HAR'OHUUSE 7:22 - Biblía Axweesantá Hhohho' ar Mungú 2004

²² Qoomár múk Gideoni tarumbeétadaá tsiire tám ngiwa ufaahhiyé', AAKOÓ MUNGÚ tlaahhi gari kwaáhh dír slaqwaruusér Midiani, tiri kilooín mutiné' ar paangadu. Inooín tana ta'aaín tay saweés ay Bet-shita geeraá Serera, ay Abel-Mehola iisaapoó Tabati.

HAR'OHUUSE 7:22 Iomraidhean Croise

1 WAAWITÁ 19:16

Nee Yehu garmoó Nimshi di/i tir iimbalax as tawa waawutmoó Israeli. Elisha garmoó Shafati kuduú Abel-mehola di/ito ku iimbaláx as tawa aarusmoó kitaangók gu óh.

1 WAAWITÁ 4:12

Ba'ana garmoó Ahiludi, yaamaá Tanaki nee Megido, nee Bet-sheani sleémeerowo ar bihhaá Saretani, baraá Yesre'eli, iimír Bet-sheani ay Abil-mehola, tam ay Yokmeamu gina óh.

2 QOM'I 20:23

Múk Amoni nee oo Moabu nay haratlayé' amór múk tlom'aá Seiri, kari ló'wa hhaamiís. Alaá múk tloomár Seiri kuwa hhaamiís, tiri kilooín saki/iyé', tiri faakiyé'.

WARA'AMI 83:9

Tidá' taa tléhh dír múk Midianíri alé, nee dír Sisera nee Yabini, didár yaaér Kishonír wa ale, dir'ín tii tlehh.

ISAYA 19:2

Aníng múk Misri un tlaahhírí kwaáhh, umuú heewo nee hhiyaawós tiri ayá'. Tam inslaawmo nee kuqá' tin ayá', aya nee kuqá' tiri ayá', waawutmo nee kuqá' tiri i tlayá'.

ISAYA 9:3

Kuúng, Mungú, xooro aga urés kay qwal/atisa hhe'és. Muu geeraawoge in qwalalaa/, tan qwalalaa/ adór qoomár bu'uungw, adór múk haasaáng qasmiís.

ISAYA 9:4

Asma taaqwanay'ín kudá' iló', kudá' taa gawaá sum'ii'ínií tsegiít nee hhartadár baramaanuuser'ine iga giqeér, adoodá' múk Midiani aáng kura bál.

ESEKIELI 38:21

Aníng umuú gár de'e tlaaq a tsaanguús as Gogu kuwa ilaa/i. Anuú Aakoó MUNGÚ tí aga oó'. Slaqwaruuseerós tin kilooín layá' ar paangaduuín.

HABAKUKI 3:14

Baaluusér slaqwaruuseedá' ana tlaqút ar maheeri'ín awa kilá'. Inooínaadá' naa haraatlaye' adór bambaór wa ale as atén tiwa tlatlahhasiya', inooín a adór múk a qwalaa/ as narkuute ngiwa naaqo gu/iya'.

HAGAI 2:22

aníng waawitá u kwaáhh nee kiteeriidaá waawuti'iima i /aankwaraáts. Aníng /uureemaá waawuti'iimár dimbadimbé ar xoordu i hhitiím. Aníng gaardu i /aankwaraáts nee kudá' naa gawaawósií tsa/ane', faraási nee kudaádá' ngi ii tsa/aa/amá' ki tsuu/ nee hhaeeín ar paangadu.› »

SEKARIA 14:13

Baalaadae AAKOÓ MUNGÚ mukdá' gu daér yaariír ar áy, umuúqo heewo kuqá' gu i haratláy.

2 korinto 4:7

Ala ateéká' daqaari'iimarí koomá', atén a adór xooslaadár tleei. Mungú adoorí gana tleéhh, as kaangwí iwa geehhouy adór /uuruuwí úr amór i dahhi tar amooreneeká, ala a amór Mungú.

YOSHUA 3:16

ma'aydá' gáwtá wa wa/amiimá' niri sihhiitiyé' adór ufa, niri saweesiyé' ay amór yaamaá Adam, iisaapoó gixsár Saretani. Qoomár yaae wa/amíngw amór Tlawtá Diwi nguwa meér, muu iri waaraáhh gayuú Yeriko.

YOSHUA 6:16

Harweermór faanqw kawa hhe'eés, qoomár kaahamuusér Mungú tarumbeetadu ngiwa ufáhh, Yoshua mukós guri báy, «Tsee'é'! Asma AAKOÓ MUNGÚ gixsarí nga dirhúngí haniís.»

YOSHUA 6:20

Naagáy muu iri tseé', tarumbeetadu kiwa ufaáhh. Muu afór tarumbeetadu kawa axaás, tari ak tseé' ar afór ur, nee koo/i iri huhu'uún, muu iri dáh baraá gixsa umuú heewo ar didií sihhiít, inooín gixsa ngiri hayoohiyé'.

YOSHUA 6:4

Kaahamuusér Mungú ar faanqw ar tarumbeétadaá faánqw koom awa taa tleéhh ar xareemaá gwaandaawe, i geeraá sandakmoó alqadór wa hi'it. Bál faanqwe kuungá' sleémeero gixsár Yeriko hi'iitano tir harwede' sagaáwa faanqw. Kaahamuusér Mungú i geeraá sandakmoó alqadór wa hi'it, nee tarumbeéta ngi ufhhane'.

1 SAMUELI 18:19

Ala qoomaadá' geeraawo Merabu dasír Saulo haniisa ngiwa eér amór Daudi, kana haniís dír Adrieli heé gixsár Mehola.