HAR'OHUUSE 8:33 - Biblía Axweesantá Hhohho' ar Mungú 2004

³³ Alaá gwa'arár Gideoniwo, múk Israeli Mungú sluufmisuuwo nguri malé mayé'. Munguaá Ba'ali ngiri sluufmisiyé'. Munguúdá' ta bay Ba'al-beriti nguna munguúín tleehhiyé'.

HAR'OHUUSE 8:33 Iomraidhean Croise

2 WAAWITÁ 12:2

Baraá slafiingós sleémeero gan'amu guna tleéhh dír geeraá AAKOÓ MUNGUHE, asma inós kuna intsaahhatamís nee kaahamusmoó Mungú Yehoyada.

YEREMIA 23:27

Ar tlataaín kukae gár ta tlehhiiti a muk'eé' ngun sage qwaareemisiyá', aníng iwa gunqareesiya', ar adoodá' baabi'ii'ín aníng ira gunqareesiyé', nee Ba'ali nguri haratlinti'iyé'.

YEREMIA 3:9

Tsaatu'uuma dir'ine a gár ta hhasliitiiká, yaamu ngiri meetagaasiyé', tsaatu'uuma ngina tleehhiyé' tlaa/e nee xaai ngiwa haratlintati'iya'.

YOSHUA 24:31

Xoorór Israeli AAKOÓ MUNGÚ guri sagadiyús de'emadá' sleémeero Yoshua iwa slafi, tam alaá iwa gwaá' nari kumiitiyé' nguwa sagadiyuusiya' de'emaá bariise iwa kumit, tidá' tlehhmaá'a AAKOÓ MUNGÚ aa tlehhaahhiít dír xoorór Israeli gaa ar'aa'aan ilaaine.

HAR'OHUUSE 10:6

Múk Israeli tlakweema gina malé tleéhh dír geeraá AAKOÓ MUNGUHE. Inooín munguiidá' ta bay Ba'ali nee Ashtaroti ngina sagadiyuusiyé', nee munguaá hatlá' awa Shamu, nee awa Sidoni, nee awa Moabu, nee awa múk Amoni, nee awa múk Filistiro sleeme. Inooín AAKOÓ MUNGÚ nguna mayé', tam sleeme naa kumiiti'iiká nguwa sagadiyuusiya'.

HAR'OHUUSE 2:12

AAKOÓ MUNGÚ nguna mayé', Munguú baabi'ii'ín, kudá' ngaa huuw iimír yaamaá Misrír wa ale, munguidaá hatlá' ngiri sluufmisuú ayé', kudaá mukdá' dír iisaapay'ínií dirií', nina xupapu'uuyé' geeraaíní ale AAKOÓ MUNGÚ nguri kwatiitiyé' ar tlehhmuuín kwí, iri qa/iít.

HAR'OHUUSE 2:17

Ala inooín har'ohuuseerí nga iiárií qaasi'iiká. Asma Mungú nguna geexayé', nee munguaá hatlá' ngay sluufmisuú aa'ayé'. Inooín nina warqayé' ar gaanslaay, lohdaá baabi'ii'ín naa eehariyé', ngiri mayé'. Baabi'ii'ín AAKOÓ MUNGÚ nguna ilaiwawa/iyé', ala inooín adoorí nga tleehhi'iiká.

HAR'OHUUSE 2:19

Ala qoomár har'ohusmoodá' bira gwaá', inooín nin alií ki/iyá', tlakweema ngin male tleehhiyá', baabi'ii'ín ba/a, munguaá hatlá' ngin eehariyé' nee ngin sagadiyuusiyá', nee ngin i tumbarara'amiitiyá'. Tlehhmi'ii'ín kudá' tlakw nga mayi'iiká, laqaá tam saga gawdeemaaín nga mayi'iiká sleeme.

HAR'OHUUSE 3:7

Múk Israeli adór slasla/aar gana tleéhh dír ilaá AAKOÓ MUNGUHE, AAKOÓ MUNGÚ, Munguúín nguri gunqareesiyé', inooín munguiidá' ta bay Ba'ali nee Ashera ngiri sagadiyuusiyé'.

HAR'OHUUSE 8:27

Gideoni sahaábuudá' guri naifeérár kaahamusmór tleéhh, gari qaás baraá gixsarós ar ta bay Ofra. Múk Israeli sleémeero iri amoodá' i tláy as kuwa sluufmiisi. Naifeéradá' iri tsaaxweeli tleehhít dír Gideoni nee múk do'ose.

HAR'OHUUSE 8:32

Gideoni garmoó Yoashi iri dín iri gwaá', kuri foól baraá /aantár baabuúwós Yoashi, baraá gixsár Ofra ar múk Abieseri.

HAR'OHUUSE 9:27

Nina tlayé' ay baraá qamaá sabiíbu, difaái ngiri tleehhiyé', deelór ur ngiri tleehhiyé'. Nina dahiyé' baraá doó munguúín, niri /ayné' nay wah'né', Abimeleki nguri niqisiyé'.

HAR'OHUUSE 9:4

Mukdá' parhheemaá mibeeraá faanqw awa muqslár peésa gari leéhh baraá doó munguúdá' ta bay Ba'al-beriti, kari haniís dír Abimeleki as ngiwa tlaxwi ar múk baraawaslén oo hhasloowaslén.

HAR'OHUUSE 9:46

Mukdá' sleémeero oo baraá do'dá gáwtí tleér oo Shekemúr i dirií' adoorí kawa axaás, nina gowiyé' baraá mar'ír munguúdá' ta bay El-beriti.