HAR'OHUUSE 8:10 - Biblía Axweesantá Hhohho' ar Mungú 2004

¹⁰ Seba nee Salmuna ta baraá yaamaá Karkorírí dirii' dinkwa nee slaqwaruusér kume mibaá nee kooán ar aa met slaqwaruusér da/aawe, asma hhaeeín awa slaqwarár paangadu ngi baalá' awa kume tsiiru nee mibeeraá tsár kina qororo'oós.

HAR'OHUUSE 8:10 Iomraidhean Croise

2 WAAWITÁ 3:26

Waawutmoó Moabu ngiwa ár kuwa ar baá/ slaqwaraaro, múk tsiire faanqw oo slaqwarár ló' wa xuú' ar paangadu, guna tsawaár as slaqwaruusér Edomu ngiwa tla/a pu'uusi ala adoodá' gaa aleeslayká.

2 QOM'I 13:17

Abiya nee slaqwaruuseerós slaqwaruusér Israeli kari ló'wa tsuú/. Slaqwaruusér miguuse ar Israeli kaa tsuú/ a kume tsiire kooán.

2 QOM'I 28:6

Peka garmoó Remalia slaqwaruusér Yuda ar kume tsiiruú wák nee mibeeri tsár gana tsuú/ baraá looár wák i ale. Adoorí ina tleehharút asma inooín AAKOÓ MUNGÚ, Munguú baabi'ii'ín nguna geexayé'.

2 QOM'I 28:8

Slaqwaruusér Israeli hhaeeín awa kume tsiire tsár ngina ar tlayé' dinkwa nee /ameena nee daaqaay nee dasuuwo. Inooín sleeme daqaari'iimár yaariir ngiri haasaáng wa ar tlayé', ngari huwiyé' ay Samaria.

ISAYA 37:36

Naagáy malaykamoó AAKOÓ MUNGÚ xweeraawo ina tláy slaqwaruusér Ashuru ar kume tsiiruú wák nee mibeeri dakaát nee kooán gari slururu'uús. Matlaatleero looa niwa tleér naxés mukwí sleémeero an tu'u.

ISAYA 9:4

Asma taaqwanay'ín kudá' iló', kudá' taa gawaá sum'ii'ínií tsegiít nee hhartadár baramaanuuser'ine iga giqeér, adoodá' múk Midiani aáng kura bál.

HAR'OHUUSE 20:15

Múk Benyamini iri buruumburiít baraá gixsaduuín wa ale. Dinkwaaro a kume mibeeri tsár nee lahhoó', múk slaqwarár paangadu ga baál nee yaamuloouusér Gibea tidá' aa burumburit a tsiire faanqw ar taa tsawaár.

HAR'OHUUSE 20:17

Múk Israeli kuna dimbé faár dír múk Benyaminiro, a hhawaate kume tsiire tsiyáhh awa paangadaá koomá', sleémeero a miguusér slaqwara.

HAR'OHUUSE 20:2

Geeraharuusér uren ar tlahhi'i sleémeero awa múk Israeli iri daqeér baraá dinku'uumár múk Munguhe. Inooín sleémeero a slaqwaruusér kume tsiire tsiyáhh ar ya'ár hi'iimiit ar xoslaá slaqwarár koom.

HAR'OHUUSE 20:25

Múk Benyamini iri Gibeár wa ti'iít as tawa slaqwi nee inooín wa'aá tsare, muu kume mibaá nee dakaát oo slaqwaruusér Israeli kuri hhaamiís malé alé. Mukwí sleémeero xoslaá slaqwara gi kón.

HAR'OHUUSE 20:35

AAKOÓ MUNGÚ múk Benyamini gway muúx geeraá xoorór Israeli wa ale, xoorór Israeli hhawaataá kume mibeeri tsár nee kooán nee tsiiruú wák awa Benyamini kina hhaamiís baalaadae, kuká' sleémeero slaqwara ngi baaliyá'.

HAR'OHUUSE 20:46

Múk Benyamini oo baalaadae taa daáhh a kume mibeeri tsár nee kooán, oo slaqwarár baál, kuká' sleémeero a miguuse.

HAR'OHUUSE 6:5

Mukwí ina intsahhán daqaaqango, inooín ki ló'wa yaariir adór ingigi nee hikwaaine, nee angamíaro nee heemaduwo, niri hotaá ayé' yaamaá múk Israeli, yaamaá múk Israeli ngiri hhitaatiné'.

HAR'OHUUSE 7:12

Múk Midiani, nee múk Amaleki, nee múk hatlá' sleémeero oo da/aá daáhh xatsa ngaa qaroó alqaatiyé', yaareemaawo a adór ingigi, nee inooín angamíár yaariir adór hhasángw afaá tlawi ngi koná'.

HAR'OHUUSE 7:13

Qoomár Gideoni iwa hardáh dír xafoó múk Midiani, naxés heeko wák i axwees dír mulqumoowós, i kaahi, «Gám aníng aga tlatitiím, /aarmoó mukaatmoó shayiíri ina gwangwara'aát baraá xafoó múk Midiani, heéma gari dalaá/, iri hú', iri /arankwatsít, iri yaamií hhaafít.»

HAR'OHUUSE 7:22

Qoomár múk Gideoni tarumbeétadaá tsiire tám ngiwa ufaahhiyé', AAKOÓ MUNGÚ tlaahhi gari kwaáhh dír slaqwaruusér Midiani, tiri kilooín mutiné' ar paangadu. Inooín tana ta'aaín tay saweés ay Bet-shita geeraá Serera, ay Abel-Mehola iisaapoó Tabati.

HAR'OHUUSE 8:11

Gideoni loohír /uwa tidá' bihhaá da/aáw awa Noba nee Yogbeha gana eehár, slaqwaruuseerí gari hhaawiís, giri tsitsiíhh muxtaaro slám inooín taa amohhe'esi'iiká.