HAR'OHUUSE 7:9 - Biblía Axweesantá Hhohho' ar Mungú 2004

⁹ Xweeradaá kilae AAKOÓ MUNGÚ Gideoni guna báy, «Ti amohhe'es, xafoó múk Midiani kuwa i haratleer, asma aníng arba/ati ngaa dirógí haniís.

HAR'OHUUSE 7:9 Iomraidhean Croise

2 QOM'I 20:17

Kuungá' a slaqwa'aaká nee inooín, kuungá' ti amohhe'ese' daqaní ka daandá', kuungá' aqo aandá' adór anuú AAKOÓ MUNGÚ nir kitangwhúng wa slaáqw. Kuungá' múk Yuda nee oo Yerusalemu, ma da'ayuumitaara', laqaá ma amoqwaqwadimara'. Tlawsé', slaqwara awaak matlo, AAKOÓ MUNGÚ a dinkwa nee kuungá'.› »

YOBU 4:13

Xweerawo qoomár niwa baraá tlatáy dirii', qoomár muu sleémeero gu'utér ilo' nguwa ohahiin,

Matayo 1:20

Ala qoomár iwa kaangwí axweesi malaykamoó Aako guna i daqáy ar baraá tlata, guri báy, «Yoséfu garmoó Daudi, ma da'ayuutaar Maria kawa dux, tawa hareerók, asma tsiihaywós oo Qeeruú hhoohhoó' oo Mungú.

Matayo 2:13

alaá xu'utuuseedár tsatse/ iwa tleér, malaykamoó Aako iri hardáh dír Yosefu ar baraá tlata, iri oó', «Tláw na/aay nee aayooro ar guweek ay baraá yaamaá Misri, amoodá' wa hootaak ay dír án kuúng uy ateet. Asma Herode i na/oó leelehhiit as nguwa gaasi.»

Tlehhema'aá ya/Abuuse 27:23

Asma xweeraaká' laarí malaykamoó Munguúdá' aníng naa haratlintií', slám ni sluufmiis, nina bihhieé' i sihhiít,

YOSHUA 10:8

AAKOÓ MUNGÚ Yoshua guri báy, «Ma baloó da'ayutaar as inooín. Asma aníng inooín ngaa qaroó gawaá dabaawók i qaás. Heé kuúng u harasihhiít i kaahh tumu wák.»

YOSHUA 11:6

AAKOÓ MUNGÚ Yoshua guri báy, «Ma baloó da'ayumiitaar as inooín. Matlo qoomár adór tihe aníng inooín in qaás gawaá dabaá múk Israeli, sleémeero kin hhaamiis. Alaá slaqwaraaro farasuuín kun kane tlaaq, nee gaarduuín kudá' slaqwara ki daa/ ar asla.»

YOSHUA 2:24

Yoshua nguri bayé', «Atén aga tsaahhaán adór AAKOÓ MUNGÚ yaamuudá' sleémeero ngira dír atén i haniís. Slám yaamuloouuse sleémeero ar baraadá' hoot hor/i gina eér as atén.»

HAR'OHUUSE 20:28

Finehasi garmoó Eleasari garmoó Aroni a heé sihhimiít dír geeraá sandakmoodá' wa alé deeloodae. AAKOÓ MUNGÚ kuri yaahaás tari oó', «A malé tlawaána as tawa slaqwaan nee hhaeerén awa Benyamini, laqaá i mawaán.» AAKOÓ MUNGÚ giri báy, «Tlawsé', tsa/amé', asma matlo aníng ngi gawaá dabaahúng i qaás.»

HAR'OHUUSE 3:10

Qeeruú AAKOÓ MUNGÚ Otnieli guri hatsiís, inós tari har'ohusmoó múk Israeli, iri slaqwarár áy. AAKOÓ MUNGÚ Kushan-rishataimu waawutmoó Mesapotamia guri gawaá dabaawós i qaás, inós Kushan-rishataimu guri baál.

HAR'OHUUSE 3:28

Giri báy, «Aníng na eeharaaré' asma AAKOÓ MUNGÚ wakuuserhúng tidár Moabu ngaa gawaá dabaahúng i qaás.» Ehudi nguri eehariyé', tari /eét ay amór yaaér Yordani, didá' ta warhhaahhati ar ya'a', ngiri hayoohiyé', ngiri tseegiyé', tam heé wák aa waarahhiiká.

HAR'OHUUSE 7:10

Ala bar daiimít, ti alkoonde' nee Pura sagadiyusmoowók ay didár xafay'ín.

HAR'OHUUSE 7:8

Naagáy Gideoni sirwoó ninákw oo muruú /ayma gway gawaá daber'ín wa taataáhh nee tarumbeétaaro, muu sleémeero oo Israeli guri watlís umuú heewo amór heémaarós, ala múk tsiire tám guri ilaá/. Xafoó múk Midiani dir'ine i bihhaá baraay baraá xatsa.

1 SAMUELI 14:8

Yonatan iri oó', «Ga/aaweek, atén mukwí un harawarahhaán, nee atén tiri laqaamaán dir'íní ale.

1 SAMUELI 23:4

Daudi AAKOÓ MUNGÚ guri male firín, Aakoó Mungú Daudi guri mu/aywaáts, iri oó', «Tláw ay Keila, múk Filisti ngu dabaawok i qaás.»