HAR'OHUUSE 8:1 - Biblía Axweesantá Hhohho' ar Mungú 2004

¹ Múk tlahhoó Efraimu Gideoni nguri yaahasiyé' tawa kaahi, «Asma milá mista adoorí tléhh? Ahaá mista ateti'iiká qoomár tawa slaqwa' nee múk Midiani?» Nguri ló'wa ii buhhiyé'.

HAR'OHUUSE 8:1 Iomraidhean Croise

2 SAMUELI 19:41

Múk Israeli sleémeero tana daqáy amór waawutmo, kuri báy, «Asma milá, hhaeerén awa Yuda kuúng musa loohír wa fiisír, turi waarahhaás yaaér Yordaniro, kuúng nee múk do'oge, dinkwa nee mukók kuduú hatlae?»

2 SAMUELI 19:42

Múk Yuda múk Israeli kuri báy, «Asma waawutmo a hhiyaarén oo tseéw. Ahaá waáy, masa buhhé as kaangwí? Xáy, muruuwós oo naa /ayaán i deéro, laqaá inós atén qeemuú tira qáy i deéro?»

YOBU 5:2

Ar tsuwa ló' heé daktani daawitame gu gás, nee heé baraawásl da/i gu hhaamís.

AXWEESANOÓ SAGALOOA 15:1

Heé aa buuhh burkwa mu/aywaáts ar tsaeema buuhhtaawós gin máy, Ala afaatli/a i buhhtaá dogít.

DAHARUSMO 4:4

Aníng ana malé qaytsiít gadiyér muu i tlehhiiti ngari ár, nee umuú heé aa geerií kumiiti, muruuwí dír i dahhi a muu tiwa da/tá araa'ari. Tí sleeme a tawór huwisha, nee a adór heé fur'a gaa alta'aain.

HOSEA 13:1

Múk Efraimu iwa ilawaáts, muu iri daaraxaát, múk Efraimu iri iiatleerúy baraá Israeliwo, ala mungú Ba'ali nguri sluufmisiyé', tari qaátl as adoorí.

HAR'OHUUSE 8:2

Ala Gideoni gina báy, «Muruú aníng naa tleéhh a ak gaarooká burkwa alqoomeés nee kudá' kuungá' taa tlehhé'. Muruú múk Efraimu aa sleemiís alaá bu'uungo ku ló'wa hhó', slám ku hhohhó' ta bu'úngw Abieseri kuduú tlahhay'eene.