HAR'OHUUSE 9:1 - Biblía Axweesantá Hhohho' ar Mungú 2004

¹ Abimeleki garmoó Gideoni iri tláy Shekemu amór hha'aá aayoorós, iri axweés dir'ínií alé, nee dír múk doó taatoó aayoorós sleémeero, giri báy,

HAR'OHUUSE 9:1 Iomraidhean Croise

IIMU/UUNGW 33:18

Yakobo iwa Padan-aramu wa tláy, iri hardáh ar wayda ay baraá gixsár Shekemu, tidár baraá yaamaá Kana'anírí dirii'. Xafaywós guri tleéhh bihhaá gixsadá'.

IIMU/UUNGW 34:2

Shekemu garmoó Hamori, oo múk Hifi, heé úr oo yaamuudá', Dina ngiwa ár, gari óh ar /uuru, tari alqaát nee inós, gari dasu'uuma hhitín.

2 SAMUELI 15:6

Naagáy, adoorí an adór Absalomu aa tleéhh dír múk Israeli sleémeero oo aa daqay amór waawutmo, as tawa lohaá leelehhiiti awa kwasleemar'ín tsata. Ar tlehhmuwihe múk Israeli guri sage hayóh bartós.

1 WAAWITÁ 12:1

Naagáy Rehoboamu iri tláy baraá yaamaá Shekemu, amoodá' múk Israeli sleémeero i burumburiít as inós kuwa waawutmoó wa qaasi.

1 WAAWITÁ 12:20

Múk Israeli sleémeero adór Yeroboamu nira yaamaá Misri wa kií/ ngiwa axaasiyé', nguri ateetiyé' dír dinkwar'íní ale, nguri waawutmoó yaamaá Israeli sleémeero wa qaasiyé'. Tlahhoó hatlá' oo aa haragwaa' dír tlahhoó Daudi i kaahh aqo har tlahhoó Yuda kilós.

1 WAAWITÁ 12:3

Ala múk Israeli iri ya/abín amór Yeroboamu kuwa ateeti. Aluuwo inós nee múk Israeli sleémeero Rehoboamu kuri i daqáy, kuri báy,

YEREMIA 18:18

Naagáy muu iri oó', «Qwalaasé', Yeremia u garkaárí tleehhaán, asma atén kaahamuusér Mungú ar ti intsaahhatimis a dakuusanaaká, nee múk sageloén oo ti gurbuú', nee aaruusér axweesantá Mungú alki/iita. Qwalaasé', u sakwasleemutaán ar axweesantós ar kilá', axweesantós tidá' i kaahi mawa iiárií qaasaán.»

YEREMIA 41:5

múk mibeeraá dakaát ina hardáh oo yaamaá Shekemúr daáhh, nee Shilo nee Samaria, i ilahhooár mooyángw tsuú' koná' as ngiwa hanmiisiya' baraá Doó AAKOÓ MUNGÚ i aleeró. Daamoduuín nga deeqwiyé'. Inooín tlabaaín naa feehhamamitiyé' nee taa gwehhaahhiné'.

YOSHUA 20:7

Gawaá adoorihe xoorór Israeli gixsár Kedeshi gari tsawát, tidár baraá Galiláyárí dirii' gawaá tlom'aá Naftali, ar hatlá' a Shekemu tidár baraá tlom'aá Efraimu nee Kiriat-arba, umuuwós oo hatlá' a Hebroni, tidár baraá tlom'aá Yudií dirii'.

HAR'OHUUSE 8:30

Gideoni daaqaay ngu kon a mibeeri faanqw, asma inós /ameena nga duxuút ka yaariir.

HAR'OHUUSE 8:31

Amór Shekemuwo /ameenír quturmo wasl ga kón, guna na/oó garmií xwayluúr, umuuwós a Abimeleki.

HAR'OHUUSE 8:35

Slám inooín múk doó Gideoni ngwa hhooeemáy tleehhi'iiká ar adoodá' Gideoni hhooeema ngira tleéhh baraá Israeliwo.