HAR'OHUUSE 8:24 - Biblía Axweesantá Hhohho' ar Mungú 2004

²⁴ Giri malé báy, «Aníng kuungá' nu firiím gár wake, na'asé', umuúqo heewo saaqaánduú sahaábu kudá' taa sleeré' haasaáng wa ale haniisare'.» As múk Midiani tawa oo tlahhoó Ishmaeli parooti a gar'ín.

HAR'OHUUSE 8:24 Iomraidhean Croise

IIMU/UUNGW 24:22

Angamía qoomár wahaango iwa hhe'és, heedaádá' peétér taa tleéhh ar sahaábu gana taataáhh, iiloeemaawós a har afi qoomoó tlaqtá shekeéli. Peéterí gari dahaás gawaá duungaá Rebeka. Nee munga'aá tsár awa taa tleéhh ar sahaábu giri dahaás gawaá dabaawós, iiloeemaaín a har afi qoomoó shekeéli mibaangw.

IIMU/UUNGW 24:53

Peésa gari duúx, nee sahaábu nee tlaba', giri Rebeká i haniís. Muruú tlaxór gawa sleeme guri haniís dír hhiyoó Rebeka nee aayírós.

IIMU/UUNGW 25:12

Kuká' an daaqoó Ishmaeli, kudá' Hagari ar Misri sagadiyuso'ór Sara aa dír Abrahamií xwayluúr.

IIMU/UUNGW 25:13

Umer'ín an tí, nee adór tira hariyé' xwaylaro: Nebayoti an baris, nee Kedari, nee Adbe'eli, nee Mibsamu,

IIMU/UUNGW 35:4

Inooín munguiidá' ta haratlintaati'i ngiri Yakobo i haniisiyé'. Nee saaqaanduú baraá iaaín i diriia, Yakobo giri tiíp dír gamuú ti'ita, iisaapoó gixsár Shekemu.

IIMU/UUNGW 37:25

Tari iwiít as tawa /ayin. Naxés tawa qaytsiít, múk Ishmaeli kuna ár oo aauuse, naa hardáh, ta yaamaá Gileadír daahh. Inooín a múk halaanu'uumár tleéhh. I angamíar'ín koná'. Nee muruuín kudá' ta weerimiisi angamía gun loohís. Gár i kona' a moqoonjó nee garka mooyángw tsuú' koom qoomár barka daá/, nee mooyangwko ta babay manemane, kun yaamaá Misrír i huuw.

IIMU/UUNGW 37:28

Muko oo yaamaá Midiani oo múk tlaxuúm iwa waaraahhi, Yosefu kuri duúx baraá hhalaango, kuri weeriís dír múk Ishmaeli, ar shekeéli mibeeraá tsár. Inooín Yosefu kuri huúw ay yaamaá Misri.

1 WAAWITÁ 20:11

Waawutmo Ahabu iri oó', «Waawutmo Ben-hadadi ku beera', ‹Heé migusmo i durbaabin a baraá slaqwaraaro birna waátl, a qoomár bir slaqwarár ayká.› »

TI'INAANGW 12:35

Adoodá' Mose nga báy ngiri tleehhiyé', múk Misri nguri firiné' xooslaá muqslír peésaaro nee ar sahaábuwo nee tlabaawo.

TI'INAANGW 32:3

Aluuwo muu sleémeero saaqaánduú sahaábu oo gawaá iaaín i dirií' nguri huwiyé' dír Aroni.

TI'INAANGW 32:4

Aroni saaqaánduudá' oo sahaábu guri ilaaóh dir'ín wa ale, guri daá/ ar asla, guri kwahhuút, guri murslaaqatuú damaárár tleéhh. Nee inooín tari oó', «Aá Israeli, gaarí an munguiirén kudá' atén taa baraá yaamaá Misrír wa duuxiye'.»

TI'INAANGW 32:8

Naa qwaariyé' ar gaanslaay, loohidá' aníng ngay hara'ayiím ngaa mayé'. Inooín taa damár taa kwahhuút i tleehhiyé', ngay sluufmisiyé', nee ilahhooár muruú ta tsu/i ngiri hanmiisiyé', tawa kaahi, ‹Aá Israeli, gaarí an munguiirén, kudá' atén taa baraá yaamaá Misrír wa duuxiye'.› »

ESEKIELI 7:20

Asma inooín xirfuú gaa wásl nguna tleehhiyé' ar miislidá' hhoohhoo'. Slaqsa'aá munguaá hatlá' kudá' iga buhhtisiye', dinkwa nee muruuín kudá' alsi'ime, muruuwí sleémeerowo dir'ine un meetagaas.

HAR'OHUUSE 8:25

Muu Gideoni guri báy, «Atén ngi hanisaán ar sla'aarirén.» Tlaba kiri hhaáf umuúqo heewo saaqaánduúwós kuduú haasaáng guri gawaadií kwaáhh.

1 SAMUELI 25:11

Xáy án muruú /aymar'eé' ngun haniísa nee ma'aywo nee fu'unaá naa amohhe'eés as múk se'éngw bee/angw'eé' tlaáq, múk ni baloó xuaaká nguri tsuwa qáwa, tam amór ni dahhiya' a xuaaká?»