asla nina gixsár Sihonír wa sihhiít. Gixsár Ari ar Moabu gari /aáy tlom'aá yaaér Arnoni giri hhaamiís.

Matayo 13:32

Nee ilmoodá' ku ló'wa niiná ta dahaasíngw hatlá' sleémeerowo. Ala binda ti'iít, ku ló'wa úr xaa'aá mamu sleémeero ba/a, iri xa'aanoó úr tleehhiit. Tam tsir/o iri hardát, maray'ín giri gawaá haleemiidí tlehhít.»

HAR'OHUUSE 9:14

Alhhe'eesaywo xaai sleémeero xa'anoó laqeelaá koóm nguri bayé', ‹Qwaláng kuúng atén ti sawaawuti'iin.›

HAR'OHUUSE 9:16

Yotam iri kumiít axweesanto iri oó', «Hám daxta kawa xua' Abimeleki una waawutmoó wa qasí'i ar muunuú /awaák nee inkihhimu? Xáy, kuungá' ka xua' Gideoni nee múk do'ose una gár hhoóí tlehhí'i ar adoodá' tlehhmi'iiwós iwa harina'?

HAR'OHUUSE 9:20

Ala barnaxes a adoosingeeká, asla ni ti'it baraá Abimeleki wa ale nee múk Shekemu ngu /ak nee oo Bet-miloro, nee asla ni baraá múk Shekemúr wa ti'it nee baraá múk Bet-miloro Abimeleki ngu /ak.»

HAR'OHUUSE 9:44

Abimeleki nee mukós tana ta'aaín ay afkú gixsa as kuwa xun. Daqooráyduú tsár tana /akumiít baraá qamu, mukduú baraá qamu kway tsuú/ sleémeero.

HAR'OHUUSE 9:49

Umuú heewo halmi gana tsaát ar adór tidár Abimeleki, halemooín ngina taataahhiyé' ngay tlinti'iisiyé' gawaá koo/i, asla ngiri qaasiyé', koo/i ngiri da/iyé'. Muu sleémeero hhawaate nee /ameenaaro awa har kumuú wák, awa baraá do'dá' gáwtí tleér oo Shekemu niri qatliyé'.