HAR'OHUUSE 8:27 - Biblía Axweesantá Hhohho' ar Mungú 2004

²⁷ Gideoni sahaábuudá' guri naifeérár kaahamusmór tleéhh, gari qaás baraá gixsarós ar ta bay Ofra. Múk Israeli sleémeero iri amoodá' i tláy as kuwa sluufmiisi. Naifeéradá' iri tsaaxweeli tleehhít dír Gideoni nee múk do'ose.

HAR'OHUUSE 8:27 Iomraidhean Croise

WARA'AMI 106:35

ala tina haragwaiyé' nee múk xoordaá hatlá', kiri dawaqaás nee múk xoordaá hatlá' tlehhmi'ii'ine.

WARA'AMI 106:39

Gawaá adoorihe nari daba' tlakweemiisiyé' as tlehhmi'ii'ín, inooín naa inkihhimu wasleesiyé' dír Munguhe nari fuquusiyé'.

WARA'AMI 73:27

Asma mukdá' taa paraatl nee kuúng ta qwaar, kudá' sleémeero inkihhimuú kooma'aaká diroge in qwaarés.

TI'INAANGW 23:33

Inooín mindiwa baraá yaamuuhúng wa hootiyé' as munduwa baraá tlakweemií dahaasiyé', aníng kuungá' iri sa dakusá'. Asma bar kuungá' munguii'ín iga sluufmisuú eeré', daqaní looeemaawo aga daté' baraá tsaaxweeli.»

TI'INAANGW 32:4

Aroni saaqaánduudá' oo sahaábu guri ilaaóh dir'ín wa ale, guri daá/ ar asla, guri kwahhuút, guri murslaaqatuú damaárár tleéhh. Nee inooín tari oó', «Aá Israeli, gaarí an munguiirén kudá' atén taa baraá yaamaá Misrír wa duuxiye'.»

TI'INAANGW 34:16

Daaqaywók mu dasuuín ar duuxuutmisaar, aluuwo dasuuín iri munguii'ín sluufmisuú áy, daaqayhúng sleeme kuri ta/eekw, iri munguii'ín sluufmisuú áy.

ISAYA 8:20

Ala kuungá' inooín ki beera', «Gár Mungú kuungá' nuwa intsaahhatamiisi na iiárií qaasaak, gi'i mi iiárií qamimara', asma gár hhoo' ngi aain'aaká.»

ESEKIELI 7:20

Asma inooín xirfuú gaa wásl nguna tleehhiyé' ar miislidá' hhoohhoo'. Slaqsa'aá munguaá hatlá' kudá' iga buhhtisiye', dinkwa nee muruuín kudá' alsi'ime, muruuwí sleémeerowo dir'ine un meetagaas.

HOSEA 2:2

Aayorhúng harhheehhe'eesaak, asma inós a harer'eeneeká nee aníng sleeme a hhawaatuuwoseeká. Harhheehhe'eesaak tsaatu'uumarós ngi meer, aníng mawa ga/aw, nee iseemaawós mingiwa ilatleerí múkár tleemís.

HOSEA 3:4

Asma múk Israeli deelór yaariire i waawutmoó kon'aaká, laqaá heé úr, laqaá ilahhooár muruú ta tsu/i, laqaá /aampa, laqaá naifeéra laqaá tam slaqsa'aá munguii'ín.

DABE 12:5

Ala tlawé' ay didá' AAKOÓ MUNGÚ, Munguúhúng i tsawaari baraá tla/ángw tlahhi'i sleémeero, as umuuwós kuwa xirfayeesa', nee dír hotaawós kawa tlehha', amoodá' an amór kuungá' ta keera'.

DABE 7:16

Xooro tam gaalá ar AAKOÓ MUNGÚ, Munguúhúng naa gawaá dabaahúng i haniís hhaamiisaak, ma baloó gurtlawaara'. Mungui'ín mi sluufmiisara', asma gár adór tí dirhunge a tsaaxweelír kuungá' nu ohiim.

DABE 7:25

Slaqsi'ii'ín kudá' taa dakuút awa mungui, da/aak. Peésaadá' kira tleéhh, nee sahaábuwo, mi ilatleeruusara', laqaá muruuín kwí mu ar tlawaara' as tawa koohúng. Adoorí bara tlehhé' a tsaaxweeli dirhunge, nee AAKOÓ MUNGÚ, Munguúhúng ga waak.

HAR'OHUUSE 17:5

Heewí ta bay Mika, doó mungú nguwa sluufmiisi guna tleéhh, nee naifeéra gana tleéhh, nee slaqsa'aá munguaá hatlae, garmaawós gway kaahamusmoowós wa qaás.

HAR'OHUUSE 18:14

Aluuwo mukdá' kooán yaamaá Laishi ngaa tsawtsawuusár aye', hhaeeín ngiri bayé', «Xayshé', kuungá' a xuá'a adór baraá do'koowo murslaaqatuú taa daákw kuri parootuús ar muqslír taa weeqatís i deer, nee slaqsa'aá hatlae nee naifeéra. Hám daxta kuungá' ma katá' adór ta laqaan.»

HAR'OHUUSE 18:17

Mukdá' kooán yaamuudá' gaa tsawtsawuusár ay, tana tsa/án tay dáh baraá do'duú murslaaqatuudá' taa tleéhh, nee kudá' taa daákw kuri parootuús, kuri duúx, nee naifeéraro. Qoomaarihe kaahamusmo i dinkwa nee hhawaateedaá tsiire lahhoó', kudá' xoosla ngaa oohiye', tari dír dahmaá afkú doó áy.

HAR'OHUUSE 2:2

nee kuungá' al'axweesani ma tleehhara' nee yaamuloouusér yaamuuká'. Kiteeri'ín awa ilahhooa kawa hanmiisi na fee/aak.› Ala afor'eé' kay axasi'iiká. Xáy, adoosíng gár kasa tlehhé' a milá?

HAR'OHUUSE 2:3

Gawaá adoorihe hamí aníng an kah, án muksíng u guusaaká dír ilaahunge, ala in adór laqaya' tleehhitiyá' baraá slaqoohunge, nee munguii'ín nuri baraá iiara'adií dahaasiyá' oo kiwa sluufmisuú eera'.»

HAR'OHUUSE 6:11

Malaykamoó AAKOÓ MUNGÚ iri tláy, iri iwiít dír gamuú ta/eewi ar baraá Ofra, tidár Yoashi, heé tlahhoó Abieseri. Gideoni garmoó Yoashi i angaánoó muux baraá bohóngw sabiíbu kuwa tsoo/a/iti as mukuwa ár nee múk Midiani.

HAR'OHUUSE 6:24

Naagáy Gideoni kitangwduú ilahhooár AAKOÓ MUNGÚ guri didií tleéhh, didá' gari umií tsaát iwa kaahi, «AAKOÓ MUNGÚ a wayda.» Tam ay laarí kitangwduú ilahhooa i daadeer didár Ofraro, tidár tlahhoó Abieseri.

HAR'OHUUSE 8:26

Saaqaánduú sahaábu oo taa haniís dír Gideoni a kílo mibeeri tsár, dinkwa nee saqaánduuwihe, muruú hatlá' taa hanmiís a tlabaá sirdaa/aten awa mibeeri tsár, dinkwa nee tlabaá waawituú Midiani aa dahamiís nee himtaawér baraá isaá angamiaduuín.

HAR'OHUUSE 8:28

Naagáy múk Midiani kuri ló'wa arbaá/, tam múk Israeli ngwaa baloó dae tsati'iiká. Yaamaá Israeli wayda ngway slayé' ar afiqoomár kureeri mibeeri tsiyáhh de'emaá Gideoniwo.