HAR'OHUUSE 7:3 - Biblía Axweesantá Hhohho' ar Mungú 2004

³ Tláw muu ádbaweek, ‹Bar heé daimiít i deer, miwa daqáy, i watli amór do'ós.› » Gideoni muu guri iiár, múk kume mibeeri tsár nee tsár tari waátl, múk kume mibaangw iri didií meét.

HAR'OHUUSE 7:3 Iomraidhean Croise

Matayo 13:21

Ala dee/árú ta kon i kaahh, nee deelór tawa hooti ka ureeká. Slahh'ámu binda ti'iít as axweesantadá', laqaá gusiisiingw, axweesantadá' kari máy.

Matayo 20:16

Yesu iri ilawaáts giri báy, «Gawaá adoorihe, kudá' alaá hará' ta geerií waaraahh, nee kudá' geeraá hará' ta alhhe'eesáy kii/.»

DABE 20:8

«Geeraharuuse i kumit yaahamisuuwo, ‹Xáy, heé daimiít laqaá heé aa daba' tsatiit i deéro? Bir deer i watli amór do'ós, aluuwo múk hatlá' munguwa daba' tsaát adór inós wa aleeró.›

Geehhoeemaá 17:14

Inooínaká' ta slaaqw nee Deelmoó bee/i. Ala Deelmoó bee/i inooín gi ar baa/, asma inós a Aakoó bariise, nee slám inós a Waawutmoó waawitá. Nee mukós kudá' taa ateét nee oo taa tsawaár nee oo inkihhím, inooín baali ngi slayá' dinkwa nee inós.»

Geehhoeemaá 21:8

Ala mukduú da'ayuuse, nee kudá' naa haratlinti'ii'iiká, nee kudá' buhhtimisá', nee mukdá' múk tsuú/, nee múk fuquuse, nee da/aluuse, nee múk munguaá hatlá' haratlintaatií', nee lamuuse sleémeero, dir'ín a baraá tlawtadá' asltá kiberiíti iwa ohahiin. Gaarí an gwa'arár tsár.»

HAR'OHUUSE 6:35

Ya/abuuse gari ya/aáw baraá yaamu sleémeero awa Manase as kaangw nguwa ooiya' iwa eeharina'. Ya/abuuse bahh'alé gari ya/aáw amór Asheri nee Sebuluni, nee oo Naftali, inooín tari hardáh sleeme, nari haragwaaiyé' dír Gideoni.