HAR'OHUUSE 7:21 - Biblía Axweesantá Hhohho' ar Mungú 2004

²¹ Umuúqo heewo ina sihhiít dirós i alé as xafaydá' kuwa harweeri. Slaqwaruusér Midiani iri góp i hara uuamiín.

HAR'OHUUSE 7:21 Iomraidhean Croise

1 WAAWITÁ 20:20

Umuú heewo dir'ine heé wák oo Aramu guna gaás. Múk Aramu tari goów, kiri eehár nee slaqwaruusér múk Israeli. Ala Ben-hedadi waawutmoó Aramu aa tsa/án gawaá farasirí ale, ina goów nee slaqwaruuse bahh'ale aa farsií tsa/aan.

2 QOM'I 20:15

Yahasieli iri oó', «Iia qaasaak, kuungaá múk Yuda nee yaamuloouusér Yerusalemu dinkwa nee waawutmo Yehoshafati! AAKOÓ MUNGÚ i kaahi, ‹Ma da'ayuumitaara', laqaá ma amoqwaqwadimara' as slaqwaruuseerí yaariir. Slaqwararí a toohungeeká, slaqwaraarí ar Mungú.

2 QOM'I 20:17

Kuungá' a slaqwa'aaká nee inooín, kuungá' ti amohhe'ese' daqaní ka daandá', kuungá' aqo aandá' adór anuú AAKOÓ MUNGÚ nir kitangwhúng wa slaáqw. Kuungá' múk Yuda nee oo Yerusalemu, ma da'ayuumitaara', laqaá ma amoqwaqwadimara'. Tlawsé', slaqwara awaak matlo, AAKOÓ MUNGÚ a dinkwa nee kuungá'.› »

TI'INAANGW 14:25

Ya'aá gaarduuín giri hhitín, gaardu nari hi'iimitiyé' ar tseegamis, múk Misri iri oó', «Gusé', a guwaán geeraá múk Israeli wa ale, asma AAKOÓ MUNGÚ i barti'ín wa slaaqw amoorén i ale.»

AXWEESANOÓ SAGALOOA 28:1

Múk tlákw tan tawo goow tam heé gi gusisiím i kahhi, Ala múk hota ganaá' ta diiqiiká adór direeri.

ISAYA 30:15

Asma Aakoó MUNGÚ, Kudá' Hhoohhoó' oo Israeli i kaahi, «Kuungá' an ba/aandá' ar loohír niwa amor'eéní ki/a' nee tawa dir'eéní xaslita'. Kuungá' bara xaslité' nee aníng bira harahhifé', daqaní /uuru u sleerá'.» Ala kuungá' adoorí aga slai'iiká.

ISAYA 30:7

Asma alee/isoó múk Misri a adór tawo nee kahhaay. Gawaá adoorihe aníng Misri ngiri báw ‹Umuuwók a dayshamoó aa xasliit.› »

Ebrania 11:34

aslaá xaraaslá' kiri tsuú/, nee slám inooín tana ba/án paangadaá xaraasla'a as mikiwa tsuú/. Inooín a múk slaqootlakwén, aluuwo /uuru nguri slayé' as haratlintaao. Tari slaqwaruusér xaraasl tleehhiít, slaqwaruusér hooma kari gusiisín.

HAR'OHUUSE 7:20

Nee daqtadár tsár sleeme adoodá' ngina tleehhiyé'. Inooín sleeme tsaa'aso ngina oohiyé' ar daber'ín ar doó basáy nee tarumbeetadu dabér doó /iyáy, nee tari tseé' ar afór ur tawa kaahi, «Lawaalarí ar AAKOÓ MUNGÚ nee ar Gideoni.»